ಮಗಳ ಮುಂದೆ ತಂದೆಯ ಬರ್ಬರ ಹತ್ಯೆ.. ಸಿಸಿಟಿವಿಯಲ್ಲಿ ಸೆರೆಯಾಯ್ತು ದೃಶ್ಯ

ಮನೆ ಮುಂದೆ ಮಗಳಿಗೆ ಸೈಕಲ್​ ಹೇಳಿಕೊಡುತ್ತಿದ್ದ ತಂದೆಯೊಬ್ಬನ ಮೇಲೆ ದುಷ್ಕರ್ಮಿಗಳ ಗುಂಪು ಹಲ್ಲೆ ನಡೆಸಿದ್ದು, ಅದರ ವಿಡಿಯೋ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.

ತಿರುಚ್ಚಿ(ತಮಿಳುನಾಡು):ಇಲ್ಲಿನ ಭೀಮ್​ನಗರದ ವಕೀಲ ಗೋಪಿ ಕಣ್ಣನ್​ ಅವರನ್ನ ಭಾನುವಾರ ಬೆಳಗ್ಗೆ ಅಪರಿಚಿತರ ಗುಂಪೊಂದು ಇರಿದು ಕೊಲೆ ಮಾಡಿರುವ ಘಟನೆ ನಡೆದಿದೆ.

ತಿರುಚ್ಚಿಯ ವಕೀಲನಾಗಿ ಸೇವೆ ಸಲ್ಲಿಸುತ್ತಿದ್ದ ಗೋಪಿ ಕಣ್ಣನ್​ ಮೇಲೆ ಈ ದಾಳಿ ನಡೆದಿದೆ. ಮನೆಯ ಮುಂದೆ ಮಗಳೊಂದಿಗೆ ಆಟವಾಡುತ್ತಿದ್ದ ವೇಳೆ ಏಕಾಏಕಿ ಹಲ್ಲೆ ನಡೆಸಿರುವ ಗುಂಪು ಚಾಕುವಿನಿಂದ ಇರಿದು ಕೊಲೆ ಮಾಡಿದೆ. ಇದರ ದೃಶ್ಯಾವಳಿ ಸಿಸಿಟಿವಿಯಲ್ಲಿ ಸೆರೆಯಾಗಿವೆ.

ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು ಪ್ರಕರಣ ದಾಖಲು ಮಾಡಿಕೊಂಡಿದ್ದು, ಅಪರಾಧಿಗಳ ಹುಡುಕಾಟದಲ್ಲಿ ನಿರಂತರಾಗಿದ್ದಾರೆ. ಗೋಪಿ ಕಣ್ಣನ್​ ತನ್ನ ಮಗಳಿಗೆ ಬೈಸಿಕಲ್​ ಸವಾರಿ ಮಾಡುವುದನ್ನು ಹೇಳಿಕೊಡುತ್ತಿದ್ದರು. ಈ ವೇಳೆ ಇದ್ದಕ್ಕಿದ್ದಂತೆ ಐವರು ಅವರ ಮೇಲೆ ದಾಳಿ ನಡೆಸಿದ್ದಾರೆ.