ಲೇಟ್​ ನೈಟ್​ ಪಾರ್ಟಿ.. ಯುವಕ - ಯುವತಿಯರ ಮಧ್ಯೆ ಬಿಗ್​ ಫೈಟ್​!

ರಾಯ್‌ಪುರದ ವಿಐಪಿ ರಸ್ತೆಯಲ್ಲಿರುವ ಖಾಸಗಿ ಹೋಟೆಲ್‌ನ ಹೊರಗೆ ತಡರಾತ್ರಿ ಪಾರ್ಟಿಯ ನಂತರ ಯುವಕ ಮತ್ತು ಯುವತಿಯರ ಮಧ್ಯೆ ಸಖತ್​ ಹೊಡೆದಾಟ ನಡೆದಿದೆ. ವಿಡಿಯೋದಲ್ಲಿ ಯುವಕ-ಯುವತಿಯರು ಪರಸ್ಪರ ನಿಂದಿಸುತ್ತಿರುವುದು ಸೆರೆಯಾಗಿದೆ.

ರಾಯ್‌ಪುರ: ಛತ್ತೀಸ್‌ಗಢದ ರಾಜಧಾನಿ ರಾಯ್‌ಪುರದಲ್ಲಿ ವಿಡಿಯೋವೊಂದು ಸಖತ್​ ವೈರಲ್‌ ಆಗುತ್ತಿದೆ. ಶನಿವಾರ ತಡರಾತ್ರಿ ಇಲ್ಲಿನ ವಿಐಪಿ ರಸ್ತೆಯಲ್ಲಿರುವ ಹೋಟೆಲ್ ಬಳಿ ಯುವಕರು ಮತ್ತು ಯುವತಿಯರ ಮಧ್ಯೆ ಬಿಗ್​ ಫೈಟ್​ ನಡೆದಿದ್ದು, ಒಬ್ಬರಿಗೊಬ್ಬರು ಕಾಲಿಂದ ಹೊಡೆದಾಡಿಕೊಂಡಿದ್ದಾರೆ.

ಹೌದು, ಯುವಕ - ಯುವತಿಯರು ಪರಸ್ಪರ ಕಿತ್ತಾಡಿಕೊಂಡಿರುವ ವಿಡಿಯೋ ಈಗ ಸಾಮಾಜಿಕ ಜಾಲಾತಣದಲ್ಲಿ ಸಂಚಲನ ಸೃಷ್ಟಿಸುತ್ತಿದೆ. ಆದರೆ, ಈ ಗಲಾಟೆ ನಡೆದರೂ ಸಹ ಇದುವರೆಗೂ ಯಾವುದೇ ದೂರು ದಾಖಲಾಗಿಲ್ಲ. ಈ ಕಾರಣದಿಂದಾಗಿ ಪೊಲೀಸರು ಯಾರ ವಿರುದ್ಧವೂ ಯಾವುದೇ ಕ್ರಮ ಕೈಗೊಂಡಿಲ್ಲ. ಆದರೆ, ಹೆಚ್ಚು ವೈರಲ್ ಆಗುತ್ತಿರುವ ವಿಡಿಯೋವನ್ನು ಗಮನಿಸಿದ ಪೊಲೀಸರು 160 ಕಲಂ ಅಡಿ ಕ್ರಮ ಕೈಗೊಳ್ಳಲು ಮುಂದಾಗಿದ್ದಾರೆ.

ಓದಿ:ನಡುರಸ್ತೆಯಲ್ಲಿ ಸಿನಿಮೀಯ ಸ್ಟೈಲ್​​ನಲ್ಲಿ ಕಾಲೇಜ್​ ವಿದ್ಯಾರ್ಥಿನಿಯರ ಫೈಟ್​​.. ವಿಡಿಯೋ

ವಿಐಪಿ ರಸ್ತೆ ಅತ್ಯಂತ ಸೂಕ್ಷ್ಮ ರಸ್ತೆಯಾಗಿದೆ. ಇಲ್ಲಿ ಪೊಲೀಸರು ಯಾವಗಲೂ ಗಸ್ತು ತಿರುಗುತ್ತಿರುತ್ತಾರೆ. ಆದರೆ ಈ ಮಾರ್ಗದಲ್ಲೇ ತಡರಾತ್ರಿ ಎರಡು ಗುಂಪುಗಳ ನಡುವೆ ಮಾರಾಮಾರಿ ನಡೆದಿದೆ. ಆದರೂ ಈ ಬಗ್ಗೆ ಪೊಲೀಸರಿಗೆ ಯಾವುದೇ ಮಾಹಿತಿ ಇಲ್ಲದಿರುವುದು ವಿಪರ್ಯಾಸ.

ಈ ಘಟನೆ ನಗರದ ರಾಮ ಮಂದಿರದ ಸ್ವಲ್ಪ ದೂರದಲ್ಲಿ ನಡೆದಿದೆ ಎಂದು ಹೇಳಲಾಗುತ್ತಿದೆ. ಕಳೆದ ತಿಂಗಳು ವಿಐಪಿ ರಸ್ತೆಯಲ್ಲಿ ಯುವತಿಯ ಮೇಲೆ ಇಬ್ಬರು ದುಷ್ಕರ್ಮಿಗಳು ಗುಂಡಿನ ದಾಳಿ ನಡೆಸಿ ದರೋಡೆ ಮಾಡಿದ್ದರು. ಇದಕ್ಕೂ ಮುನ್ನ ಈ ಮಾರ್ಗದಲ್ಲಿ ಹಲವು ದರೋಡೆಗಳು ನಡೆದಿವೆ ಎನ್ನಲಾಗಿದೆ.