ಕಾರ್ತಿ ಚಿದಂಬರಂ ವಿದೇಶ ಪ್ರವಾಸಕ್ಕೆ ಸುಪ್ರೀಂ ಅನುಮತಿ

ವಿದೇಶಕ್ಕೆ ಪ್ರಯಾಣ ಬೆಳೆಸುವ ಸ್ಥಳ, ಎಲ್ಲಿ ವಾಸ ಮಾಡ್ತೀರಿ ಎಂಬ ಬಗ್ಗೆ ಮಾಹಿತಿ ನೀಡಬೇಕು ಹಾಗೂ ಈ ಸಂಬಂಧ 2 ಕೋಟಿ ರೂ. ಮುಂಗಡ ಪಾವತಿಸುವಂತೆ ಷರತ್ತು ವಿಧಿಸಿ, ಕೇಂದ್ರದ ಮಾಜಿ ಹಣಕಾಸು ಸಚಿವ ಪಿ. ಚಿದಂಬರಂ ಅವರ ಪುತ್ರ ಕಾರ್ತಿ ಚಿದಂಬರಂ ವಿದೇಶಕ್ಕೆ ಪ್ರಯಾಣ ಬೆಳಸಲು ಸುಪ್ರೀಂಕೋರ್ಟ್ ಅನುಮತಿ ನೀಡಿದೆ.

ನವದೆಹಲಿ: ಅಕ್ರಮ ಹಣ ವರ್ಗಾವಣೆ ಆರೋಪ ಎದುರಿಸುತ್ತಿರುವ ಕೇಂದ್ರದ ಮಾಜಿ ಹಣಕಾಸು ಸಚಿವ ಪಿ. ಚಿದಂಬರಂ ಅವರ ಪುತ್ರ ಕಾರ್ತಿ ಚಿದಂಬರಂ ವಿದೇಶಕ್ಕೆ ಪ್ರಯಾಣ ಬೆಳಸಲು ಸುಪ್ರೀಂಕೋರ್ಟ್ ಅನುಮತಿ ನೀಡಿದೆ.

ಈ ಸಂಬಂಧ ಸಲ್ಲಿಕೆಯಾದ ಅರ್ಜಿ ವಿಚಾರಣೆ ನಡೆಸಿದ ಜಸ್ಟೀಸ್​​ ಅಶೋಕ್​ ಭೂಷಣ್​ ನೇತೃತ್ವದ ಪೀಠ, ವಿದೇಶಕ್ಕೆ ಪ್ರಯಾಣ ಬೆಳೆಸುವ ಸ್ಥಳ, ಎಲ್ಲಿ ವಾಸ ಮಾಡ್ತೀರಿ ಎಂಬ ಬಗ್ಗೆ ಮಾಹಿತಿ ನೀಡಬೇಕು ಹಾಗೂ ಈ ಸಂಬಂಧ 2 ಕೋಟಿ ರೂ. ಮುಂಗಡ ಪಾವತಿಸುವಂತೆ ಷರತ್ತು ವಿಧಿಸಿ, ವಿದೇಶಕ್ಕೆ ಪ್ರಯಾಣ ಬೆಳೆಸಲು ಅನುಮತಿ ನೀಡಿದೆ.

ಕಾರ್ತಿ ಚಿದಂಬರಂ ಸಲ್ಲಿಸಿದ್ದ ಅರ್ಜಿಯನ್ನು ವಿರೋಧಿಸಿದ ಹೆಚ್ಚುವರಿ ಸಾಲಿಸಿಟರ್​ ಜನರಲ್​ ಎಸ್​.ವಿ. ರಾಜು, ಈ ಹಿಂದೆ ವಿದೇಶ ಪ್ರಯಾಣ ಬೆಳೆಸಲು ಪಿ. ಚಿದಂಬರಂ ಅವರಿಗೂ ಅವಕಾಶ ನೀಡಲಾಗಿತ್ತು. ಆದರೆ, ಅವರಿಗೆ 10 ಕೋಟಿ ರೂ. ಮುಂಗಡ ಹಣವನ್ನ ಕೋರ್ಟ್​ಗೆ ಕಟ್ಟುವಂತೆ ಸೂಚಿಲಾಗಿತ್ತು ಎಂಬುದನ್ನ ಕೋರ್ಟ್ ಗಮನಕ್ಕೆ ತಂದರು.

ಇದಕ್ಕೆ ಉತ್ತರ ನೀಡಿದ ಕಾರ್ತಿ ಚಿದಂಬರಂ ಪರ ವಕೀಲ ಕಪಿಲ್​ ಸಿಬಲ್​​, ಈ ನಿಬಂಧನೆಗಳು ಸರಿಯಲ್ಲ, ಅವರು ಈ ದೇಶದ ಸಂಸದ. ದೇಶದಿಂದ ಎಲ್ಲೂ ಓಡಿಹೋಗಲು ಆಗಲ್ಲ ಎಂದು ಪ್ರತಿಪಾದಿಸಿದರು.