ಹೈದರಾಬಾದ್ :ಕೊರೊನಾದಿಂದ ಮೃತಪಟ್ಟ ಭಾರತಿ ಎಂಬ 25 ವರ್ಷದ ಮಹಿಳೆಗೆ ಬಹುಭಾಷಾ ನಟ ಸೋನು ಸೂದ್ ಭಾರವಾದ ನೋವಿನಿಂದ ಸಂತಾಪ ಸೂಚಿಸಿದ್ದಾರೆ.
ಸೋಂಕಿನಿಂದ ಬಳಲುತ್ತಿದ್ದ ಭಾರತಿಯನ್ನು ನಟ ಸೋನು ಸೂದ್ ಅವರ ತಂಡ ಮಹಾರಾಷ್ಟ್ರದ ನಾಗ್ಪುರದಿಂದ ಏರ್ಲಿಫ್ಟ್ ಮೂಲಕ ಹೈದಬಾದ್ಗೆ ಕರೆತಂದಿತ್ತು.
ಆದರೆ, ಇಂದು (ಶನಿವಾರ) ಚಿಕಿತ್ಸೆ ಫಲಿಸದೇ ಮಾರಣಾಂತಿಕ ಕಾಯಿಲೆಗೆ ಭಾರತಿ ಬಲಿಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಟ್ವೀಟ್ ಮಾಡುವ ಮೂಲಕ ಸಂತಾಪ ಸೂಚಿಸಿದ್ದಾರೆ.
ಇದನ್ನೂ ಓದಿ: ಕೊರೊನಾ ಗೆದ್ದ ಸೋನು ಸೂದ್: ಕೋವಿಡ್ ಸೋಂಕಿತೆಯನ್ನು ನಾಗ್ಪುರದಿಂದ ಹೈದರಾಬಾದ್ಗೆ ಏರ್ಲಿಫ್ಟ್ ಮಾಡಿಸಿದ ನಟ!
ಮೃತ ಭಾರತಿಗೆ ನೋವಿನಿಂದ ಸಂತಾಪ ಸೂಚಿಸಿದ ಸೋನು ಸೂದ್, ಕಳೆದ ಒಂದು ತಿಂಗಳಿನಿಂದ ಈ ಸೋಂಕಿನ ವಿರುದ್ಧ ನೀವು ಹೋರಾಡಿದ್ದೀರಿ. ನಾನು ನಿಮ್ಮನ್ನು ಯಾವತ್ತೂ ಭೇಟಿ ಆಗಲಿಲ್ಲ.
ಆದರೂ ನೀವು ನನ್ನ ಹೃದಯದಲ್ಲಿ ವಿಶೇಷ ಸ್ಥಾನವನ್ನು ಪಡೆಸಿದ್ದೀರಿ. ನಿಮ್ಮ ಆತ್ಮಕ್ಕೆ ಆ ದೇವರು ಶಾಂತಿಯನ್ನು ತಂದು ಕೊಡಲಿ ಎಂದು ಪ್ರಾರ್ಥಿಸುವುದಾಗಿ ತಿಳಿಸಿದ್ದಾರೆ.
ಭಾರತಿಯನ್ನು ಬದುಕಿಸಬೇಕೆಂಬ ಆಸೆಯಿಂದ ಇದಕ್ಕೂ ಮುನ್ನ ಸೋನು ಸೂದ್ ನಾಗ್ಪುರದ ಖಾಸಗಿ ಆಸ್ಪತ್ರೆಗೆ ಸ್ಥಳಾಂತರಿಸಲು ಸಹಾಯ ಮಾಡಿದ್ದರು. ಆದರೆ, ಆಕೆಗೆ ಶ್ವಾಸಕೋಶ ಕಸಿ ಮಾಡುವ ಅಗತ್ಯವಿದೆ ಎಂದು ವೈದ್ಯರು ಸೂಚಿಸಿದ್ದರಿಂದ ರೋಗಿಯನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಹೈದರಾಬಾದ್‌ನ ಅಪೊಲೊ ಆಸ್ಪತ್ರೆಗೆ ಕರೆತಂದಿದ್ದರು.
ಆದರೆ, ಈ ಶತಾಯಗತಾಯ ಹರಸಾಹಸದ ಹೊರತಾಗಿಯೂ ಕೊರೊನಾ ಆಕೆಯ ಪ್ರಾಣ ಕಿತ್ತುಕೊಂಡಿದ್ದಕ್ಕೆ ನಟ ಸೋನು ಸೂದ್ ನೋವಿನ ವಿದಾಯ ತಿಳಿಸಿದ್ದಾರೆ.
ಇದನ್ನೂ ಓದಿ: ಲಾಕ್ಡೌನ್ ವೇಳೆ ವಲಸಿಗರಿಗೆ ಉಸಿರಾದ ಸೋನು ಸೂದ್: ಸ್ಪೈಸ್ಜೆಟ್ನಿಂದ ಕರುಣಾಮಯಿಗೆ ವಿಶೇಷ ಗೌರವ
ಮಗಳನ್ನು ಕಳೆದುಕೊಂಡ ಪೋಷಕರಿಗೆ ಧೈರ್ಯದ ಮಾತುಗಳನ್ನಾಡಿದ ಅವರು, ಶೀಘ್ರದಲ್ಲೇ ನಿಮ್ಮನ್ನು ಭೇಟಿಯಾಗುವುದಾಗಿ ಭರವಸೆ ನೀಡಿದ್ದಾರೆ. ತೀವ್ರ ಅನಾರೋಗ್ಯದಿಂದ ಬಳಲುತ್ತಿರುವ ನಿವೃತ್ತ ರೈಲ್ವೆ ಅಧಿಕಾರಿಯ ಮಗಳಾದ ಭಾರತಿಯನ್ನು ಕಳೆದ ತಿಂಗಳು ನಾಗ್ಪುರದಿಂದ ಹೈದರಾಬಾದ್ಗೆ ಕರೆತರಲಾಗಿತ್ತು. ನಟ ಸೋನು ಸೂದ್ ಅವಳ ಜೀವ ಉಳಿಸುವ ಸಲುವಾಗಿ ಸಾಕಷ್ಟು ಶ್ರಮ ವಹಿಸಿದ್ದರು.
