ಕರ್ನಾಟಕ

karnataka

ETV Bharat / bharat

ಕೋವಿಡ್​ ಸಂತ್ರಸ್ತರಿಗೆ 32 ಟನ್​​ ಆಕ್ಸಿಜನ್​​ ಪೂರೈಕೆ: 1 ಕೋಟಿ ರೂ. ಖರ್ಚು ಮಾಡಿದ ಪ್ಯಾರೆ ಖಾನ್​​ - ಮಹಾರಾಷ್ಟ್ರದ ನಾಗ್ಪುರ ಮೂಲದ ಉದ್ಯಮಿ ಪ್ಯಾರೆ ಖಾನ್​

ಮಹಾರಾಷ್ಟ್ರ ಸೇರಿ ಅನೇಕ ರಾಜ್ಯಗಳಲ್ಲಿ ಇದೀಗ ಆಕ್ಸಿಜನ್ ಕೊರತೆ ಉಂಟಾಗಿದ್ದು, ಅನೇಕರು ತಮ್ಮ ಕೈಲಾದ ಸಹಾಯ ಮಾಡುವ ಮೂಲಕ ರೋಗಿಗಳ ಪ್ರಾಣ ಉಳಿಸುತ್ತಿದ್ದಾರೆ.

oxygen tank
oxygen tank

By

Published : Apr 25, 2021, 4:20 PM IST

ನವದೆಹಲಿ: ದೇಶದ ಪ್ರಮುಖ ನಗರಗಳ ಆಸ್ಪತ್ರೆಗಳಲ್ಲಿ ಆಕ್ಸಿಜನ್ ಕೊರತೆ ಉಂಟಾಗಿ ಅನೇಕ ರೋಗಿಗಳು ತಮ್ಮ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ. ಇದರ ಮಧ್ಯೆ ಆಕ್ಸಿಜನ್​​ ಪೂರೈಕೆ ಮಾಡಲು ಅನೇಕರು ತಮ್ಮ ಕೈಲಾದ ಸಹಾಯ ಮಾಡ್ತಿದ್ದು, ಇವರ ಸಾಲಿಗೆ ಇದೀಗ ಉದ್ಯಮಿ ಪ್ಯಾರೆ ಖಾನ್ ಸೇರ್ಪಡೆಯಾಗಿದ್ದಾರೆ.

ಮಹಾರಾಷ್ಟ್ರದ ನಾಗ್ಪುರ ಮೂಲದ ಉದ್ಯಮಿ ಪ್ಯಾರೆ ಖಾನ್​ 32 ಟನ್​ ಆಮ್ಲಜನಕ ಖರೀದಿ ಮಾಡಿ ಕೋವಿಡ್ ರೋಗಿಗಳಿಗೆ ನೀಡಿದ್ದಾರೆ. ಅದಕ್ಕಾಗಿ 1 ಕೋಟಿ ರೂ. ಖರ್ಚು ಮಾಡಿರುವ ಅವರು, ಎಲ್ಲರಿಂದಲೂ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಕೋವಿಡ್ ರೋಗಿಗಳು ಚಿಕಿತ್ಸೆ ಪಡೆದುಕೊಳ್ಳುತ್ತಿರುವ ನಾಗ್ಪುರದ ಸರ್ಕಾರಿ ವೈದ್ಯಕೀಯ ಕಾಲೇಜ್​ಗೆ ಈ ಆಕ್ಸಿಜನ್​​ ಟ್ಯಾಂಕರ್​ ಸರಬರಾಜು ಮಾಡಿದ್ದಾರೆ.

ಕೋವಿಡ್​ ಸಂತ್ರಸ್ತರಿಗೆ 32 ಟನ್​​ ಆಕ್ಸಿಜನ್​​ ಪೂರೈಕೆ

ಕಳೆದ ವಾರ ಛತ್ತೀಸ್​ಗಢದ ಭಿಲೈಯಿಂದ 16 ಟನ್​ ಆಮ್ಲಜನಕ ಹೊತ್ತ ಟ್ಯಾಂಕರ್​​ವೊಂದನ್ನ ನಾಗ್ಪುರ್ ವೈದ್ಯಕೀಯ ಕಾಲೇಜ್​ಗೆ ಕಳುಹಿಸಿದ್ದರು. ಇದೀಗ ಮತ್ತೊಮ್ಮೆ ಆಮ್ಲಜನಕ ಹೊತ್ತ ಮತ್ತೊಂದು ಟ್ಯಾಂಕರ್​​ನ್ನ ಆಸ್ಪತ್ರೆಗೆ ರವಾನಿಸಿದ್ದಾರೆ. ಇದಕ್ಕಾಗಿ ಅವರು ಬರೋಬ್ಬರಿ 1 ಕೋಟಿ ರೂ. ಖರ್ಚು ಮಾಡಿದ್ದಾರೆ.

ದೇಶದಲ್ಲಿ ಎರಡನೇ ಹಂತದ ಕೋವಿಡ್ ಹಾವಳಿ ಹೆಚ್ಚಾಗಿರುವ ಕಾರಣ ಮಹಾರಾಷ್ಟ್ರ, ದೆಹಲಿ, ಪಂಜಾಬ್​, ಹರಿಯಾಣ ಸೇರಿದಂತೆ ಅನೇಕ ರಾಜ್ಯಗಳಲ್ಲಿ ಆಮ್ಲಜನಕದ ಕೊರತೆ ಉಂಟಾಗಿದೆ. ಇದೇ ಕಾರಣಕ್ಕಾಗಿ ಅನೇಕ ಕೋವಿಡ್​ ರೋಗಿಗಳು ತಮ್ಮ ಪ್ರಾಣ ಕಳೆದುಕೊಳ್ಳುತ್ತಿದ್ದಾರೆ.

ABOUT THE AUTHOR

...view details