ಸೋನಿಯಾ ಗಾಂಧಿ ನಿವಾಸದಲ್ಲಿ ಕಾಂಗ್ರೆಸ್​ ಹಿರಿಯ ನಾಯಕರ ಸಭೆ : ಪ್ರಶಾಂತ್​ ಕಿಶೋರ್​ ಭಾಗಿ

ಈ ಹಿಂದೆ ಹಲವು ಬಾರಿ ಸೋನಿಯಾ ಗಾಂಧಿಯನ್ನು ಪ್ರಶಾಂತ್​ ಕಿಶೋರ್​ ಭೇಟಿಯಾಗಿದ್ದರು. ಅಲ್ಲದೇ, ಕೆಲ ವಾರಗಳಿಂದಲೂ ಅವರು ಕಾಂಗ್ರೆಸ್​ ಸೇರ್ಪಡೆಯಾಗಲಿದ್ದಾರೆ ಎಂಬ ಮಾತುಗಳ ಬಲವಾಗಿ ಕೇಳಿ ಬರುತ್ತಿವೆ..

ನವದೆಹಲಿ :ಮುಂಬರುವ ಚುನಾವಣೆಗಳ ಹಿನ್ನೆಲೆಯಲ್ಲಿ ಕಾಂಗ್ರೆಸ್​​ ಮಹತ್ವದ ಸಭೆ ನಡೆಸುತ್ತಿದೆ. ಪಕ್ಷದ ಹಂಗಾಮಿ ಅಧ್ಯಕ್ಷೆ ಸೋನಿಯಾ ಗಾಂಧಿ ನಿವಾಸದಲ್ಲಿ ಸಭೆ ಆರಂಭವಾಗಿದ್ದು, ಚುನಾವಣಾ ಚಾಣಕ್ಯ ಪ್ರಶಾಂತ್​ ಕಿಶೋರ್ ಸಹ ಸಭೆಯಲ್ಲಿ ಪಾಲ್ಗೊಂಡಿದ್ದಾರೆ.

ಕಾಂಗ್ರೆಸ್​ ನಾಯಕರಾದ ರಾಹುಲ್​​ ಗಾಂಧಿ, ಮಲ್ಲಿಕಾರ್ಜುನ ಖರ್ಗೆ, ದಿಗ್ವಿಜಯ್​ ಸಿಂಗ್​, ಅಜಯ್​ ಮಕೇನ್​, ಅಂಬಿಕಾ ಸೋನಿ, ಕೆ.ಸಿ.ವೇಣುಗೋಪಾಲ ಸೇರಿ ಹಲವರು ಪಾಲ್ಗೊಂಡಿದ್ದಾರೆ. ಗಮನಾರ್ಹ ಬೆಳೆವಣಿಗೆ ಎಂದರೆ ಚುನಾವಣಾ ಚಾಣಕ್ಯ ಪ್ರಶಾಂತ್​ ಕಿಶೋರ್ ಕೂಡ ಈ ಸಭೆಯಲ್ಲಿ ಪಾಲ್ಗೊಂಡಿದ್ದಾರೆ ಎಂದು ಹೇಳಲಾಗಿದೆ.

ಈ ಹಿಂದೆ ಹಲವು ಬಾರಿ ಸೋನಿಯಾ ಗಾಂಧಿಯನ್ನು ಪ್ರಶಾಂತ್​ ಕಿಶೋರ್​ ಭೇಟಿಯಾಗಿದ್ದರು. ಅಲ್ಲದೇ, ಕೆಲ ವಾರಗಳಿಂದಲೂ ಅವರು ಕಾಂಗ್ರೆಸ್​ ಸೇರ್ಪಡೆಯಾಗಲಿದ್ದಾರೆ ಎಂಬ ಮಾತುಗಳ ಬಲವಾಗಿ ಕೇಳಿ ಬರುತ್ತಿವೆ.

ಇದನ್ನೂ ಓದಿ:ಜಮ್ಮು- ಕಾಶ್ಮೀರದ ರಾಜೌರಿಯಲ್ಲಿ ಐಇಡಿ ಪತ್ತೆ..ನಿಷ್ಕ್ರಿಯಗೊಳಿಸಿದ ಸೇನಾಪಡೆ