ಹೈದರಾಬಾದ್: ಪಾಕಿಸ್ತಾನದ ಯುವತಿ ದನಾನೀರ್ ಮೊಬಿನ್ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದ್ದ ವಿಡಿಯೋ ವೈರಲ್ ಆಗಿದ್ದು, ಆಕೆ ಬಳಸಿ 'ಪಾವ್ರಿ' ಪದ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಟ್ರೋಲ್ಗೆ ಗುರಿಯಾಗಿದೆ.
ಆಕೆ ಇನ್ಸ್ಟಾಗ್ರಾಂನಲ್ಲಿ ಹರಿಬಿಟ್ಟ ವಿಡಿಯೋದಲ್ಲಿ'ಯಹ್ ಹಮಾರಿ ಕಾರ್ ಹೇ ಔರ್ ಯಹ್ ಹಮ್ ಹೆ, ಔರ್ ಯಹ್ ಹಮಾರಿ ಪಾವ್ರಿ ಹೇ (ಇದು ನಮ್ಮ ಕಾರು, ಇದು ನಾವು, ಇದು ನಮ್ಮ ಪಾರ್ಟಿ) ಎಂದು ಹೇಳಿದ್ದರು.
ಇದನ್ನೂ ಓದಿ:ಮಾರ್ಚ್‌ನಲ್ಲಿ 50 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ ಲಸಿಕೆ ನೀಡುವ ಯೋಚನೆ : ಡಾ.ಹರ್ಷವರ್ಧನ್
ಈ ವೇಳೆ ಪಾರ್ಟಿ ಎಂಬುದನ್ನು ಪಾವ್ರಿ ಎಂದು ಉಚ್ಚರಿಸಿದ್ದು, ಸಾಕಷ್ಟು ಟ್ರೋಲ್ಗೆ ಗುರಿಯಾಗಿದೆ. ಇಂಡಿಯನ್ ಟ್ವಿಟರ್ ಟ್ರೆಂಡ್ನಲ್ಲಿ ಪಾವ್ರಿ ಹೋರಿಹೇ ಎಂಬ ಹ್ಯಾಷ್ಟ್ಯಾಗ್ (#pawrihorihai) ವೈರಲ್ ಆಗಿದ್ದು, ಸುಮಾರು 15 ಸಾವಿರಕ್ಕೂ ಹೆಚ್ಚು ಬಾರಿ ಈ ಹ್ಯಾಷ್ ಟ್ಯಾಗ್ ಬಳಕೆಯಾಗಿದೆ.
ಯಶ್ರಾಜ್ ಮುಖತೆ ಎಂಬ ಸಂಗೀತಗಾರ ಆಕೆಯ ವಿಡಿಯೋಗೆ ಮ್ಯಾಷ್ ಅಪ್ ಮಾಡಿದಾಗ. ಈ ಹ್ಯಾಷ್ ಟ್ಯಾಗ್ ಮತ್ತಷ್ಟು ಜನಪ್ರಿಯವಾಗಿದೆ ಹಾಗೂ ಭಾರತೀಯ ನೆಟಿಜನ್ ಗಮನ ಸೆಳೆದಿದೆ.
ಈ ವಿಡಿಯೋಗಳು ಸುಮಾರು 30 ಮಿಲಿಯನ್ ವೀಕ್ಷಕರನ್ನು ಹೊಂದಿದ್ದು, ಇದರಿಂದ ನೆಟ್ಫ್ಲಿಕ್ಸ್, ಝೊಮೊಟೋ, ಎಸ್ಬಿಐ, ಪಿಐಬಿ, ಸ್ವಿಗ್ಗಿ ಮುಂತಾದವುಗಳು ಕೂಡಾ ತಮ್ಮದೇ ವರ್ಷನ್ನಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಫೋಟೋ ಮತ್ತು ವಿಡಿಯೋ ಹರಿಬಿಟ್ಟಿವೆ.
