ಗ್ಲುಕೋಮಾ 12 ದಶಲಕ್ಷಕ್ಕೂ ಹೆಚ್ಚು ಭಾರತೀಯರ ಮೇಲೆ ಪರಿಣಾಮ ಬೀರುವ ಪ್ರಮುಖ ಕಣ್ಣಿನ ಕಾಯಿಲೆಗಳಲ್ಲಿ ಒಂದಾಗಿದೆ. ಅವರಲ್ಲಿ ಸುಮಾರು 1 ಮಿಲಿಯನ್ ಜನರು ಗ್ಲುಕೋಮಾದಿಂದ ಕುರುಡುತನದಿಂದ ಬಳಲುತ್ತಿದ್ದಾರೆ. ವಿಶ್ವಾದ್ಯಂತ, ಸುಮಾರು 78 ಮಿಲಿಯನ್ ಜನರು ಈ ಸ್ಥಿತಿಯಿಂದ ಬಳಲುತ್ತಿದ್ದಾರೆ.
ರೋಗ ನಿಯಂತ್ರಣ ಮತ್ತು ತಡೆಗಟ್ಟುವಿಕೆ ಕೇಂದ್ರಗಳು (ಸಿಡಿಸಿ) ಗ್ಲುಕೋಮಾವನ್ನು ಕಣ್ಣಿನ ಆಪ್ಟಿಕ್ ನರವನ್ನು ಹಾನಿಗೊಳಿಸುವ ಮತ್ತು ದೃಷ್ಟಿ ನಷ್ಟ ಮತ್ತು ಕುರುಡುತನಕ್ಕೆ ಕಾರಣವಾಗುವ ರೋಗಗಳ ಗುಂಪು ಎಂದು ವ್ಯಾಖ್ಯಾನಿಸುತ್ತದೆ. ಕಣ್ಣುಗಳೊಳಗಿನ ಸಾಮಾನ್ಯ ದ್ರವದ ಒತ್ತಡ ನಿಧಾನವಾಗಿ ಏರಿದಾಗ ಗ್ಲುಕೋಮಾ ಉಂಟಾಗುತ್ತದೆ. ಆದಾಗ್ಯೂ, ಇತ್ತೀಚಿನ ಸಂಶೋಧನೆಗಳು ಗ್ಲುಕೋಮಾ ಸಾಮಾನ್ಯ ಕಣ್ಣಿನ ಒತ್ತಡದಿಂದ ಸಂಭವಿಸಬಹುದು ಎಂದು ತೋರಿಸುತ್ತದೆ. ಆದ್ದರಿಂದ, ನಾವು 2021 ಮಾರ್ಚ್ 7 ರಿಂದ 13 ರವರೆಗೆ ವಿಶ್ವ ಗ್ಲುಕೋಮಾ ವಾರವನ್ನು ಆಚರಿಸಲಾಗುತ್ತಿದೆ.
ಹೈದರಾಬಾದ್‌ನ ವಿಐಎನ್ ಆಸ್ಪತ್ರೆಯ ಕನ್ಸಲ್ಟೆಂಟ್ ವೈದ್ಯ ಡಾ.ರಾಜೇಶ್ ವುಕ್ಕಲಾ, ಒತ್ತಡದ ರಚನೆಯು ವಿಭಿನ್ನ ಕಾರಣಗಳಿಂದಾಗಿರಬಹುದು. ಕಣ್ಣುಗಳ ಒಳಗೆ ದ್ರವದ ಪರಿಚಲನೆ ಯಾವಾಗಲೂ ಇರುತ್ತದೆ. ಅದು ನಿರ್ಬಂಧಿಸಲ್ಪಟ್ಟರೆ ಒತ್ತಡದ ರಚನೆಗೆ ಕಾರಣವಾಗುತ್ತದೆ. ಇದು ನಂತರ ಕಣ್ಣಿನ ನರವನ್ನು ಒತ್ತಡಕ್ಕೆ ತರುತ್ತದೆ ಮತ್ತು ದೃಷ್ಟಿ ಕಳೆದುಕೊಳ್ಳುವ ಸಾಧ್ಯತೆ ಸಹ ಇರುತ್ತದೆ ಎಂದಿದ್ದಾರೆ.
ಪಿಎಚ್‌ಡಿ ಹಿಸ್ಟರಿ ಆಫ್ ಆಯುರ್ವೇದದ ಡಾ.ಪಿ.ವಿ.ರಂಗನಾಯಕುಲು, ಗಾಯ, ಅಪಘಾತ, ಆಘಾತ, ಸೋಂಕು, ಆನುವಂಶಿಕತೆ, ಕಣ್ಣಿನ ಶಸ್ತ್ರಚಿಕಿತ್ಸೆ ಮುಂತಾದ ಅಂಶಗಳು ಗ್ಲುಕೋಮಾಗೆ ಕಾರಣವಾಗಬಹುದು. ನಮ್ಮ ಕಣ್ಣಿಗೆ ಅದರ ಸಾಮಾನ್ಯ ಆಂತರಿಕ ಒತ್ತಡವನ್ನು ಕಾಪಾಡಿಕೊಳ್ಳಲು ಸಾಧ್ಯವಾಗದಿದ್ದಾಗ, ಅಂದರೆ ಹೆಚ್ಚಿನ ಇಂಟ್ರಾಕ್ಯುಲರ್ ಪ್ರೆಷರ್ (ಐಒಪಿ). ಇದು ಆಪ್ಟಿಕ್ ನರಗಳ ಮೇಲೆ ಸಂಕೋಚನಕ್ಕೆ ಕಾರಣವಾಗುತ್ತದೆ ಮತ್ತು ಒಂದು ಅವಧಿಯಲ್ಲಿ ಗ್ಲುಕೋಮಾಗೆ ಕಾರಣವಾಗುತ್ತದೆ.
ಇದರಿಂದ ಉಂಟಾಗುವ ಕುರುಡುತನವನ್ನು ಬದಲಾಯಿಸಲಾಗದು. ಆಯುರ್ವೇದ ಸಾಹಿತ್ಯವು ಈ ರೋಗವನ್ನು ದೀರ್ಘವಾಗಿ ಚರ್ಚಿಸುತ್ತದೆ ಮತ್ತು ಅದನ್ನು ಅಧಿಮಂತ ಎಂದು ವಿವರಿಸಿದೆ. ರೋಗಲಕ್ಷಣಗಳ ಆಧಾರದ ಮೇಲೆ ಅದನ್ನು ನಾಲ್ಕು ವಿಭಿನ್ನ ಗುಂಪುಗಳಾಗಿ ವರ್ಗೀಕರಿಸಿದೆ ಎಂದು ನಮ್ಮ ಆಯುರ್ವೇದ ತಜ್ಞರು ಮತ್ತಷ್ಟು ವಿವರಿಸುತ್ತಾರೆ. ಇದು ಕೆಲವು ಚಿಕಿತ್ಸೆಯನ್ನು ಸಹ ಸೂಚಿಸುತ್ತದೆ. ಇದು ಸಮಯಕ್ಕೆ ಸರಿಯಾಗಿ ಮಾಡಿದರೆ ಬಹಳ ಪರಿಣಾಮಕಾರಿ ಎಂದು ಸಾಬೀತಾಗಿದೆ.