ಆಗ್ರಾದಲ್ಲಿ ನಾಳೆ ರಾಕೇಶ್ ಟಿಕಾಯತ್​ರಿಂದ ಕಿಸಾನ್​​ ಮಹಾ ಪಂಚಾಯತ್

ವಿವಾದಾತ್ಮಕ ಕೃಷಿ ಕಾಯ್ದೆಗಳ ವಿರುದ್ಧದ ಪ್ರತಿಭಟನೆಗೆ ರೈತರನ್ನು ಮತ್ತಷ್ಟು ಒಗ್ಗೂಡಿಸಲು ರಾಕೇಶ್ ಟಿಕಾಯತ್ ಹಲವೆಡೆ ಕಿಸಾನ್​​ ಮಹಾ ಪಂಚಾಯತ್ ನಡೆಸುತ್ತಾ ಬರುತ್ತಿದ್ದು, ನಾಳೆ ಆಗ್ರಾದಲ್ಲಿ ಅನ್ನದಾತರೊಂದಿಗೆ ಸಂವಾದ ನಡೆಸಲಿದ್ದಾರೆ.

ಆಗ್ರಾ (ಉತ್ತರ ಪ್ರದೇಶ): ಭಾರತೀಯ ಕಿಸಾನ್ ಯೂನಿಯನ್ (ಬಿಕೆಯು)ನ ರಾಷ್ಟ್ರೀಯ ವಕ್ತಾರ ರಾಕೇಶ್ ಟಿಕಾಯತ್ ಅವರು ನಾಳೆ ಉತ್ತರ ಪ್ರದೇಶದ ಆಗ್ರಾದಲ್ಲಿ ಕಿಸಾನ್​​ ಮಹಾ ಪಂಚಾಯತ್ ಉದ್ದೇಶಿಸಿ ಮಾತನಾಡಲಿದ್ದಾರೆ.

ಫೆ.24ರಂದು ಆಗ್ರಾದ ಮೌನಿ ಬಾಬಾ ಆಶ್ರಮದಲ್ಲಿ ಕಿಸಾನ್​​ ಮಹಾ ಪಂಚಾಯತ್ ಆಯೋಜನೆಯಾಗಿದ್ದು, ಸಕಲ ಸಿದ್ಧತೆಗಳು ನಡೆಯುತ್ತಿವೆ. ವಿವಾದಾತ್ಮಕ ಕೃಷಿ ಕಾಯ್ದೆಗಳ ವಿರುದ್ಧದ ಪ್ರತಿಭಟನೆಗೆ ರೈತರನ್ನು ಮತ್ತಷ್ಟು ಒಗ್ಗೂಡಿಸಲು ರಾಕೇಶ್ ಟಿಕಾಯತ್ ಹಲವೆಡೆ ಕಿಸಾನ್​​ ಮಹಾ ಪಂಚಾಯತ್ ನಡೆಸುತ್ತಾ ಬರುತ್ತಿದ್ದು, ನಾಳೆ ಆಗ್ರಾದಲ್ಲಿ ಅನ್ನದಾತರೊಂದಿಗೆ ಸಂವಾದ ನಡೆಸಲಿದ್ದಾರೆ.

ಇದನ್ನೂ ಓದಿ: ಕೆಂಪು ಕೋಟೆ ಹಿಂಸಾಚಾರ: ರೈತ ಮುಖಂಡ ಸೇರಿ ಇಬ್ಬರು 'ಸಂಚುಕೋರರು' ಅರೆಸ್ಟ್​

ನಾವು ಕೃಷಿ ಕಾನೂನುಗಳ ಸಂಬಂಧ ಅನೇಕ ಸಭೆಗಳನ್ನು ನಡೆಸಿದ್ದು, ದೆಹಲಿಯ ರೈತ ಚಳುವಳಿಯನ್ನು ಮುನ್ನಡೆಸುತ್ತಿರುವ ರಾಕೇಶ್ ಟಿಕಾಯತ್​ರನ್ನು ಕರೆಸುವಂತೆ ಜನರು ಒತ್ತಾಯಿಸಿದ್ದಾರೆ. ಅವರು ದೇಶದ ಪ್ರತಿಯೊಬ್ಬ ರೈತನನ್ನು ಪ್ರತಿನಿಧಿಸುವ ವ್ಯಕ್ತಿ. ರೈತರು, ಕಾರ್ಮಿಕರು ಎರಡು ಗಂಟೆಗಳ ಕಾಲ ತಮ್ಮ ಕೆಲಸವನ್ನು ಬಿಟ್ಟು ಮಹಾ ಪಂಚಾಯತ್​ನಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ಆಗ್ರಾದ ಬಿಕೆಯು ಜಿಲ್ಲಾಧ್ಯಕ್ಷ ರಾಜ್​ವೀರ್​ ಸಿಂಗ್​ ಹೇಳಿದ್ದಾರೆ.