ಮೂರು ರಾಜ್ಯದಲ್ಲಿ ಪೆಟ್ರೋಲ್ ಬೆಲೆ ಲೀಟರ್​ಗೆ 100 ರೂ. ವಿವಿಧ ರಾಜ್ಯಗಳಲ್ಲಿ ದರ ಇಂತಿದೆ!

ದೇಶದಲ್ಲಿ ನಿತ್ಯ ಪೆಟ್ರೋಲ್​-ಡಿಸೇಲ್​ ಬೆಲೆ ದರ ಗಗನಮುಖಿಯಾಗ್ತಿದ್ದು, ಈಗಾಗಲೇ ಕೆಲವೊಂದು ನಗರಗಳಲ್ಲಿ ಪೆಟ್ರೋಲ್ ಬೆಲೆ ಶತಕ ಬಾರಿಸಿದೆ.

ನವದೆಹಲಿ: ದೇಶದಲ್ಲಿ ದಿನದಿಂದ ದಿನಕ್ಕೆ ತೈಲ ಬೆಲೆ ಗಗನಮುಖಿಯಾಗ್ತಿದ್ದು, ರಾಜಸ್ಥಾನದಲ್ಲಿ ಪ್ರಥಮ ಬಾರಿಗೆ ಪ್ರತಿ ಲೀಟರ್​ ಪೆಟ್ರೋಲ್​ ಬೆಲೆ 100 ರೂ. ಗಡಿ ದಾಟಿದೆ. ಇದರಿಂದ ವಾಹನ ಸವಾರರು ಹೈರಾಣಾಗಿದ್ದಾರೆ.

ಇದೇ ಮೊದಲ ಸಲ ದೇಶದ ಮೂರು ರಾಜ್ಯಗಳಾದ ಮಹಾರಾಷ್ಟ್ರ, ಮಧ್ಯಪ್ರದೇಶ ಹಾಗೂ ರಾಜಸ್ಥಾನದಲ್ಲಿ ಪೆಟ್ರೋಲ್​ ಬೆಲೆ 100ರ ಗಡಿ ದಾಟಿದ್ದು, ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಪೆಟ್ರೋಲ್​ ಲೀಟರ್​​ಗೆ 89.54 ಹಾಗೂ ಡಿಸೇಲ್​ ಬೆಲೆ 79.95 ಪೈಸೆ ಆಗಿದೆ.

ಯಾವ ನಗರದಲ್ಲಿ ಎಷ್ಟು?

• ಮುಂಬೈ: ಪೆಟ್ರೋಲ್​ 96 ರೂ. ಡಿಸೇಲ್​ 86.97 ರೂ
• ಬೆಂಗಳೂರು: ಪೆಟ್ರೋಲ್​ 92.48 ರೂ. ಡಿಸೇಲ್​ 84.72 ರೂ
• ಚೆನ್ನೈ: ಪೆಟ್ರೋಲ್​ 91.73 ರೂ. ಡಿಸೇಲ್​ 85.05 ರೂ
• ಕೋಲ್ಕತ್ತಾ: ಪೆಟ್ರೋಲ್​ 90.79 ರೂ. ಡಿಸೇಲ್​ 83.54 ರೂ

ಮಧ್ಯಪ್ರದೇಶದ ಅನ್ಪುರ್​ದಲ್ಲಿ ಪೆಟ್ರೋಲ್ ಬೆಲೆ ಪ್ರತಿ ಲೀಟರ್​ಗೆ 99.90 ರೂ ಆಗಿದ್ದು, ಡಿಸೇಲ್​ ಬೆಲೆ 90.35 ರೂ ಇದೆ. ಇನ್ನು ರಾಜಸ್ಥಾನದ ಶ್ರೀಗಂಗಾನಗರದಲ್ಲಿ ಪೆಟ್ರೋಲ್​ ಬೆಲೆ 102.91 ರೂ. ಆಗಿದೆ.