ರೈಲ್ವೆ ಪ್ಲಾಟ್ ​​ಫಾರ್ಮ್​ನಿಂದ ಹಳಿ ಮೇಲೆ ಬಿದ್ದ ಮಗುವನ್ನ ದೇವರಂತೆ ಕಾಪಾಡಿದ ಸಿಬ್ಬಂದಿ!

ರೈಲ್ವೆ ಪ್ಲಾಟ್​ಫಾರ್ಮ್​ ಮೇಲೆ ನಡೆದುಕೊಂಡು ಹೋಗ್ತಿದ್ದ ವೇಳೆ ಮಗುವೊಂದು ಹಳಿ ಮೇಲೆ ಬಿದ್ದಿದ್ದು, ಅದನ್ನ ದೇವರ ರೂಪದಲ್ಲಿ ಬಂದ ರೈಲ್ವೆ ಸಿಬ್ಬಂದಿಯೊಬ್ಬ ಕಾಪಾಡಿದ್ದಾನೆ.

ಮುಂಬೈ (ಮಹಾರಾಷ್ಟ್ರ): ರೈಲ್ವೆ ನಿಲ್ದಾಣದಲ್ಲಿ ಆಯತಪ್ಪಿ ಪ್ಲಾಟ್​ಫಾರ್ಮ್​​ನಿಂದ ಹಳಿ ಮೇಲೆ ಬಿದ್ದಿರುವ ಮಗುವೊಂದನ್ನ ರೈಲ್ವೆ ಸಿಬ್ಬಂದಿಯೊಬ್ಬ ಕಾಪಾಡಿದ್ದಾನೆ. ಇನ್ನು ಲಭ್ಯವಾಗಿರುವ ಮಾಹಿತಿ ಪ್ರಕಾರ ತಾಯಿ ಕುರುಡಿಯಾಗಿದ್ದು, ಆಕೆಗೆ ರಕ್ಷಣೆ ಮಾಡಲು ಸಾಧ್ಯವಾಗಿಲ್ಲ ಎಂದು ತಿಳಿದು ಬಂದಿದೆ.

ಮಹಾರಾಷ್ಟ್ರದ ವಂಗಾನಿ ರೈಲ್ವೆ ನಿಲ್ದಾಣದ ಪ್ಲಾಟ್​ಫಾರ್ಮ್​​ನಲ್ಲಿ ಈ ಘಟನೆ ನಡೆದಿದ್ದು, ಘಟನೆಯ ಸಂಪೂರ್ಣ ದೃಶ್ಯಾವಳಿ ಸಿಸಿಟಿವಿಯಲ್ಲಿ ಸೆರೆಯಾಗಿವೆ. ತಾಯಿ ಜತೆ ತೆರಳುತ್ತಿದ್ದ ಮಗುವೊಂದು ಪ್ಲಾಟ್​ಫಾರ್ಮ್​ನಿಂದ ರೈಲ್ವೆ ಹಳಿ ಮೇಲೆ ಬಿದ್ದಿದೆ. ಈ ವೇಳೆ ಅಸಹಾಯಕಳಾದ ತಾಯಿ, ಕಣ್ಣೀರು ಹಾಕಲು ಶುರು ಮಾಡಿದ್ದಾಳೆ.

ಕೆಲವೇ ಕ್ಷಣಗಳಲ್ಲಿ ರೈಲು ಮಗುವಿನ ಮೇಲೆ ಹಾಯ್ದುಹೋಗಬೇಕು ಎನ್ನುವಷ್ಟರಲ್ಲಿ ಮುಂಬೈ ವಿಭಾಗದ ರೈಲ್ವೆ ಸಿಬ್ಬಂದಿ(ಪಾಯಿಂಟ್​ಮ್ಯಾನ್​) ಅದರ ರಕ್ಷಣೆ ಮಾಡಿ, ಮಗುವಿನ ಪಾಲಿಗೆ ದೇವರಾಗಿದ್ದಾನೆ.ಈ ವೇಳೆ ಕೊದಲೆಳೆ ಅಂತರದಲ್ಲಿ ರೈಲ್ವೆ ಸಿಬ್ಬಂದಿ ಸಹ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. ಘಟನೆ ಮೈಜುಮ್ಮೆನುಸುವ ದೃಶ್ಯಾವಳಿ ಸಿಸಿಟಿವಿಯಲ್ಲಿ ಸೆರೆಯಾಗಿವೆ.