ಸಿಮಿಲಿಪಾಲ್ ರಾಷ್ಟ್ರೀಯ ಉದ್ಯಾನವನದಲ್ಲಿ ಕಪ್ಪು ಹುಲಿ ಪತ್ತೆ.. ಗಡಿ ಗುರುತಿಸುವಾಗ ಕ್ಯಾಮರಾದಲ್ಲಿ ಸೆರೆ

ಭಾರತದಲ್ಲಿ ಕಂಡು ಬರುವ ವಿಶೇಷವಾದ ಪ್ರಭೇದದ ಮೆಲನಿಸ್ಟಿಕ್ ಟೈಗರ್ ಒಡಿಶಾದ ಸಿಮಿಲಿಪಾಲ್ ರಾಷ್ಟ್ರೀಯ ಉದ್ಯಾನವನ ಕಾಣಿಸಿಕೊಂಡಿದೆ.

ಒಡಿಶಾ :ಅಪರೂಪದ ಕಪ್ಪು ಹುಲಿಯೊಂದು ಒಡಿಶಾದ ಸಿಮಿಲಿಪಾಲ್ ರಾಷ್ಟ್ರೀಯ ಉದ್ಯಾನವನದೊಳಗೆ ಕಂಡು ಬಂದಿದೆ. ತನ್ನ ಪ್ರದೇಶವನ್ನು ಹುಲಿಯು ಗುರುತಿಸುವಾ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಮೆಲನಿಸ್ಟಿಕ್ ಟೈಗರ್ ಎಂದು ಕರೆಯಲ್ಪಡುವ ಹುಲಿ ಪ್ರಭೇದವು ಭಾರತದಲ್ಲಿ ಮಾತ್ರ ಕಂಡುಬರುತ್ತದೆ. ಹುಲಿ ದಿನದ ಪ್ರಯುಕ್ತ ಐಎಫ್​ಎಸ್​ ಅಧಿಕಾರಿ ಸುಶಾಂತ್​ ನಂದಾ ಅವರು ಈ ಅಪರೂಪದ ಹುಲಿಯ ವಿಡಿಯೋವನ್ನು ಟ್ವಿಟ್​ ಮಾಡಿದ್ದಾರೆ.

ಮೆಲನಿಸ್ಟಿಕ್ ಟೈಗರ್ ಎಂಬುದು ವಿಶೇಷ ಪ್ರಭೇದವಾಗಿದ್ದು 2007ರಲ್ಲಿ ಭಾರತದಲ್ಲಿ ಮೊದಲ ಬಾರಿಗೆ ಗುರುತಿಸಲಾಗಿದೆ. ಈ ಹುಲಿಯ ವಿಶೇಷತೆ ಎಂದರೆ ಕಪ್ಪು ಪಟ್ಟೆಗಳು ಗಾಢವಾಗಿದ್ದು, ಹಳದಿ ಪಟ್ಟೆಗಳು ತೆಳುವಾಗಿರುತ್ತದೆ. ಬಂಗಾಳದ ಹುಲಿಗಳಿಗೆ ಹೋಲಿಸಿದರೆ ಸ್ವಲ್ಪ ಸಣ್ಣದಾಗಿ ಕಾಣುತ್ತವೆ.

ಹುಲಿ ದಿನದ ಪ್ರಯುಕ್ತ ಐಎಫ್​ಎಸ್​ ಅಧಿಕಾರಿ ಸುಶಾಂತ್​ ನಂದಾ ಅವರು 15 ಸೆಕೆಂಡುಗಳ ಈ ವಿಡಿಯೋವನ್ನು ಟ್ವಿಟ್ಟರ್​ನಲ್ಲಿ ಪೋಸ್ಟ ಮಾಡಿದ್ದಾರೆ. ಈ ವಿಡಿಯೋದಲ್ಲಿ ಹುಲಿ ತನ್ನ ಪ್ರದೇಶವನ್ನು ಗುರುತು ಮಾಡಿರುವುದು ಕಾಣುತ್ತದೆ. ಅಂದರೆ ಹುಲಿಯು ಮರ ಮೇಲೆ ಉಗುರಿನಿಂದ ಪರಚಿ ತನ್ನ ಗಡಿಯನ್ನು ಗುರುತು ಹಾಕುತ್ತದೆ.

ಇದನ್ನೂ ಓದಿ :ಕಬಿನಿ ಹಿನ್ನೀರಿನಲ್ಲಿ ಈಗ ನೀಳ ದಂತದ ಜೂನಿಯರ್ ಭೋಗೇಶ್ವರನ ಹವಾ