ಕಾಸರಗೋಡು: ಗರ್ಭಿಣಿ ಮೇಕೆ ಮೇಲೆ ಅತ್ಯಾಚಾರವೆಸಗಿ, ಕೊಂದು ಹಾಕಿದ ಕಾಮುಕರು

ಮೇಕೆಯ ಮೇಲೆ ಮೃಗೀಯ ವರ್ತನೆ ತೋರಿರುವ ಮೂವರು ಕಾಮುಕರು ಅತ್ಯಾಚಾರವೆಸಗಿ ಕೊಂದು ಹಾಕಿರುವ ಘಟನೆ ಕೇರಳದ ಕಾಸರಗೋಡಿನಲ್ಲಿ ನಡೆದಿದೆ.

ಕಾಸರಗೋಡು(ಕೇರಳ): ಗರ್ಭಿಣಿ ಮೇಕೆಯ ಮೇಲೆ ಅತ್ಯಾಚಾರವೆಸಗಿರುವ ಮೂವರು ಕಾಮುಕರು ಅದನ್ನು ಕೊಂದಿರುವ ಘಟನೆ ಕೇರಳದ ಕಾಸರಗೋಡಿನಲ್ಲಿ ನಡೆದಿದೆ. ಈ ಕುರಿತು ಪ್ರಕರಣ ದಾಖಲು ಮಾಡಿಕೊಂಡಿರುವ ಪೊಲೀಸರು ತಮಿಳುನಾಡು ಮೂಲದ ಸೆಂಥಿಲ್ ಎಂಬಾತನನ್ನು ಬಂಧನ ಮಾಡಿದ್ದಾರೆ. ಉಳಿದ ಇಬ್ಬರಿಗೋಸ್ಕರ ಶೋಧಕಾರ್ಯ ಮುಂದುವರೆಸಿದ್ದಾರೆ.

ಕೇರಳದ ಕಾಞಂಗಾಡಿನಲ್ಲಿ ರೆಸ್ಟೋರೆಂಟ್ ಮಾಲೀಕನಾಗಿರುವ ಮೊಯ್ದೀನ್ ಕುಂಜು ಎಂಬುವವರಿಗೆ ಸೇರಿದ ಮೇಕೆಯ ಮೇಲೆ ಮೂವರು ಮೃಗೀಯ ವರ್ತನೆ ತೋರಿದ್ದಾರೆ. ಅದು ನಾಲ್ಕು ತಿಂಗಳ ಗರ್ಭಿಣಿಯಾಗಿತ್ತೆಂದು ಪೊಲೀಸರು ತಿಳಿಸಿದ್ದಾರೆ. ಕಾಮುಕ ಸೆಂಥಿಲ್​​ ರೆಸ್ಟೋರೆಂಟ್​​ನಲ್ಲಿ ಉದ್ಯೋಗಿಯಾಗಿದ್ದಾನೆ.

ಕೇರಳದಲ್ಲಿ ಮುಷ್ಕರವಿದ್ದ ಕಾರಣ ಕಳೆದ ಮಂಗಳವಾರ ರೆಸ್ಟೋರೆಂಟ್​ ಬಂದ್ ಮಾಡಲಾಗಿತ್ತು. ರಾತ್ರಿ ರೆಸ್ಟೋರೆಂಟ್​ನ ಹಿಂಬದಿಯಿಂದ ಮೇಕೆ ಕೂಗಿದ ಶಬ್ದ ಕೇಳಿಸಿದೆ. ಈ ವೇಳೆ ಮಾಲೀಕ, ಕೆಲ ಸ್ಥಳೀಯರೊಂದಿಗೆ ಅಲ್ಲಿಗೆ ತೆರಳಿದಾಗ ಪ್ರಕರಣ ಬೆಳಕಿಗೆ ಬಂದಿದೆ. ಈ ಸಂದರ್ಭದಲ್ಲಿ ಮೂವರು ಸ್ಥಳದಿಂದ ಪರಾರಿಯಾಗಲು ಯತ್ನಿಸಿದ್ದು, ಸೆಂಥಿಲ್​ ಸಿಕ್ಕಿಬಿದ್ದಿದ್ದಾನೆ.