ಬರ್ನಾಲ್ (ಪಂಜಾಬ್): ಗೂಗಲ್ ಮ್ಯಾಪ್ ಸರ್ವರ್‌ನಲ್ಲಿ ತಾಂತ್ರಿಕ ದೋಷ ಎದುರಾದ ಕಾರಣ ಕೆಲ ಸಮಯ ಗೂಗಲ್ ಮ್ಯಾಪ್ ಆ್ಯಪ್ ತನ್ನ ಕಾರ್ಯ ಸ್ಥಗಿತಗೊಳಿಸಿತ್ತು. ಇದರಿಂದಾಗಿ ಅನೇಕ ಸವಾರರು ತಮ್ಮ ನಿಗದಿತ ಸ್ಥಳಕ್ಕೆ ತೆರಳಲು ಸಂಕಷ್ಟಕ್ಕೆ ಸಿಲುಕಿದರು.
ಗುರುವಾರ ರಾತ್ರಿ 9.30 Google map app ಕ್ರ್ಯಾಶ್ ಆಗಿದ್ದು, ಸಾವಿರಾರು ಜನರು ತಮ್ಮ ನಿಗದಿತ ಸ್ಥಾನಕ್ಕೆ ತಲುಪಲು ಮುಜುಗರಕ್ಕೊಳಗಾದರು. ಬರ್ನಾಲದ ಪಪ್ಪಿ ಎಂಬ ಚಾಲಕ ರಾತ್ರಿ 9.30ರ ಸುಮಾರಿಗೆ ಗೂಗಲ್ ಮ್ಯಾಪ್ ಬಳಸಿ ದೂರದ ಪ್ರಯಾಣಕ್ಕೆ ತೆರಳುತ್ತಿದ್ದರು. ಈ ವೇಳೆ, ಏಕಾಏಕಿ ಗೂಗಲ್ ಮ್ಯಾಪ್ ತನ್ನ ಕಾರ್ಯ ಸ್ಥಗಿತಗೊಳಿಸಿದೆ. ಎಷ್ಟೇ ಸಮಯ ಕಳೆದರೂ ಗೂಗಲ್ ಮ್ಯಾಪ್ ಆ್ಯಪ್ ಓಪನ್ ಆಗಲೇ ಇಲ್ಲ. ಬಳಿಕ ಆತ ಆಪಲ್ ಮ್ಯಾಪ್ ಬಳಿಸಿ ತನ್ನ ನಿಗದಿತ ಸ್ಥಳಕ್ಕೆ ತೆರಳಿದರು.