ಹೋಟೆಲ್‌ನಲ್ಲಿ ಸೆಕ್ಸ್ ದಂಧೆ : ಯುವಕ-ಯುವತಿಯರ ಬಂಧನ

ಪಶ್ಚಿಮ ಬಂಗಾಳದಿಂದ ರಾಜಸ್ಥಾನದ ಕೋಟಾಗೆ ಯುವತಿಯರನ್ನು ಕರೆಯಿಸಿಕೊಂಡು ಜಾರ್ಖಂಡ್‌ ಮೂಲದ ಯುವಕರು ನಡೆಸುತ್ತಿದ್ದ ಸೆಕ್ಸ್​ ರಾಕೆಟ್​ ಅನ್ನು ಪೊಲೀಸರು ಬಹಿರಂಗಪಡಿಸಿದ್ದಾರೆ..

ಕೋಟಾ(ರಾಜಸ್ಥಾನ) :ಕೋಟಾದ ವಿಜ್ಞಾನನಗರ ಪ್ರದೇಶದಲ್ಲಿರುವ ರೆಡ್ ಸ್ಪೆನ್ಸರ್ ಹೋಟೆಲ್​​ನಲ್ಲಿ ನಡೆಸುತ್ತಿದ್ದ ಸೆಕ್ಸ್​ ದಂಧೆಯನ್ನು ರಾಜಸ್ಥಾನ ಪೊಲೀಸರು ಬಯಲು ಮಾಡಿದ್ದಾರೆ.

ಇದರಲ್ಲಿ ಭಾಗಿಯಾಗಿದ್ದ ಪಶ್ಚಿಮ ಬಂಗಾಳದ ಇಬ್ಬರು ಯುವತಿಯರು ಮತ್ತು ಜಾರ್ಖಂಡ್‌ನ ಇಬ್ಬರು ಯುವಕರನ್ನು ಬಂಧಿಸಲಾಗಿದೆ. ಹೋಟೆಲ್ ಮಾಲೀಕರನ್ನೂ ವಶಕ್ಕೆ ಪಡೆದು ವಿಚಾರಣೆ ನಡೆಸಲಾಗುತ್ತಿದೆ. ಮೂವರ ವಿರುದ್ಧವೂ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ವಿಜಯಪುರ: ಚಿನ್ನಕ್ಕಾಗಿ ವೃದ್ಧನ ಕಿವಿ ಕತ್ತರಿಸಿ ಹತ್ಯೆ ಮಾಡಿದ ದುಷ್ಕರ್ಮಿಗಳು!

ನಿಖರ ಮಾಹಿತಿ ಮೇರೆಗೆ ಪೊಲೀಸರು ಹೋಟೆಲ್​ ಮೇಲೆ ದಾಳಿ ಮಾಡಿ, ಆರೋಪಿಗಳನ್ನು ಬಂಧಿಸಿದ್ದಾರೆ. ಜಾರ್ಖಂಡ್‌ನ ಬಂಧಿತ ಯುವಕರು ಪಿಂಪ್​​ಗಳಾಗಿದ್ದು, ಲೈಂಗಿಕವಾಗಿ ಬಳಸಿಕೊಳ್ಳಲೆಂದೇ ಯುವತಿಯರನ್ನು ಪಶ್ಚಿಮ ಬಂಗಾಳದಿಂದ ಕೋಟಾಗೆ ಕರೆ ತಂದಿದ್ದರು ಎಂದು ಉಪ ಪೊಲೀಸ್ ವರಿಷ್ಠಾಧಿಕಾರಿ ಪಂಚಮ್ ಸಂಜಯ್ ಸಿಂಗ್ ಹೇಳಿದ್ದಾರೆ.