ಲಸಿಕೆ ಅಭಿವೃದ್ಧಿ ಹಿಂದೆ ಇಷ್ಟೊಂದು ಸಿಬ್ಬಂದಿ ಶ್ರಮ... 'ಭಾವನಾತ್ಮಕ ಫೋಟೋ ಶೇರ್ ಮಾಡಿದ ಸೆರಂ ಸಿಇಒ!

ಕೊರೊನಾ ವೈರಸ್​ಗೆ ಭಾರತದಲ್ಲಿ ಲಸಿಕೆ ಅಭಿವೃದ್ದಿಗೊಂಡಿದ್ದು, ಕೋವಿಶೀಲ್ಡ್​ ಹಾಗೂ ಕೋವ್ಯಾಕ್ಸಿನ್​ ಈಗಾಗಲೇ ವಿವಿಧ ರಾಜ್ಯಗಳಿಗೆ ರವಾನೆಯಾಗಿವೆ. ಸೆರಂ ಇನ್ಸ್​ಟಿಟ್ಯೂಟ್​ನಿಂದ ಲಸಿಕೆ ರವಾನೆಯಾಗುವುದಕ್ಕೂ ಮುಂಚಿತವಾಗಿ ಅದರ ಅಭಿವೃದ್ಧಿಗಾಗಿ ಶ್ರಮ ವಹಿಸಿರುವ ಪ್ರತಿಯೊಬ್ಬರು ಒಂದೇ ಫೋಟೋದಲ್ಲಿ ಕಾಣಿಸಿಕೊಂಡಿರುವ ಚಿತ್ರವನ್ನ ಆದಾರ್​ ಪೂನಾವಾಲಾ ಟ್ವೀಟ್ ಮಾಡಿದ್ದಾರೆ.

ನವದೆಹಲಿ:ಸೆರಂ ಇನ್ಸ್​ಟಿಟ್ಯೂಟ್ ಆಫ್​ ಇಂಡಿಯಾದಿಂದ ಕೋವಿಡ್​ ರಾಮಬಾಣ ಕೋವಿಶೀಲ್ಡ್​ ಲಸಿಕೆ ಅಭಿವೃದ್ಧಿಗೊಂಡಿದ್ದು, ಈಗಾಗಲೇ ಎಲ್ಲ ರಾಜ್ಯಗಳಿಗೂ ಇದು ರವಾನೆಯಾಗಿದೆ.

ಕೋವಿಶೀಲ್ಡ್ ಲಸಿಕೆ ರವಾನೆಯಾಗುವುದಕ್ಕೂ ಮುಂಚಿತವಾಗಿ ಸೆರಂ ಇನ್ಸ್​ಟಿಟ್ಯೂಟ್​ ಆಫ್​ ಇಂಡಿಯಾದ ​ಸಿಇಒ ಅದಾರ್ ಪೂನಾವಾಲಾ ಭಾವನಾತ್ಮಕ ಟ್ವೀಟ್ ಶೇರ್​ ಮಾಡಿದ್ದಾರೆ. ಲಸಿಕೆ ಅಭಿವೃದ್ಧಿಪಡಿಸುವಲ್ಲಿ ಪ್ರಯತ್ನಿಸಿರುವ ಪ್ರತಿ ಸಿಬ್ಬಂದಿಯ ಫೋಟೋ ಒಂದೇ ಗ್ರೂಪ್​ನಲ್ಲಿದ್ದು, ಮತ್ತೊಂದು ಛಾಯಾಚಿತ್ರದಲ್ಲಿ ಅದಾರ್​ ಪೂನಾವಾಲಾ ಟ್ರಕ್​ನಲ್ಲಿ ಕುಳಿತುಕೊಂಡಿದ್ದಾರೆ. ಅದರಲ್ಲಿ ಕೋವಿಶೀಲ್ಡ್ ಲಸಿಕೆ ಸಾಗಣೆಯ ಪೆಟ್ಟಿಗೆಗಳಿವೆ.

ಸೆರಂ ಇನ್ಸ್​ಟಿಟ್ಯೂಟ್​ನ ತಂಡಕ್ಕೆ ಇದೊಂದು ಭಾವನಾತ್ಮಕ ಸಮಯವಾಗಿದ್ದು, ಕಂಪನಿಯಿಂದ ಮೊದಲ ಹಂತದ ಲಸಿಕೆ ಭಾರತದ ವಿವಿಧ ನಗರಗಳಿಗೆ ರವಾನೆಯಾಗಿದೆ ಎಂದು ಬರೆದುಕೊಂಡಿದ್ದಾರೆ.

ಕೋವಿಶೀಲ್ಡ್ ಲಸಿಕೆ ಈಗಾಗಲೇ ದೆಹಲಿ, ಚೆನ್ನೈ, ಬೆಂಗಳೂರು, ಲಕ್ನೋ, ಕೋಲ್ಕತ್ತಾ, ಗುವಾಹಟಿ ಹಾಗೂ ಪಾಟ್ನಾ ಸೇರಿದಂತೆ ಪ್ರಮುಖ ನಗರಗಳಿಗೆ ರವಾನೆಯಾಗಿವೆ. ಏಪ್ರಿಲ್​ 2021ರೊಳಗೆ ಕೇಂದ್ರ ಸರ್ಕಾರ ಸೆರಂನಿಂದ 5.60 ಕೋಟಿ ಡೋಸ್ ಖರೀದಿ ಮಾಡಲು ನಿರ್ಧರಿಸಿದ್ದು, ಇದರ ಬೆಲೆ ಪ್ರತಿ ಡೋಸ್​ಗೆ 200 ರೂ. ಆಗಿದೆ.