ಸ್ನಾನಕ್ಕೆಂದು ತೆರಳಿದ್ದ ಮಕ್ಕಳಿಗೆ ಪೊಲೀಸರಿಂದ ವಿಚಿತ್ರ ಶಿಕ್ಷೆ... Viral​ ಆಯ್ತು Video

ನಿಷೇಧವಿದ್ದರೂ ನದಿಗೆ ಸ್ನಾನಕ್ಕೆಂದು ತೆರಳಿದ್ದ ಮಕ್ಕಳಿಗೆ ಮಧ್ಯಪ್ರದೇಶ ಪೊಲೀಸರು ವಿಚಿತ್ರ ಶಿಕ್ಷೆ ನೀಡಿರುವ ಘಟನೆ ನಡೆದಿದೆ.

ಭೋಪಾಲ್​​(ಮಧ್ಯಪ್ರದೇಶ):ನದಿಗೆ ಸ್ನಾನ ಮಾಡಲು ತೆರಳಿದ್ದ ಮಕ್ಕಳಿಗೆ ಇಲ್ಲಿನ ಪೊಲೀಸರು ವಿಚಿತ್ರ ಶಿಕ್ಷೆ ನೀಡಿದ್ದು, ಅದರ ವಿಡಿಯೋ ಇದೀಗ ವೈರಲ್​​ ಆಗಿದೆ. ಮಧ್ಯಪ್ರದೇಶದ ಭೋಪಾಲ್​​ನಲ್ಲಿ ಈ ಘಟನೆ ನಡೆದಿದೆ.

10 ಮಕ್ಕಳು ಸ್ನಾನ ಮಾಡುವ ಉದ್ದೇಶದಿಂದ ನದಿಗೆ ತೆರಳಿವೆ. ಇದರ ಬಗ್ಗೆ ಕೆಲವರು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕಾಗಮಿಸಿರುವ ಪೊಲೀಸರು ಮಕ್ಕಳನ್ನ ವಿಚಿತ್ರ ಶಿಕ್ಷೆಗೊಳಪಡಿಸಿದ್ದಾರೆ. ಸಾರ್ವಜನಿಕ ಸ್ಥಳದಲ್ಲಿ ತಾಲೀಮು ತೆಗೆಸಿರುವ ಪೊಲೀಸರು ತದನಂತರ ಪೊಲೀಸ್​ ಠಾಣೆಯವರೆಗೆ ಮೆರವಣಿಗೆ ಮಾಡಿಸಿದ್ದಾರೆ. ಸದ್ಯ ಇದರ ವಿಡಿಯೋ ವೈರಲ್​ ಆಗಿದೆ.

ಶಿಕ್ಷೆ ನೀಡಿದ್ದು ಯಾಕೆ?

ನದಿಯಲ್ಲಿ ಈಜಲು ತೆರಳುವ ಅನೇಕರು ತಮ್ಮ ಪ್ರಾಣ ಕಳೆದುಕೊಂಡಿರುವ ಪ್ರಕರಣ ಬೆಳಕಿಗೆ ಬಂದಿದ್ದು, ಅಲ್ಲಿಗೆ ತೆರಳದಂತೆ ಮಕ್ಕಳಿಗೆ ನಿಷೇಧ ಹೇರಲಾಗಿದೆ. ಇಷ್ಟಾದರೂ ಕೆಲವರು ಇಲ್ಲಿಗೆ ಹೋಗಿ ಸ್ನಾನ ಮಾಡ್ತಿದ್ದು, ಅದರಿಂದ ಆಕ್ರೋಶಗೊಂಡಿರುವ ಪೊಲೀಸರು ಈ ರೀತಿಯಾಗಿ ನಡೆದುಕೊಂಡಿದ್ದಾಗಿ ತಿಳಿದು ಬಂದಿದೆ.