ರಾಜಕೀಯ ಜಂಜಡ ಬಿಟ್ಟು ಕುಟುಂಬದೊಂದಿಗೆ ರಣತಂಬೋರ್​ಗೆ ತೆರಳಿದ ಪ್ರಿಯಾಂಕಾ ವಾದ್ರಾ

ನಾಳೆ 50ನೇ ವಸಂತಕ್ಕೆ ಕಾಲಿಡುತ್ತಿರುವ ಕಾಂಗ್ರೆಸ್ ಮುಖಂಡೆ ಪ್ರಿಯಾಂಕಾ ಗಾಂಧಿ ರಾಜಸ್ಥಾನದ ರಣತಂಬೋರ್​ಗೆ ತೆರಳಿದ್ದು, ಕುಟುಂಬದೊಂದಿಗೆ ಹುಟ್ಟುಹಬ್ಬ ಆಚರಣೆ ಮಾಡಲು ನಿರ್ಧರಿಸಿದ್ದಾರೆ.

ರಣತಂಬೋರ್​(ರಾಜಸ್ಥಾನ):ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ವಾದ್ರಾ ನಾಳೆ 50ನೇ ವಸಂತಕ್ಕೆ ಕಾಲಿಡುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ರಾಜಕೀಯ ಜಂಜಾಟದಿಂದ ದೂರು ಉಳಿದು ಕುಟುಂಬದೊಂದಿಗೆ ಖುಷಿಯಿಂದಿರಲು ಅವರು ನಿರ್ಧರಿಸಿದ್ದಾರೆ. ಅದೇ ಕಾರಣಕ್ಕಾಗಿ ಇದೀಗ ರಾಜಸ್ಥಾನಕ್ಕೆ ತೆರಳಿದ್ದಾರೆ.

ರಾಜಸ್ಥಾನದ ರಣತಂಬೋರ್ ಹುಲಿ ಸಂರಕ್ಷಿತ​​​​​ ರಾಷ್ಟ್ರೀಯ ಪಾರ್ಕ್​ಗೆ ತೆರಳಿರುವ ಪ್ರಿಯಾಂಕಾ ಗಾಂಧಿ ವಾದ್ರಾ ಜೊತೆ ಪತಿ ರಾಬರ್ಟ್​ ವಾದ್ರಾ ಹಾಗೂ ಇಬ್ಬರು ಮಕ್ಕಳಿದ್ದಾರೆ.

ಕಳೆದ ವರ್ಷ ನವೆಂಬರ್ ತಿಂಗಳಲ್ಲಿ ರಾಜಸ್ಥಾನಕ್ಕೆ ತೆರಳಿದ್ದ ಪ್ರಿಯಾಂಕಾ ವಾದ್ರಾ ಕುಟುಂಬ ಇಲ್ಲಿನ ಶೇರ್​ ಬಾಗ್​ ಹೋಟೆಲ್​​ನಲ್ಲಿ ಉಳಿದುಕೊಂಡಿತ್ತು. ಈಗಲೂ ಅದೇ ಹೋಟೆಲ್​ನಲ್ಲಿ ತಂಗಲು ನಿರ್ಧರಿಸಿದ್ದಾರೆ. ಬೆಂಗಾವಲು ವಾಹನಗಳೊಂದಿಗೆ ರಣತಂಬೋರ್​ಗೆ ತೆರಳಿರುವ ಕುಟುಂಬ ನಾಳೆ ಹುಟ್ಟುಹಬ್ಬದ ಸಂಭ್ರಮಾಚರಣೆ ಮಾಡಲಿದೆ.

ಪ್ರಿಯಾಂಕಾ ಆಗಾಗ್ಗೆ ರಣತಂಬೋರ್​ಗೆ ಭೇಟಿ ನೀಡುತ್ತಿದ್ದು, ಹುಲಿಗಳ ಫೋಟೋ ಸೆರೆ ಹಿಡಿಯುವುದೆಂದರೆ ಅವರಿಗೆ ಬಲು ಇಷ್ಟವಂತೆ.

ಉತ್ತರ ಪ್ರದೇಶ ವಿಧಾನಸಭೆಗೆ ಈಗಾಗಲೇ ಚುನಾವಣೆ ಘೋಷಣೆಯಾಗಿದ್ದು 403 ಕ್ಷೇತ್ರಗಳಿಗೆ 7 ಹಂತಗಳಲ್ಲಿ ಮತದಾನ ನಡೆಯಲಿದೆ. ಕಾಂಗ್ರೆಸ್ ಗೆಲ್ಲಿಸುವ ಜವಾಬ್ದಾರಿ ಪ್ರಿಯಾಂಕಾ ಹೆಗಲ ಮೇಲಿದೆ.