ಮುಂಬೈ:ಶಿವಸೇನೆಯಲ್ಲಿ ಬಂಡಾಯ ಮಹಾರಾಷ್ಟ್ರ ಸರ್ಕಾರವನ್ನು ಪತನದಂಚಿಗೆ ತಂದು ನಿಲ್ಲಿಸಿದೆ. ಇನ್ನೊಂದೆಡೆ, ಶಿವಸೇನೆಯ ಮಾಜಿ ನಾಯಕ ಅರ್ಜುನ್ ಖೋಟ್ಕರ್ ವಿರುದ್ದ ಇಡಿ ತನಿಖೆ ಚುರುಕುಗೊಂಡಿದೆ.
ಅಕ್ರಮ ಆಸ್ತಿಗಳಿಕೆ ಆರೋಪದ ಅಡಿ ಆಗಸ್ಟ್ 26, 2019 ರಂದು ದಾಖಲಾದ ಎಫ್ಐಆರ್ ಆಧರಿಸಿ ಇಡಿ ತನಿಖೆ ಚುರುಕುಗೊಳಿಸಿದೆ. ಮುಂಬೈ ಪೊಲೀಸ್‌ನ ಆರ್ಥಿಕ ಅಪರಾಧಗಳ ವಿಭಾಗ ಈ ಬಗ್ಗೆ ಆಗಸ್ಟ್ 22, 2019ರ ಮುಂಬೈ ಹೈಕೋರ್ಟ್‌ನ ಆದೇಶದಂತೆ ಈ ಎಫ್ಐಆರ್ ದಾಖಲಿಸಿತ್ತು.
ಈ ಎಫ್ಐಆರ್ ಆದೇಶಿಸಿ ತನಿಖೆ ನಡೆಸಿದ ತನಿಖಾ ದಳ ಜಲ್ನಾ ಜಿಲ್ಲೆಯ ಸವರ್ಗಾಂವ್ ಹದತ್‌ನಲ್ಲಿರುವ ಜಲ್ನಾ ಸಹಕಾರಿ ಸಕ್ಕರೆ ಕಾರ್ಖಾನೆಯ ಭೂಮಿ, ಕಾರ್ಖಾನೆ ಕಟ್ಟಡ, ಸ್ಥಾವರ ಮತ್ತು ಯಂತ್ರೋಪಕರಣಗಳನ್ನು ವಶಪಡಿಸಿಕೊಂಡಿದೆ. ಸಹಕಾರಿ ಸಕ್ಕರೆ ಕಾರ್ಖಾನೆಗಳ ಅಕ್ರಮ ಹರಾಜಿಗೆ ಸಂಬಂಧಿಸಿದ ಪ್ರಕರಣದಲ್ಲಿ ಪಿಎಂಎಲ್‌ಎ ಕಾನೂನಿನ ಪ್ರಕಾರ ಮಹಾರಾಷ್ಟ್ರ ರಾಜ್ಯ ಸಹಕಾರ ಬ್ಯಾಂಕ್ ಈ ಕ್ರಮ ಕೈಗೊಂಡಿದೆ ಎಂದು ಇಡಿ ತಿಳಿಸಿದೆ.
ಸಕ್ಕರೆ ಕಾರ್ಖಾನೆ ಮೇಲೆ ನಿಷೇಧ:ಎರಡು ತಿಂಗಳ ಹಿಂದೆ ಇಡಿ ಸಕ್ಕರೆ ಕಾರ್ಖಾನೆಗಳ ಮೇಲೆ ನಿಷೇಧ ಹೇರಿ ಆದೇಶ ಹೊರಡಿಸಿತ್ತು. ಕಾರ್ಖಾನೆಯ ಮೇಲೆ ನಿರ್ಬಂಧ ಹೇರುವಂತೆ ಜಾರಿ ನಿರ್ದೇಶನಾಲಯವು ಜಿಲ್ಲಾಧಿಕಾರಿಗೆ ಪತ್ರ ಬರೆದಿತ್ತು. ಕಾರ್ಖಾನೆಯ ಬಳಕೆಯು ಮಾರಾಟ ಮತ್ತು ವಹಿವಾಟುಗಳಿಗೆ ಸೀಮಿತವಾಗಿತ್ತು. ಕಳೆದ ಹಲವು ದಿನಗಳಿಂದ ಇಡಿ ಈ ಬಗ್ಗೆ ತನಿಖೆ ನಡೆಸುತ್ತಿದೆ.
ರಾಮನಗರ ಸಕ್ಕರೆ ಕಾರ್ಖಾನೆ ಅವ್ಯವಹಾರ ಪ್ರಕರಣದಲ್ಲಿ ಅರ್ಜುನ್ ಖೋಟ್ಕರ್ ವಿರುದ್ಧವೂ ಇಡಿ ತನಿಖೆ ನಡೆಸುತ್ತಿದೆ. ತನಿಖೆಯ ಭಾಗವಾಗಿ ಇಡಿ ಕಾರ್ಖಾನೆಯ ಭೂಮಿಯನ್ನು ಮುಟ್ಟುಗೋಲು ಹಾಕಿಕೊಂಡಿದೆ. 1984 - 85 ರಲ್ಲಿ ಸುಮಾರು 235 ಎಕರೆ ಭೂಮಿಯಲ್ಲಿ ಮೆಸರ್ಸ್ ಜಲ್ನಾ ಕೋ-ಆಪರೇಟಿವ್ ಫ್ಯಾಕ್ಟರಿ ಸ್ಥಾಪಿಸಲಾಯಿತು ಎಂಬ ಅಂಶ ತನಿಖೆ ವೇಳೆ ಬಯಲಾಗಿದ್ದು, ಇದರಲ್ಲಿ 100 ಎಕರೆ ಭೂಮಿಯನ್ನು ಮಹಾರಾಷ್ಟ್ರ ಸರ್ಕಾರದಿಂದ ಯಾವುದೇ ಆರ್ಥಿಕ ಪರಿಹಾರ ನೀಡದೆ ಪಡೆಯಲಾಗಿದೆ. ಅಷ್ಟೇ ಅಲ್ಲ ಎಂಎಸ್‌ಸಿಬಿಯಿಂದ ಪಡೆದ ಸಾಲವನ್ನು ಮರುಪಾವತಿಸಲು ಕಾರ್ಖಾನೆ ವಿಫಲವಾಗಿದೆ ಎನ್ನುವುದು ಬಹಿರಂಗವಾಗಿತ್ತು
ಇದನ್ನೂ ಓದಿ:1,428 ಗ್ರಾಮಗಳಲ್ಲಿ ಸ್ಮಶಾನಕ್ಕೆ ಭೂಮಿ ನೀಡಲು ವಿಫಲ: ಕಂದಾಯ ಇಲಾಖೆ ವಿರುದ್ಧ ಹೈಕೋರ್ಟ್ ನ್ಯಾಯಾಂಗ ನಿಂದನೆ ಪ್ರಕರಣ
