ಎಸ್​ಬಿಐನ ಅಧಿಕೃತ ಬ್ರಾಂಚ್​ಗಳಲ್ಲಿ ಚುನಾವಣಾ ಬಾಂಡ್​ಗಳ ಮಾರಾಟಕ್ಕೆ ಅವಕಾಶ

ಸ್ಟೇಟ್​​ ಬ್ಯಾಂಕ್ ಆಫ್ ಇಂಡಿಯಾದ 29 ಬ್ರಾಂಚ್​ಗಳಲ್ಲಿ ರಾಜಕೀಯ ಪಕ್ಷಗಳು ಚುನಾವಣಾ ಬಾಂಡ್​ಗಳನ್ನು ಮಾರಾಟ ಮಾಡಲು ಅವಕಾಶ ಕಲ್ಪಿಸಲಾಗಿದೆ.

ನವದೆಹಲಿ:ಚುನಾವಣಾ ಬಾಂಡ್​ಗಳನ್ನು ಮಾರಾಟ ಮಾಡಲು ಅವಕಾಶ ಕಲ್ಪಿಸಿದ್ದು, ಸ್ಟೇಟ್​ ಬ್ಯಾಂಕ್ ಆಫ್ ಇಂಡಿಯಾದ (ಎಸ್​ಬಿಐ)ನ ಕೆಲವು ನಿಗದಿತ ಬ್ಯಾಂಕ್​ಗಳ ಮೂಲಕ ಬಾಂಡ್​ಗಳನ್ನು ನಗದು ಆಗಿ ಪರಿವರ್ತನೆ ಮಾಡಿಕೊಳ್ಳಬಹುದಾಗಿದೆ.

ಈ ವರ್ಷದ ಅಕ್ಟೋಬರ್ 1ರಿಂದ ಅಕ್ಟೋಬರ್ 10ರವರೆಗೆ ಅವಕಾಶ ಕೆಲವು ಬ್ಯಾಂಕ್​ಗಳಲ್ಲಿ ಚುನಾವಣಾ ಬಾಂಡ್​​ಗಳನ್ನು ಮಾರಾಟ ಮಾಡಬಹುದಾಗಿದೆ. ರಾಜಕೀಯ ಪಕ್ಷಗಳು ತಮಗೆ ಬಂದಿರುವ ಚುನಾವಣಾ ಬಾಂಡ್​ಗಳನ್ನು ಈ ದಿನಾಂಕದೊಳಗೆ ಮಾರಾಟ ಮಾಡಬಹುದಾಗಿದೆ.

2018ರಲ್ಲಿ ಕೇಂದ್ರ ಸರ್ಕಾರ ಈ ಯೋಜನೆಯನ್ನು ಜಾರಿಗೆ ತಂದಿದ್ದು, ರಾಜಕೀಯ ಪಕ್ಷಗಳಿಗೆ ನೇರವಾಗಿ ಹಣ, ದೇಣಿಗೆ ನೀಡುವುದನ್ನು ತಪ್ಪಿಸಲು ಮತ್ತು ಪಾರದರ್ಶಕತೆ ಕಾಯ್ದುಕೊಳ್ಳಲು ವ್ಯಕ್ತಿಗಳು ಬಾಂಡ್​​ಗಳ ಮೂಲಕ ದೇಣಿಗೆ ನೀಡಬಹುದಾಗಿತ್ತು.

ಈವರೆಗೆ 2018ರಿಂದ ಬಾಂಡ್​ಗಳನ್ನು ವಿತರಿಸಲಾಗಿದ್ದು, ಸುಮಾರು17 ಹಂತಗಳಲ್ಲಿ ಮಾರಾಟ ಪ್ರಕ್ರಿಯೆಯೂ ನಡೆದಿದೆ. ಇದು 18ನೇ ಹಂತವಾಗಿದ್ದು, ಸ್ಟೇಟ್​​ ಬ್ಯಾಂಕ್ ಆಫ್ ಇಂಡಿಯಾದ ಕೇವಲ 29 ಬ್ರಾಂಚ್​ಗಳಲ್ಲಿ ಅವಕಾಶ ನೀಡಲಾಗಿದೆ.

ಚುನಾವಣಾ ಬಾಂಡ್ ಅನ್ನು ಡೆಪಾಸಿಟ್ ಮಾಡಿದ ರಾಜಕೀಯ ಪಕ್ಷದ ಖಾತೆಗೆ ಅಂದಿನ ದಿನವೇ ಹಣ ಜಮೆಯಾಗುತ್ತದೆ ಎಂದು ಕೇಂದ್ರ ಸರ್ಕಾರದ ಹಣಕಾಸು ಇಲಾಖೆ ಮಾಹಿತಿ ನೀಡಿದೆ.

ಇದನ್ನೂ ಓದಿ:ಕಾರಾಗೃಹ ಸಂಘರ್ಷ: ನೂರು ದಾಟಿದ ಸಾವಿನ ಸಂಖ್ಯೆ, ಪೈಪ್​ಲೈನ್​ನಲ್ಲೂ ಹೆಣಗಳ ರಾಶಿ