ಕರೋಲ್​ ಬಾಗ್​ ಮಾರುಕಟ್ಟೆಗೆ ರಾಹುಲ್​ ಗಾಂಧಿ ದಿಢೀರ್ ಭೇಟಿ.. ಬೈಕ್​ ರಿಪೇರಿ ​​​​​​ಮಾಡಿ ಗಮನ ಸೆಳೆದ ಕಾಂಗ್ರೆಸ್​ ನೇತಾರ!

ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಮಂಗಳವಾರ ರಾತ್ರಿ ನವದೆಹಲಿಯ ಕರೋಲ್ ಬಾಗ್ ಮಾರುಕಟ್ಟೆಗೆ ಭೇಟಿ ನೀಡಿದ್ದರು. ಈ ವೇಳೆ ಮೆಕ್ಯಾನಿಕ್ ಭೇಟಿಯಾಗಿ ಅವರೊಂದಿಗೆ ಮಾತನಾಡಿ, ಅವರ ಕಷ್ಟ - ಸುಖಗಳ ಬಗ್ಗೆ ವಿಚಾರಿಸಿದ್ದಾರೆ. ಈ ಸಂದರ್ಭದಲ್ಲಿ, ಅವರು ಸ್ಕ್ರೂಡ್ರೈವರ್‌ನಿಂದ ಪ್ಯಾಚ್ ಬಿಗಿಗೊಳಿಸಿ ಗಮನ ಸೆಳೆದಿದ್ದಾರೆ. ಅದರ ಚಿತ್ರಗಳನ್ನೂ ಅವರು ತಮ್ಮ ಇನ್​​ಸ್ಟಾಗ್ರಾಂ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ.

ನವದೆಹಲಿ: ಕಾಂಗ್ರೆಸ್‌ ಮಾಜಿ ಅಧ್ಯಕ್ಷ, ಪಕ್ಷದ ವರಿಷ್ಠ ನೇತಾರ ರಾಹುಲ್‌ ಗಾಂಧಿ ಮಂಗಳವಾರ ನವದೆಹಲಿಯ ಕರೋಲ್‌ ಬಾಗ್‌ ಮಾರುಕಟ್ಟೆಗೆ ದಿಢೀರ್​ ಭೇಟಿ ನೀಡಿದರು. ಮಾರುಕಟ್ಟೆಗೆ ಬಂದ ರಾಹುಲ್​​​​​​ ಕಂಡು, ಅಲ್ಲಿದ್ದ ಜನ ಕಾಂಗ್ರೆಸ್​ ಮುಖಂಡನನ್ನು ನೋಡಲು ಮುಗಿಬಿದ್ದರು. ರಾಹುಲ್ ಗಾಂಧಿ ಅವರನ್ನು ಸುತ್ತುವರಿದ ಜನರು, ಅವರೊಂದಿಗೆ ಛಾಯಾಚಿತ್ರ ತೆಗೆಸಿಕೊಳ್ಳಲು ಪೈಪೋಟಿಯನ್ನೇ ನಡೆಸಿದರು.

ಇನ್ನು ರಾಹುಲ್ ಗಾಂಧಿ ಅಂಗಡಿಯೊಂದಕ್ಕೆ ಹೋಗಿ ಅಲ್ಲಿ ಕೆಲಸ ಮಾಡುತ್ತಿದ್ದ ಮೆಕ್ಯಾನಿಕ್ ಜೊತೆ ಮಾತನಾಡಿದರು. ಮೆಕಾನಿಕ್​ ಕೆಲಸದ ಬಗ್ಗೆ ಕುತೂಹಲದಿಂದ ತಿಳಿದುಕೊಂಡರು. ಮೆಕ್ಯಾನಿಕ್ ಶಾಪ್​​ನಲ್ಲಿ ಕುಳಿತು ಬೈಕ್​​​​​​​ನ ಬಿಡಿಭಾಗಗಳ ಜೋಡಣೆ ಬಗ್ಗೆಯೂ ತಿಳಿದುಕೊಂಡರು. ವಿಶೇಷ ಎಂದರೆ ಈ ಮಾಹಿತಿಯನ್ನು ಸ್ವತಃ ರಾಹುಲ್ ಗಾಂಧಿ ತಮ್ಮ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಮೆಕ್ಯಾನಿಕ್ ಆಗಿ ಕೆಲಸ ಮಾಡುತ್ತಿರುವ ಹಲವು ಫೋಟೋಗಳು ಈಗ ಜಾಲತಾಣದಲ್ಲಿ ವೈರಲ್ ಆಗುತ್ತಿವೆ. ಅವರು ಫೋಟೋಕ್ಕೆ ಶೀರ್ಷಿಕೆ ಕೊಟ್ಟಿದ್ದು, ಆಕರ್ಷಕವಾಗಿದೆ.

ಕರೋಲ್​ ಬಾಗ್​ ಮಾರುಕಟ್ಟೆಗೆ ರಾಹುಲ್​ ಗಾಂಧಿ ದಿಢೀರ್ ಭೇಟಿ.. ಬೈಕ್​ ರಿಪೇರಿ ​​​​​​ಮಾಡಿ ಗಮನ ಸೆಳೆದ ಕಾಂಗ್ರೆಸ್​ ನೇತಾರ!

ಮಾಹಿತಿ ಪ್ರಕಾರ ಮಂಗಳವಾರ ರಾತ್ರಿ 9.30ರ ಸುಮಾರಿಗೆ ರಾಹುಲ್ ಗಾಂಧಿ ಕರೋಲ್ ಬಾಗ್ ಮಾರುಕಟ್ಟೆಗೆ ಭೇಟಿ ನೀಡಿದ್ದರು. ಅಲ್ಲಿ ಮೆಕ್ಯಾನಿಕ್ ಜೊತೆ ಮಾತನಾಡುತ್ತಿರುವ ದೃಶ್ಯ ಅವರು ಪೋಸ್ಟ್​ ಮಾಡಿರುವ ಫೋಟೋದಲ್ಲಿದೆ. ಮಾರುಕಟ್ಟೆಗೆ ಭೇಟಿ ನೀಡಿದ ಬಗ್ಗೆ ಹಾಗೂ ಮೆಕ್ಯಾನಿಕ್​ ಶಾಪ್​ನಲ್ಲಿರುವ ಅನೇಕ ಫೋಟೋಗಳನ್ನು ಪೋಸ್ಟ್​ ಮಾಡಿದ್ದಾರೆ. ಒಂದು ಫೋಟೋದಲ್ಲಿ ರಾಹುಲ್ ಗಾಂಧಿ ಕೈಯಲ್ಲಿ ದ್ವಿಚಕ್ರ ವಾಹನದ ಭಾಗಗಳು ಗೋಚರಿಸುತ್ತವೆ. ಅದೇ ಸಮಯದಲ್ಲಿ, ಮತ್ತೊಂದು ಫೋಟೋದಲ್ಲಿ, ರಾಹುಲ್ ಗಾಂಧಿ ಸ್ಕ್ರೂಡ್ರೈವರ್‌ನಿಂದ ನಟ್​ ಅನ್ನು ಬಿಗಿಗೊಳಿಸುತ್ತಿರುವುದನ್ನು ಕಾಣಬಹುದು. ಮತ್ತೊಂದು ಫೋಟೋದಲ್ಲಿ, ಅವರು ಗ್ಯಾರೇಜ್ ಕೆಲಸಗಾರನಿಂದ ಯಂತ್ರದ ಬಗ್ಗೆ ಮಾಹಿತಿ ಪಡೆಯುತ್ತಿರುವುದನ್ನು ಚಿತ್ರ ತೋರಿಸುತ್ತಿದೆ.

ಕರೋಲ್​ ಬಾಗ್​ ಮಾರುಕಟ್ಟೆಗೆ ರಾಹುಲ್​ ಗಾಂಧಿ ದಿಢೀರ್ ಭೇಟಿ

ರಾಹುಲ್​ಗಾಂಧಿ ಅವರು ಇನ್​​ಸ್ಟಾಗ್ರಾಂನಲ್ಲಿ ಪೋಸ್ಟ್​ ಮಾಡಿರುವ ಫೋಟೋಗಳು ವೈರಲ್ ಆಗಿವೆ. ಕೆಲವು ದಿನಗಳ ಹಿಂದೆ ರಾಹುಲ್ ಗಾಂಧಿ ಅವರು ದೆಹಲಿಯ ಬಂಗಾಳಿ ಮಾರುಕಟ್ಟೆ ಮತ್ತು ಚಾಂದಿನಿ ಚೌಕ್‌ನಲ್ಲಿ ಚಾಟ್ ಮತ್ತು ಶರಬತ್ ಅನ್ನು ಸವಿದಿದ್ದರು.

ಬೈಕ್​ ರಿಪೇರಿ ​​​​​​ಮಾಡಿ ಗಮನ ಸೆಳೆದ ಕಾಂಗ್ರೆಸ್​ ನೇತಾರ

ಡೆಲಿವರಿ ಬಾಯ್ ಜೊತೆ ಸ್ಕೂಟರ್ ರೈಡ್ ಮಾಡಿದ್ದ ರಾಹುಲ್:ಇದಕ್ಕೂ ಮುನ್ನ ರಾಹುಲ್ ಗಾಂಧಿ ದೆಹಲಿಯಿಂದ ಚಂಡೀಗಢಕ್ಕೆ ಟ್ರಕ್ ಮೂಲಕ ಪ್ರಯಾಣ ಮಾಡಿದ್ದರು. ಅದರ ವಿಡಿಯೋ ಕೂಡಾ ಭಾರಿ ಸದ್ದು ಮಾಡಿತ್ತು. ಈ ಸಂದರ್ಭದಲ್ಲಿ ರಾಹುಲ್ ಗಾಂಧಿ ಅವರು ಟ್ರಕ್ ಚಾಲಕರೊಂದಿಗೆ ಮಾತನಾಡಿ, ಅವರು ಅನುಭವಿಸುತ್ತಿರುವ ಸಮಸ್ಯೆಗಳ ಬಗ್ಗೆ ತಿಳಿದುಕೊಂಡಿದ್ದರು.

ಮೆಕ್ಯಾನಿಕ್ ಭೇಟಿಯಾಗಿ ಅವರೊಂದಿಗೆ ಮಾತನಾಡಿ, ಅವರ ಕಷ್ಟ - ಸುಖಗಳ ಬಗ್ಗೆ ವಿಚಾರಿಸಿದ್ದಾರೆ

ಇನ್ನು ಕರ್ನಾಟಕ ವಿಧಾನಸಭೆ ಚುನಾವಣೆ ವೇಳೆ ರಾಹುಲ್ ಡೆಲಿವರಿ ಬಾಯ್ ಜೊತೆ ಸ್ಕೂಟರ್ ರೈಡ್ ಮಾಡಿದ್ದರು. ಇದರ ವಿಡಿಯೋ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿತ್ತು. ಅಮೆರಿಕ ಪ್ರವಾಸದ ವೇಳೆಯೂ ಟ್ರಕ್‌ನಲ್ಲಿ ಪ್ರಯಾಣಿಸಿ ಭಾರತೀಯ ಮೂಲದ ಚಾಲಕರೊಂದಿಗೆ ರಾಹುಲ್​ ಗಾಂಧಿ ಸಮಾಲೋಚಿಸಿದ್ದರು. ಅವರ ಕಷ್ಟಗಳ ಬಗ್ಗೆ ಒಲವುಗಳ ಬಗ್ಗೆ ಕೇಳಿ ತಿಳಿದುಕೊಂಡಿದ್ದರು.

ಮೆಕ್ಯಾನಿಕ್ ಶಾಪ್​​ನಲ್ಲಿ ಕುಳಿತು ಬೈಕ್​​​​​​​ನ ಬಿಡಿಭಾಗಗಳ ಜೋಡಣೆ ಬಗ್ಗೆ ತಿಳಿದುಕೊಂಡರು

ಇದನ್ನು ಓದಿ:Manipur Violence: ಹಿಂಸಾಚಾರ ಪೀಡಿತ ಮಣಿಪುರಕ್ಕೆ ಜೂನ್ 29-30ರಂದು ರಾಹುಲ್ ಗಾಂಧಿ ಭೇಟಿ

ಸ್ಕ್ರೂಡ್ರೈವರ್‌ನಿಂದ ಪ್ಯಾಚ್ ಬಿಗಿಗೊಳಿಸಿದ ರಾಹುಲ್​ ಗಾಂಧಿ