ಜೋಳದ ಹೊಲದಲ್ಲಿ ಅಡಗಿ ಕುಳಿತ ‘ಬೆಂಗಾಲ್ ಟೈಗರ್’.. ಬೆಚ್ಚಿಬಿದ್ದ ಜನ

ಬೆಳಗ್ಗೆ ಜನವಸತಿ ಪ್ರದೇಶದಲ್ಲಿ ಕಾಣಿಸಿಕೊಂಡಿದ್ದ ಹುಲಿ ಬಳಿಕ ನಾಯಿಯೊಂದರೆ ಮೇಲೆ ಎರಗಿ ಗಾಯಗೊಳಿಸಿತ್ತು. ಇದನ್ನು ಕಂಡ ಸ್ಥಳೀಯರು ಹುಲಿ ಓಡಿಸಲು ಮುಂದಾಗಿದ್ದಾರೆ. ಬಳಿಕ ಜೋಳದ ಹೊಲಕ್ಕೆ ನುಗ್ಗಿದ ಹುಲಿ ಅಲ್ಲಿಯೇ ಅಡಗಿ ಕುಳಿತಿದೆ.

ಪೂರ್ವ ಚಂಪಾರಣ್​ (ಬಿಹಾರ್​): ಜಿಲ್ಲೆಯ ಪಕ್ಡಿದಯಾಲ್​​ನಲ್ಲಿ ಬಂಗಾಳ ಹುಲಿ ಪ್ರತ್ಯಕ್ಷವಾಗಿದ್ದು, ಸ್ಥಳೀಯರಲ್ಲಿ ಆತಂಕ ಮನೆ ಮಾಡಿದೆ. ಇಲ್ಲಿನ ಜೋಳದ ಹೊಲದಲ್ಲಿ ಅಡಗಿರುವ ಹುಲಿ ಕಂಡು ಜನರು ಭಯಭೀತರಾಗಿದ್ದಾರೆ. ಹುಲಿ ಅಡಗಿರುವುದನ್ನು ಕಂಡ ಸ್ಥಳೀಯರು ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದು, ಪಾಟ್ನಾದಿಂದ ರಕ್ಷಣಾ ತಂಡದ ಆಗಮನಕ್ಕಾಗಿ ಸಿಬ್ಬಂದಿ ಕಾಯುತ್ತಿದ್ದಾರೆ.

ಬೆಳಗ್ಗೆ ಜನವಸತಿ ಪ್ರದೇಶದಲ್ಲಿ ಈ ಹುಲಿ ಕಾಣಿಸಿಕೊಂಡಿತ್ತು. ಬಳಿಕ ನಾಯಿಯೊಂದರೆ ಮೇಲೆ ಎರಗಿ ಗಾಯಗೊಳಿಸಿತ್ತು. ಇದನ್ನು ಕಂಡ ಸ್ಥಳೀಯರು ಹುಲಿ ಓಡಿಸಲು ಮುಂದಾಗಿದ್ದಾರೆ. ಬಳಿಕ ಅದು ಜೋಳದ ಹೊಲಕ್ಕೆ ನುಗ್ಗಿದೆ. ಈ ಸುದ್ದಿ ತಿಳಿದ ಕೂಡಲೇ ಜನರ ಗುಂಪು ಸ್ಥಳದಲ್ಲಿ ಜಮಾಯಿಸಿದ್ದಲ್ಲದೆ ಅರಣ್ಯ ಇಲಾಖೆ ಜನರನ್ನು ಚದುರಿಸುವ ಪ್ರಯತ್ನ ಮಾಡಿದ್ದಾರೆ. ಅರಣ್ಯ ಇಲಾಖೆ ಸಿಬ್ಬಂದಿ ಹಾಗೂ ಸ್ಥಳೀಯರು ಸದ್ದು-ಗದ್ದಲ ಮಾಡುವ ಮೂಲಕ ಹುಲಿಯನ್ನ ಕಾಡಿಗಟ್ಟುವ ಪ್ರಯತ್ನ ನಡೆಸಿದ್ದರಾದರೂ ಅದು ಫಲ ನೀಡಲಿಲ್ಲ.

ಹುಲಿ ಕಾರ್ಯಾಚರಣೆಗಾಗಿ ಪಾಟ್ನಾ, ಮುಜಾಫರ್​ಪುರ್ ಮತ್ತು ವಾಲ್ಮೀಕಿನಗರದಿಂದ ರಕ್ಷಣಾ ತಂಡಗಳನ್ನು ಕರೆಸಲಾಗುತ್ತಿದೆ ಎಂದು ಡಿಎಫ್​ಓ ಪ್ರಭಾಕರ್​ ಹೇಳಿದರು. ರಕ್ಷಣಾ ತಂಡದ ಆಗಮನದ ನಂತರ ಹುಲಿಯನ್ನು ಬಲೆಗೆ ಬೀಳಿಸುವ ಪ್ರಯತ್ನ ಮಾಡಲಾಗುವುದು. ಹುಲಿಯ ಚಲನವಲನವನ್ನು ಮೇಲ್ವಿಚಾರಣೆ ಮಾಡಲಾಗುತ್ತಿದೆ ಮತ್ತು ಸ್ಥಳೀಯರಿಗೆ ಸ್ಥಳದಿಂದ ದೂರವಿರಲು ಸೂಚನೆ ನೀಡಲಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ:ಇದೇ ಮೊದಲು: ಪೆಟ್ರೋಲಿಂಗ್​​ಗೆ ಮಹಿಳಾ ಅರಣ್ಯಾಧಿಕಾರಿ!