ತೆಲುಗು ರಿಯಾಲಿಟಿ ಶೋನಲ್ಲಿ ಪುನೀತ್​ ರಾಜಕುಮಾರ್​ಗೆ ಶ್ರದ್ಧಾಂಜಲಿ

ತೆಲುಗು ಕಾಮಿಡಿ ರಿಯಾಲಿಟಿ ಶೋ 'ಶ್ರೀದೇವಿ ಡ್ರಾಮಾ ಕಂಪನಿ' ಪುನೀತ್ ರಾಜಕುಮಾರ್​ಗೆ ಶ್ರದ್ಧಾಂಜಲಿ ಸಲ್ಲಿಸಿದ್ದು, ಈ ಎಪಿಸೋಡ್ ಮುಂದಿನ ಭಾನುವಾರ ಪ್ರಸಾರವಾಗಲಿದೆ.

ಪವರ್​ಸ್ಟಾರ್ ಪುನೀತ್ ರಾಜಕುಮಾರ್ ವಿಧಿವಶರಾದ ದಿನದಿಂದಲೂ ಕನ್ನಡಿಗರಲ್ಲಿ ದುಃಖ ಮಡುಗಟ್ಟಿದೆ. ಪುನೀತ್ ಅಗಲಿಕೆಗೆ ಸ್ಯಾಂಡಲ್​ವುಡ್ ಮಾತ್ರವಲ್ಲದೇ ಬಾಲಿವುಡ್, ಟಾಲಿವುಡ್, ಕಾಲಿವುಡ್ ನಟರೂ ಕೂಡಾ ಸಂತಾಪ ಸೂಚಿಸಿ, ಭಾವುಕರಾಗಿದ್ದಾರೆ.

ಈಗ ತೆಲುಗು ಕಾಮಿಡಿ ರಿಯಾಲಿಟಿ ಶೋ 'ಶ್ರೀದೇವಿ ಡ್ರಾಮಾ ಕಂಪನಿ' ಪುನೀತ್ ರಾಜಕುಮಾರ್​ಗೆ ಶ್ರದ್ಧಾಂಜಲಿ ಸಲ್ಲಿಸಿದೆ. ಮುಂದಿನ ಭಾನುವಾರ ಪ್ರಸಾರವಾಗಲಿರುವ ಎಪಿಸೋಡ್ ಅನ್ನು ಪುನೀತ್​ ರಾಜಕುಮಾರ್​ಗೆ ಅರ್ಪಿಸಲಾಗಿದೆ.

ಈಗ ಆ ಎಪಿಸೋಡ್​ಗೆ ಸಂಬಂಧಿಸಿದ ಪ್ರೋಮೋ ಬಿಡುಗಡೆಯಾಗಿದೆ. ಪಿಲ್ಲಲ ಸಂದಡಿ (ಮಕ್ಕಳ ಹಬ್ಬ) ಹೆಸರಿನಲ್ಲಿ ಈ ಎಪಿಸೋಡ್ ಪ್ರಸಾರವಾಗಲಿದ್ದು, ಎಂದಿನಂತೆ ಗೆಟಪ್ ಶ್ರೀನು, ರಾಂಪ್ರಸಾದ್ ಮುಂತಾದವರ ಜೊತೆಗೆ ಮಕ್ಕಳು ಪಾಲ್ಗೊಳ್ಳಲಿದ್ದಾರೆ. ನವೆಂಬರ್ 14ರಂದು ಈಟಿವಿಯಲ್ಲಿ ಎಪಿಸೋಡ್ ಪ್ರಸಾರವಾಗಲಿದೆ.

ಇದನ್ನೂ ಓದಿ:ಪುನೀತ್​ ಸರ್​ಗೆ ಶೀಘ್ರ ಮರಣೋತ್ತರ ಪದ್ಮಶ್ರೀ ಪ್ರಶಸ್ತಿ ಕೊಡಲಿ: ನಟ ಪ್ರೇಮ್