ಮಧ್ಯಪ್ರದೇಶ ದರೋಡೆ ಪ್ರಕರಣ: 8 ಮಂದಿ ಬಂಧಿಸಿದ ಪೊಲೀಸರು

ಮೇ 31 ರಂದು ಚಿಂದ್ವಾರ ನಿವಾಸಿ ರಾಜಕುಮಾರ ಸೋನಿ ಎಂಬವರಿಂದ 2.5 ಲಕ್ಷ ರೂ. ನಗದು ಮತ್ತು 2 ಲಕ್ಷ ರೂ. ಮೌಲ್ಯದ ಐದು ವಜ್ರಗಳನ್ನು ಖದೀಮರು ದೋಚಿದ್ದರು. ಈ ಸಂಬಂಧ ಪೊಲೀಸರು ಮಂದಿ ಖದೀಮರನ್ನು ಬಂಧಿಸಿದ್ದಾರೆ.

ಬೆತುಲ್(ಮಧ್ಯಪ್ರದೇಶ): ಒಂದು ವಾರದ ಹಿಂದೆ ಬೆತುಲ್​ನಲ್ಲಿ ನಡೆದ ಚಿನ್ನ ಕಳ್ಳತನ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು 8 ಮಂದಿ ಖದೀಮರನ್ನು ಬಂಧಿಸಿದ್ದಾರೆ.

ಈ ಬಗ್ಗೆ ಮಾತನಾಡಿದ ಎಸ್‌ಪಿ ಸಿಮಲ ಪ್ರಸಾದ್, "ಮೇ 31 ರಂದು ಚಿಂದ್ವಾರ ನಿವಾಸಿ ರಾಜಕುಮಾರ ಸೋನಿ ಎಂಬವರಿಂದ 2.5 ಲಕ್ಷ ರೂ. ನಗದು ಮತ್ತು 2 ಲಕ್ಷ ರೂ. ಮೌಲ್ಯದ ಐದು ವಜ್ರಗಳನ್ನು ಖದೀಮರು ದೋಚಿದ್ದರು. ಈ ಸಂಬಂಧ ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡ ಪೊಲೀಸರು ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದ್ದಾರೆ. ಅದರ ಸಹಾಯದಿಂದ ಪೊಲೀಸರು ಜಾರ್ಖಂಡ್​ನ ಅಮ್ಡೋ ನಿವಾಸಿ ಕರಣ್ ಎಂಬಾತನನ್ನು ವಶಕ್ಕೆ ತೆಗೆದುಕೊಂಡು ತನಿಖೆ ನಡೆಸಲಾಗಿದೆ ಎಂದರು.

ಕರಣ್​ ಬಂಧನದ ಬಳಿಕ ಹಮ್ಲಾಪುರ ನಿವಾಸಿ ಪಿಂಟು ನಾಗ್ಲೆ, ಶುಭಮ್ ಗಾಯಕ್​ವಾಡ್​, ಪಂಕಜ್ ಕಾವ್ಡೆ, ಕಲಾಪಥ ನಿವಾಸಿ ಹೃತಿಕ್ ಚಂದ್ರಹಾಸ್, ದುರ್ಗಾ ವಾರ್ಡ್ ನಿವಾಸಿ ರೋಹಿತ್ ಮಾರ್ಕಮ್ ಸೇರಿದಂತೆ ಇತರ ಇಬ್ಬರನ್ನು ಬಂಧಿಸಿದ್ದಾರೆ.

ಐದು ಉತ್ತಮ ಗುಣಮಟ್ಟದ ವಜ್ರಗಳು ಮತ್ತು ಕಡಿಮೆ ಗುಣಮಟ್ಟದ ವಜ್ರಗಳ 250 ತುಂಡುಗಳು, 2 ದೇಶೀ ನಿರ್ಮಿತ ಪಿಸ್ತೂಲ್, 2 ಲೈವ್ ಕಾರ್ಟ್ರಿಜ್​ಗಳು, 15 ಸಾವಿರ ರೂಪಾಯಿ ನಗದು ಮತ್ತು 55 ಲಕ್ಷ ರೂ.ಗಳ ಆಭರಣಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.