ಜಾರ್ಖಂಡ್​ನ ಲತೇಹಾರ್​ನಲ್ಲಿ 25 ಬಾಂಬ್ ಪತ್ತೆ: ನಕ್ಸಲರ ಸಂಚು ವಿಫಲ

ಜಾರ್ಖಂಡ್‌ನ ಲತೇಹಾರ್ ಪೊಲೀಸರು ಕಾರ್ಯಾಚರಣೆ ನಡೆಸಿ, ಮಾಣಿಕಾ ಪೊಲೀಸ್ ಠಾಣೆ ವ್ಯಾಪ್ತಿಯ ಬರ್ವೈಯಾ ಅರಣ್ಯದಲ್ಲಿ ಹುದುಗಿಸಿಡಲಾಗಿದ್ದ ಸುಮಾರು 25 ಬಾಂಬ್​ಗಳನ್ನು ಹೊರ ತೆಗೆದು ನಿಷ್ಕ್ರಿಯಗೊಳಿಸಿದ್ದಾರೆ.

ಲತೇಹಾರ್(ಜಾರ್ಖಂಡ್) : ನಕ್ಸಲರು ಹುದುಗಿಸಿಟ್ಟಿದ್ದ ಸುಮಾರು 25 ಬಾಂಬ್‌ಗಳನ್ನು ಜಾರ್ಖಂಡ್‌ನ ಲತೇಹಾರ್ ಪೊಲೀಸರು ಶುಕ್ರವಾರ ವಶಪಡಿಸಿಕೊಂಡಿದ್ದಾರೆ. ಲತೇಹಾರ್ ಎಸ್​ಪಿ ಅಂಜನಿ ಅಂಜನ್ ನಿರ್ದೇಶನದಲ್ಲಿ ಬಾಂಬ್​ಗಳನ್ನು ಪತ್ತೆ ಹಚ್ಚಿದ್ದು, ಪೊಲೀಸರ ವಿರುದ್ಧ ನಕ್ಸಲರು ರೂಪಿಸಿದ್ದ ಅತಿ ದೊಡ್ಡ ಸಂಚನ್ನು ವಿಫಲಗೊಳಿಸಿದ್ದಾರೆ.

ಲತೇಹರ್ ಜಿಲ್ಲೆಯ ಮಾಣಿಕಾ ಪೊಲೀಸ್ ಠಾಣೆ ವ್ಯಾಪ್ತಿಯ ಬರ್ವೈಯಾ ಅರಣ್ಯದಲ್ಲಿ ಬಾಂಬ್‌ಗಳನ್ನು ಇರಿಸಲಾಗಿತ್ತು. ಪೊಲೀಸ್ ವರಿಷ್ಠಾಧಿಕಾರಿ ನಿರ್ದೇಶನದ ಮೇರೆಗೆ ಕಾಡಿನೊಳಗೆ ಪೊಲೀಸರು ಕಾರ್ಯಾಚರಣೆ ನಡೆಸಿ, ಬಾಂಬ್​ಗಳನ್ನು ಹೊರತೆಗೆದಿದ್ದಾರೆ.

ಪತ್ತೆಯಾದ ಬಾಂಬ್​ಗಳು ಸಾಕಷ್ಟು ಶಕ್ತಿಶಾಲಿಯಾಗಿದ್ದು, ಒಂದೊಂದು ಸ್ಫೋಟಕವೂ ಒಂದೊಂದು ಕೆಜಿ ತೂಕವಿದೆ ಎಂದು ತಿಳಿದು ಬಂದಿದೆ. ಎಲ್ಲ ಬಾಂಬ್​ಗಳನ್ನು ಡಿಫ್ಯೂಸ್ ಮಾಡಲಾಗಿದ್ದು, ನಕ್ಸಲರ ಕಾನೂನು ಬಾಹೀರ ಚಟುವಟಿಕೆಯನ್ನು ಯಶಸ್ವಿಯಾಗಲು ಬಿಡುವಂತಿಲ್ಲ ಎಂದು ಪೊಲೀಸ್​ ವರಿಷ್ಠಾಧಿಕಾರಿ ತಿಳಿಸಿದ್ದಾರೆ.

ಇದನ್ನೂ ಓದಿ:ಸಚಿವೆ ಸ್ಮೃತಿ ಇರಾನಿ ಭೇಟಿಗೋಸ್ಕರ ಬಂದ ಮಹಿಳೆಯರ ಮೇಲೆ ಬಿಜೆಪಿ ಕಾರ್ಯಕರ್ತರಿಂದ ಹಲ್ಲೆ ಆರೋಪ