ಜೋಧಪುರ(ರಾಜಸ್ಥಾನ): ಪಾಕಿಸ್ತಾನಕ್ಕೆ ಮಹತ್ವದ ಭಾರತೀಯ ಸೇನೆಯ ಮಾಹಿತಿ ರವಾನಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸೇನೆ ಮತ್ತು ರಾಜ್ಯ ಗುಪ್ತಚರ ಸಂಸ್ಥೆಗಳು ಆರು ಜನರನ್ನು ಬಂಧಿಸಿವೆ. ಸೇನಾ ಮೂಲಗಳ ಪ್ರಕಾರ, ಇದರಲ್ಲಿ ರಜೆಯ ಮೇಲೆ ಬಂದ ಓರ್ವ ಸೇನಾ ಯೋಧ ಕೂಡ ಸೇರಿದ್ದಾನೆ. ಉಳಿದವರು ಪಾಕ್ ಐಎಸ್ಐನ ಮಹಿಳಾ ಏಜೆಂಟರುಗಳ ಹನಿ ಟ್ರ್ಯಾಪ್‌ನಲ್ಲಿ ಸಿಕ್ಕಿಬಿದ್ದ ನಾಗರಿಕರಾಗಿದ್ದಾರೆ.
ಐಎಸ್ಐನ ಈ ಮಹಿಳಾ ಏಜೆಂಟರಿಗೆ ಇವರು ಹಲವು ಮಹತ್ವದ ಮಾಹಿತಿ ನೀಡಿರುವುದು ತನಿಖೆಯ ವೇಳೆ ಬೆಳಕಿಗೆೆ ಬಂದಿದೆ. ಬಂಧಿತರಲ್ಲಿ ಜೋಧ್‌ಪುರದ ಮೂವರು, ಪಾಲಿಯ ಓರ್ವ ಮತ್ತು ಜೈಸಲ್ಮೇರ್ ಜಿಲ್ಲೆಯ ಇಬ್ಬರು ಸೇರಿದ್ದಾರೆ. ಜೋಧಪುರದಲ್ಲಿ ಇವರೆಲ್ಲರ ವಿಚಾರಣೆ ನಡೆಯುತ್ತಿದೆ.