ಕೋವಿಡ್​ ವಿರುದ್ಧ ಹೋರಾಡಲು 'ಆಕ್ಸಿಜನ್​​ ಎಕ್ಸ್​ಪ್ರೆಸ್' ಹಳಿಗೆ..

ರೋಗಿಗಳಿಗೆ ಆಕ್ಸಿಜನ್​​ ಬೃಹತ್​ ಪ್ರಮಾಣ ಹಾಗೂ ತ್ವರಿತಗತಿಯಲ್ಲಿ ಒದಗಿಸಲು ರೈಲ್ವೆ ಇಲಾಖೆ ಆಕ್ಸಿಜನ್ ಎಕ್ಸ್​ಪ್ರೆಸ್ ಎಂಬ ವಿಶೇಷ ರೈಲು ಸೇವೆ ಆರಂಭಿಸಿದೆ..

ನವದೆಹಲಿ :ಕೊರೊನಾ ಚಿಕಿತ್ಸೆಯಲ್ಲಿ ಹೆಚ್ಚಾಗಿ ಅಗತ್ಯ ಬೀಳುವ ಮೆಡಿಕಲ್ ಆಕ್ಸಿಜನ್ ಮತ್ತು ಆಕ್ಸಿಜನ್ ಸಿಲಿಂಡರ್​ಗಳನ್ನು ದೇಶದ ವಿವಿಧ ಭಾಗಗಳಿಗೆ ತಲುಪಿಸಲು ಭಾರತೀಯ ರೈಲ್ವೆಯು 'ಆಕ್ಸಿಜನ್ ಎಕ್ಸ್​ಪ್ರೆಸ್​' ವಿಶೇಷ ರೈಲು ಸೇವೆ ಆರಂಭಿಸಲಿದೆ. ಈ ಬಗ್ಗೆ ಇಂದು ರೈಲ್ವೆ ಇಲಾಖೆಯು ಮಾಹಿತಿ ನೀಡಿದೆ.

ಮುಂಬೈನ ಕಲಂಬೋಳಿ ರೈಲು ನಿಲ್ದಾಣ ಮತ್ತು ಬೋಯಿಸಾರ್​ ರೈಲು ನಿಲ್ದಾಣಗಳಿಂದ ಸೋಮವಾರ ಖಾಲಿ ಟ್ಯಾಂಕರ್​ಗಳು ಪ್ರಯಾಣ ಆರಂಭಿಸಲಿವೆ. ಇವು ವಿಜಾಗ್​, ಜಮ್​ಶೇಡ್​ಪುರ, ರೂರ್ಕೆಲಾ ಮತ್ತು ಬೊಕಾರೋಗಳಿಗೆ ಹೋಗಿ ದ್ರವರೂಪದ ಮೆಡಿಕಲ್ ಆಕ್ಸಿಜನ್‌ ಲೋಡ್​ ಮಾಡಿಸಿಕೊಳ್ಳಲಿವೆ. ಅಲ್ಲಿಂದ ದೇಶದ ವಿವಿಧ ಭಾಗಗಳಿಗೆ ಸರಬರಾಜು ಮಾಡಲು ತೆರಳಲಿವೆ ಎನ್ನಲಾಗಿದೆ.