ಬಲೆಗೆ ಬಿತ್ತು 'ವ್ಯಕ್ತಿಯ ಮುಖ' ಹೋಲುವ ಮೀನು.. ಇದು ಮನುಷ್ಯನನ್ನೇ ಕೊಲ್ಲುವಷ್ಟು ವಿಷಕಾರಿ!

Rare and Dangerous Man face fish caught in Andhra Pradesh: ಅತ್ಯಂತ ವಿಷಕಾರಿ ಮತ್ತು ಮನುಷ್ಯನ ಮುಖ ಹೋಲಿಕೆಯ ಮೀನೊಂದು ಇದೀಗ ಮೀನುಗಾರರ ಬಲೆಗೆ ಬಿದ್ದಿದ್ದು, ವಿಶ್ವದ ಎರಡನೇ ಅತಿ ವಿಷಕಾರಿ ಮೀನು ಇದಾಗಿದೆ ಎನ್ನಲಾಗ್ತಿದೆ.

ಪೂರ್ವ ಗೋದಾವರಿ(ಆಂಧ್ರಪ್ರದೇಶ):ಮೀನುಗಾರಿಕೆ ಮಾಡುವ ವೇಳೆ ವಿಚಿತ್ರ ಮತ್ತು ಆಶ್ಚರ್ಯಕರ ಮೀನುಗಳು ಬಲೆಗೆ ಬೀಳುವುದು ಸರ್ವೇ ಸಾಮಾನ್ಯ. ಆದರೆ, ಇದೀಗ ಮತ್ತಷ್ಟು ವಿಚಿತ್ರ ಎನ್ನಲಾಗಿರುವ ವಿಷಕಾರಿ ಮೀನೊಂದು ಬಲೆಗೆ ಬಿದ್ದಿದೆ.

ಮನುಷ್ಯರ ಮುಖದಂತೆ ಕಾಣುವ ಈ ಅಪರೂಪದ ಮೀನನ್ನು ಬೈಸನ್ ಫಿಶ್ ಎಂದು ಕರೆಯಲಾಗುತ್ತದೆ. ಇದಕ್ಕೆ ಸಾಮಾನ್ಯವಾಗಿ ಪಫರ್​ ಫಿಶ್, ಬಲೂನ್ ಫಿಶ್​ ಅಥವಾ ಗ್ಲೋಬ್ ಫಿಶ್ ಎಂದು ಕರೆಯಲಾಗುತ್ತದೆ. ಆಂಧ್ರಪ್ರದೇಶದ ಪೂರ್ವ ಗೋದಾವರಿ ಜಿಲ್ಲೆಯ ಉಪ್ಪಲಗುಪ್ತ ವಲಯದ ವಸಲತಿಪ್ಪದಲ್ಲಿ ಮೀನುಗಾರಿಕೆ ಮಾಡ್ತಿದ್ದ ವೇಳೆ ಈ ವಿಚಿತ್ರ ಮೀನು ಬಲೆಗೆ ಬಿದ್ದಿದೆ.

ವಿಶ್ವದ ಎರಡನೇ ಅತ್ಯಂತ ವಿಷಕಾರಿ ಮೀನು ಎಂದು ಹೇಳಲಾಗ್ತಿದ್ದು, ಮನುಷ್ಯನನ್ನೇ ಕೊಲ್ಲುವಷ್ಟು ವಿಷ ಇದರಲ್ಲಿ ಇದೆ ಎಂದು ಮೀನುಗಾರಿಕೆ ಇಲಾಖೆ ಅಧಿಕಾರಿ ಗೋಪಾಲಕೃಷ್ಣ ವಿವರಿಸಿದ್ದಾರೆ. ಈ ಹಿಂದೆ ಕೂಡ ಮೀನುಗಾರರ ಬಲೆಗೆ ಹಾರುವ ಮೀನು, ದುಬಾರಿ ಬೆಲೆಯ ಮೀನು ಸೇರಿದಂತೆ ಕೋಟ್ಯಂತರ ರೂ. ಮೌಲ್ಯದ ಮೀನುಗಳು ಸಿಕ್ಕಿವೆ.