ಜಾಮುಯಿ (ಬಿಹಾರ):ಈನಾಲ್ಕು ಮಕ್ಕಳ ಚಿತ್ರವೊಂದು ಇತ್ತೀಚೆಗೆ ಇಂಟರ್ನೆಟ್ನಲ್ಲಿ ಭಾರಿ ಸದ್ದು ಮಾಡುತ್ತಿದೆ. ದೇಶದ ಹಲವಾರು ರಾಜ್ಯಗಳಲ್ಲಿ ಅತಿವೃಷ್ಟಿಯಿಂದ ಜನ ಕಂಗಾಲಾಗಿದ್ದರೆ, ಬಿಹಾರದಲ್ಲಿ ಮಾತ್ರ ಮಳೆಯಾಗದೆ ಜನ ನೀರಿಗಾಗಿ ಪರಿತಪಿಸುವಂತಾಗಿದೆ. ಹೀಗಾಗಿ ಇಲ್ಲಿನ ಜನ ವರುಣದೇವನನ್ನು ಸಂತೃಪ್ತಗೊಳಿಸಲು ಕಪ್ಪೆಗಳ ಮದುವೆ ಮಾಡಿಸುವುದು, ಮಣ್ಣು ಅಥವಾ ರಾಡಿ ನೀರಿನಲ್ಲಿ ಮುಳುಗುವುದು ಹೀಗೆ ಏನೇನೋ ಮಾಡುತ್ತಿದ್ದಾರೆ.
ಮಳೆ ಬರಲೆಂದು ಪ್ರಾರ್ಥಿಸಿ ಮೈಯೆಲ್ಲಾ ಮಣ್ಣು ಮೆತ್ತಿಕೊಂಡ ಮಕ್ಕಳು! ವೈರಲ್ ಆಗ್ತಿದೆ ಈ ಚಿತ್ರ - ಬಿಹಾರ ಮಕ್ಕಳ ಫೋಟೊ
ಮಳೆ ಬರಲೆಂದು ಪ್ರಾರ್ಥಿಸಿ ನಾಲ್ವರು ಮಕ್ಕಳು ತಮ್ಮ ಮೈಯನ್ನು ಸಂಪೂರ್ಣ ಕೆಸರಿನಿಂದ ಮೆತ್ತಿಕೊಂಡಿರುವ ಫೋಟೊ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
Picture of Bihar kids soaked in mud to please Rain God creating waves on Internet
ಇಂಥದೇ ಒಂದು ಘಟನೆ ಈಗ ಬಿಹಾರದ ಜಾಮುಯಿನಲ್ಲಿ ನಡೆದ ಬಗ್ಗೆ ವರದಿಯಾಗಿದೆ. ಮಳೆ ಬರಲಿ ಎಂದು ಪ್ರಾರ್ಥಿಸಿ ನಾಲ್ವರು ಮಕ್ಕಳು ತಮ್ಮ ಮೈಯನ್ನು ಸಂಪೂರ್ಣ ಕೆಸರಿನಿಂದ ಮೆತ್ತಿಕೊಂಡಿದ್ದಾರೆ. ದಾರಿಹೋಕರೊಬ್ಬರು, ಊರ ಹೊರಗೆ ಆಡುತ್ತ ಮೈಯೆಲ್ಲ ಕೆಸರು ಮಾಡಿಕೊಂಡು ನಿಂತಿದ್ದ ಈ ಮಕ್ಕಳ ಫೋಟೊ ಸೆರೆಹಿಡಿದು ಇಂಟರ್ನೆಟ್ಗೆ ಅಪ್ಲೋಡ್ ಮಾಡಿದ್ದಾರೆ. ಮುಗ್ಧ ಮಕ್ಕಳ ಈ ಚಿತ್ರ ಈಗ ಫುಲ್ ವೈರಲ್.
ಈ ಮಧ್ಯೆ ಬಿಹಾರದ ಜಾಮುಯಿ, ಸಿವಾನ್, ಸೀತಾಮಢಿ, ಸಮಸ್ತಿಪುರ, ಮುಂಗೇರ್ ಮತ್ತು ದರ್ಭಂಗಾ ಸೇರಿದಂತೆ ಇನ್ನೂ ಹಲವಾರು ಜಿಲ್ಲೆಗಳಲ್ಲಿ ಭಾರಿ ಮಳೆಯಾಗುವ ಸಾಧ್ಯತೆಗಳಿವೆ ಎಂದು ಹವಾಮಾನ ಇಲಾಖೆ ಆರೆಂಜ್ ಅಲರ್ಟ್ ಮುನ್ಸೂಚನೆ ನೀಡಿದೆ. ಮಕ್ಕಳ ಪ್ರಾರ್ಥನೆಗೆ ವರುಣದೇವ ಕೊನೆಗೂ ಪ್ರಸನ್ನನಾಗಿರಬಹುದು ಅಲ್ಲವೇ.?