2-18 ವರ್ಷದವರಿಗೆ ಕೋವ್ಯಾಕ್ಸಿನ್ ಲಸಿಕೆ.. ಕೇಂದ್ರ, ಭಾರತ್ ಬಯೋಟೆಕ್​​ಗೆ ದೆಹಲಿ ಹೈಕೋರ್ಟ್​ ನೋಟಿಸ್​

525 ಮಂದಿಯ ಮೇಲೆ ಪ್ರಯೋಗ ನಡೆಸುವ ಕುರಿತು ಮೇ.12ರಂದು ನೀಡಿದ್ದ ಅನುಮತಿ ತಡೆಗೆ ಮದ್ಯಂತರ ತಡೆ ಆದೇಶ ನೀಡುವುದಿಲ್ಲ ಎಂದು ಅರ್ಜಿದಾರ ಸಂಜೀವ್ ಕುಮಾರ್ ಅವರು ಸಲ್ಲಸಿರುವ ಅರ್ಜಿಗೆ ಉತ್ತರಿಸಿದೆ..

ನವದೆಹಲಿ : 2-18 ವರ್ಷದೊಳಗಿನವರಿಗೆ ಕೊವಾಕ್ಸಿನ್‌ನ 2ನೇ ಮತ್ತು 3ನೇ ಹಂತದ ಕ್ಲಿನಿಕಲ್ ಪ್ರಯೋಗ ನಡೆಸಲು ಭಾರತ್ ಬಯೋಟೆಕ್‌ಗೆ ಡ್ರಗ್ಸ್ ಕಂಟ್ರೋಲರ್ ಜನರಲ್ ನೀಡಿದ ಅನುಮತಿಯನ್ನು ಪ್ರಶ್ನಿಸಿ ದೆಹಲಿ ಹೈಕೋರ್ಟ್​ಗೆ ಪಿಐಎಲ್ ಸಲ್ಲಿಕೆಯಾಗಿದ್ದು, ಈ ಕುರಿತು ಕೇಂದ್ರದ ನಿಲುವು ಸ್ಪಷ್ಟಪಡಿಸುವಂತೆ ಕೋರ್ಟ್ ತಿಳಿಸಿದೆ.

ಅರ್ಜಿಯ ಕುರಿತು ಜುಲೈ 15ರೊಳಗೆ ತಮ್ಮ ನಿಲುವನ್ನು ಕೋರಿ ಮುಖ್ಯ ನ್ಯಾಯಮೂರ್ತಿ ಡಿ.ಎನ್ ಪಟೇಲ್ ಮತ್ತು ನ್ಯಾಯಮೂರ್ತಿ ಜ್ಯೋತಿ ಸಿಂಗ್ ಅವರ ಪೀಠ ಕೇಂದ್ರ ಮತ್ತು ಭಾರತ್ ಬಯೋಟೆಕ್​​​ಗೆ ನೋಟಿಸ್ ಜಾರಿ ಮಾಡಿದೆ.

ಆದರೆ, 525 ಮಂದಿಯ ಮೇಲೆ ಪ್ರಯೋಗ ನಡೆಸುವ ಕುರಿತು ಮೇ 12ರಂದು ನೀಡಿದ್ದ ಅನುಮತಿ ತಡೆಗೆ ಮಧ್ಯಂತರ ತಡೆ ಆದೇಶ ನೀಡುವುದಿಲ್ಲ ಎಂದು ಅರ್ಜಿದಾರ ಸಂಜೀವ್ ಕುಮಾರ್ ಅವರು ಸಲ್ಲಿಸಿರುವ ಅರ್ಜಿಗೆ ಉತ್ತರಿಸಿದೆ.

ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ (ಐಸಿಎಂಆರ್) ಸಹಯೋಗದೊಂದಿಗೆ ಭಾರತ್ ಬಯೋಟೆಕ್ ಸ್ಥಳೀಯವಾಗಿ ಅಭಿವೃದ್ಧಿಪಡಿಸಿದ ಕೊವ್ಯಾಕ್ಸಿನ್‌ನ ಲಸಿಕಾ ಅಭಿಯಾನದಲ್ಲಿ ವಯಸ್ಕರಿಗಾಗಿ ಮಾತ್ರ ನೀಡಲಾಗುತ್ತಿದೆ.

ಇದನ್ನೂ ಓದಿ:ಪ್ಲಾಸ್ಮಾ ಬಳಿಕ ಕೋವಿಡ್ ಚಿಕಿತ್ಸೆಯಿಂದ ರೆಮ್ಡಿಸಿವಿರ್ ಔಷಧಿ ಕೈಬಿಡುವ ಸಾಧ್ಯತೆ