DREAM​-11ನಲ್ಲಿ 2 ಕೋಟಿ ರೂ. ಗೆದ್ದ ಅದೃಷ್ಟವಂತ.. ರಾತ್ರೋರಾತ್ರಿ ಕೋಟ್ಯಾಧಿಪತಿ ಆದ ಚಾಲಕ..!

ಬಿಹಾರದ ರಮೇಶ್ ಕುಮಾರ್ ಡ್ರೀಮ್ ಇಲೆವೆನ್​ನಲ್ಲಿ 49 ರೂಪಾಯಿ ಹೂಡಿಕೆ ಮಾಡುವ ಮೂಲಕ 2 ಕೋಟಿ ರೂಪಾಯಿ ನಗದು ಬಹುಮಾನ ಗೆದ್ದಿದ್ದಾರೆ. ಅದರಲ್ಲಿ ರಮೇಶ್ ಖಾತೆಗೆ 60 ಲಕ್ಷ ತೆರಿಗೆ ಕಟ್​ ಆಗಿ 1 ಕೋಟಿ 40 ಲಕ್ಷ ಪಡೆದಿದ್ದಾರೆ.

ಸರನ್(ಬಿಹಾರ): ಅದೃಷ್ಟ ಯಾರಿಗೆ, ಯಾವಾಗ, ಎಲ್ಲಿ, ಹೇಗೆ ಒಲಿಯುತ್ತದೆ ಎಂದು ಹೇಳಲು ಊಹಿಸುವುದು ಅಸಾಧ್ಯ. ಪಶ್ಚಿಮ ಬಂಗಾಳ ರಾಜ್ಯದಲ್ಲಿ ಚಾಲಕನಾಗಿ ಕೆಲಸ ಮಾಡುತ್ತಿದ್ದ ಬಿಹಾರ್​ ಮೂಲದ ವ್ಯಕ್ತಿ ಈಗ ಕೋಟ್ಯಾಧಿಪತಿ ಆಗಿದ್ದಾರೆ. ಅದು ಕ್ರಿಕೆಟ್ ಆ್ಯಪ್​ ಡ್ರೀಮ್​ 11 ಆಡುವ ಮೂಲಕ ಅನ್ನೋದು ವಿಶೇಷ.

ಬಿಹಾರದ ಸರನ್ ಜಿಲ್ಲೆಯ ರಮೇಶ್ ತಮ್ಮ ಮೊಬೈಲ್ ಗೇಮ್ ಅಪ್ಲಿಕೇಶನ್ ಡ್ರೀಮ್ 11ನಲ್ಲಿ ತಮ್ಮ ಐಪಿಎಲ್ ತಂಡವನ್ನು ರಚಿಸಿದ್ದರು. ಅವರು ರಚಿಸಿದ್ದ ತಂಡವು ಮೊದಲನೇ ಸ್ಥಾನ ಪಡೆದಿದೆ. ಈ ಮೂಲಕ ರಮೇಶ್ ಎರಡು ಕೋಟಿ ರೂಪಾಯಿ ಮೊತ್ತವನ್ನು ಗೆದ್ದಿದ್ದಾರೆ. ನೋಟುಗಳ ಸುರಿಮಳೆಯ ನಂತರ ರಸುಲ್‌ಪುರ ಗ್ರಾಮದ ನಿವಾಸಿ ರಮೇಶ್ ಕುಮಾರ್ ಮನೆಯಲ್ಲಿ ಸಂಭ್ರಮದ ವಾತಾವರಣ ನಿರ್ಮಾಣವಾಗಿದೆ.

ಡ್ರೀಮ್ 11 ನಲ್ಲಿ 2 ಕೋಟಿ ಗೆದ್ದ ರಮೇಶ್ ಕುಮಾರ್: ಡ್ರೀಮ್ 11 ವಿಜೇತ ರಮೇಶ್ ಕುಮಾರ್ ಪಶ್ಚಿಮ ಬಂಗಾಳದಲ್ಲಿ ಡ್ರೈವರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಒಂದು ದಿನ ಐಪಿಎಲ್ ಪಂದ್ಯ ವೀಕ್ಷಿಸುವಾಗ ನಾನು Dream11 ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಿದ್ದೇನೆ. ನಾನು ನನ್ನ ಬಿಡುವಿನ ವೇಳೆಯಲ್ಲಿ Dream11 ಅನ್ನು ಆಡಲು ಪ್ರಾರಂಭಿಸಿದೆ. ಆರಂಭದಲ್ಲಿ 49 ರೂಪಾಯಿ ಹಾಕಿದೆ. ಕೆಲವೊಮ್ಮೆ ಗೆದ್ದರೆ, ಕೆಲವೊಮ್ಮೆ ನಿರಾಸೆಯಾಗುತ್ತಿತ್ತು. ಇತ್ತೀಚೆಗೆ ಪಂಜಾಬ್ ಮತ್ತು ಲಖನೌ ನಡುವೆ ನಡೆದ ಪಂದ್ಯದ ಸಮಯದಲ್ಲಿ ನಾನು ಟೀಮ್​ವೊಂದನ್ನು ರಚಿಸಿದ್ದೆ. ಇದರಲ್ಲಿ ವೇಗದ ಬೌಲರ್ ಕಗಿಸೊ ರಬಾಡ ನಾಯಕನಾಗಿ ಮತ್ತು ಉಪನಾಯಕ ಶಿಖರ್ ಧವನ್​ನನ್ನು ಆಯ್ಕೆ ಮಾಡಿದ್ದೆ ಎಂದರು.

ಓದಿ:ಪ್ಲಂಬರ್​ಗೆ ಒಲಿದ ಅದೃಷ್ಟ ಲಕ್ಷ್ಮಿ​​.. ಡ್ರೀಮ್​ 11ನಿಂದ 1 ಕೋಟಿ ರೂ. ಗೆದ್ದ!

49 ರೂಪಾಯಿಗೆ 2 ಕೋಟಿ:ಟೀಮ್​ ರಚನೆ ಬಳಿಕರಮೇಶ್ ಕುಮಾರ್ 49 ರೂಪಾಯಿಗಳನ್ನು ಡ್ರೀಮ್ 11 ನಲ್ಲಿ ಹೂಡಿಕೆ ಮಾಡುವ ಮೂಲಕ ಸ್ಪರ್ಧೆಗೆ ಇಳಿದಿದ್ದರು. ಈ ಪಂದ್ಯದಲ್ಲಿ ಕಗಿಸೊ ರಬಾಡ ಮೂರು ವಿಕೆಟುಗಳನ್ನು ಕಬಳಿಸಿದರು ಮತ್ತು ಇತರ ಆಯ್ದ ಆಟಗಾರರು ಉತ್ತಮ ಪ್ರದರ್ಶನ ನೀಡಿದರು. ಈ ಮೂಲಕ ಅವರು ಡ್ರೀಮ್​ 11 ಕಂಟೆಸ್ಟ್​ನಲ್ಲಿ ಮೊದಲ ಸ್ಥಾನ ಪಡೆದರು. ಪಂದ್ಯ ಮುಗಿದ ಮರುದಿನ ಬೆಳಗ್ಗೆ ಅವರು ನಂಬರ್ ಒನ್ ಸ್ಥಾನದಲ್ಲಿದ್ದು, ಎರಡು ಕೋಟಿ ರೂಪಾಯಿ ಗೆದ್ದಿದ್ದಾರೆ ಎಂಬ ಸಂದೇಶ ಅವರ ಮೊಬೈಲ್​ಗೆ ಬಂತು. ಈಗ 60 ಲಕ್ಷ ರೂಪಾಯಿ ತೆರಿಗೆ ಕಟ್​ ಆಗಿ ಅವರ ಖಾತೆಗೆ ಒಂದು ಕೋಟಿ 40 ಲಕ್ಷ ರೂಪಾಯಿ ಬಂದಿದೆ.

ಬಡ ಮಕ್ಕಳ ಪೋಷಣೆಗೆ ಹಣ ಮೀಸಲು:ರಮೇಶ್ ಕುಮಾರ್ ಅವರ ತಂದೆ ದಿನಗೂಲಿ ಕಾರ್ಮಿಕರಾಗಿದ್ದಾರೆ. ಈಗ ರಮೇಶ್ ಕುಮಾರ್ ಕುಟುಂಬಕ್ಕೆ ಕೋಟ್ಯಂತರ ರೂಪಾಯಿ ಮೊತ್ತ ಸಿಕ್ಕ ಖುಷಿಯಲ್ಲಿದೆ. ರಮೇಶ್​ ರಾತ್ರೋರಾತ್ರಿ ಕೋಟ್ಯಾಧಿಪತಿ ಆಗಿರುವುದು ಸ್ಥಳೀಯರು ಮತ್ತು ಸಂಬಂಧಿಕರಿಗೆ ನಂಬಲು ಸಾಧ್ಯವಾಗುತ್ತಿಲ್ಲ. ಈ ಹಣವನ್ನು ಬಡ ಮಕ್ಕಳ ಪೋಷಣೆ ಹಾಗೂ ಸಮಾಜದ ಒಳ್ಳೆಯ ಕೆಲಸಗಳಿಗೆ ವಿನಿಯೋಗಿಸುತ್ತೇನೆ ಎಂದು ರಮೇಶ್ ತಿಳಿಸಿದರು. ಸದ್ಯ ಈ ಗೆಲುವಿನ ಖುಷಿಯಿಂದ ರಮೇಶ್ ಕುಮಾರ್ ಮನೆಯಲ್ಲಿ ಹಬ್ಬದ ವಾತಾವರಣವಿದ್ದು, ಜನರಿಂದ ಅಭಿನಂದನೆಗಳ ಮಹಾಪೂರ ಹರಿದುಬಂದಿದೆ.