ವರ್ಷದ ಕೊನೆಯ ಸೂರ್ಯಗ್ರಹಣ: ದೇಶದ ಬಹುತೇಕ ಭಾಗಗಳಲ್ಲಿ ಗೋಚರ

ವರ್ಷದ ಕೊನೆಯ ಸೂರ್ಯಗ್ರಹಣ ಭಾರತದಲ್ಲಿ ಪ್ರಗತಿಯಲ್ಲಿದೆ. ದೆಹಲಿ, ಹರಿಯಾಣ, ಅಮೃತಸರ ಸೇರಿದಂತೆ ದೇಶದ ಬಹುತೇಕ ಭಾಗಗಳಲ್ಲಿ ಸೂರ್ಯನ ಕೌತುಕ ಕಂಡುಬರುತ್ತಿದೆ.

ನವದೆಹಲಿ:ವರ್ಷದ ಕೊನೆಯ ಸೂರ್ಯಗ್ರಹಣ ಭಾರತದಲ್ಲಿ ನಡೆಯುತ್ತಿದ್ದು, ವಿವಿಧೆಡೆ ಗೋಚರವಾಗುತ್ತಿದೆ. ಬೆಳಕಿನ ಹಬ್ಬ ದೀಪಾವಳಿಯನ್ನು ಗ್ರಹಣದ ಸೂತಕದಲ್ಲಿ ಆಚರಿಸಬೇಕಾಗಿದ್ದು, ದೇಶದಲ್ಲಿ ಸೂರ್ಯಗ್ರಹಣ 4 ಗಂಟೆ ಅವಧಿ ಇರಲಿದೆ.

ಸೂರ್ಯ ತನ್ನ ಒಂದು ಧ್ರುವವನ್ನು ಕಳೆದುಕೊಳ್ಳುತ್ತಿರುವ ಮಾದರಿಯಲ್ಲಿ ಜಮ್ಮು- ಕಾಶ್ಮೀರದಲ್ಲಿ ಗೋಚರವಾದರೆ, ಪಂಜಾಬ್​ನ ಅಮೃತಸರದಲ್ಲಿ ಕೆಂಪಾಗಿರುವ ಸೂರ್ಯನ ಚಿತ್ರವನ್ನು ಜನರು ಸೆರೆ ಹಿಡಿದಿದ್ದಾರೆ. ಹರಿಯಾಣದಲ್ಲೂ ಸೂರ್ಯ ಅಗೋಚರವಾಗುತ್ತಿರುವ ದೃಶ್ಯ ಕಂಡುಬಂದಿದೆ. ಈ ಮಧ್ಯೆಯೇ ಭಕ್ತರು ದೋಷ ಪರಿಹರಿಸಿಕೊಳ್ಳಲು ನದಿಯಲ್ಲಿ ಸ್ನಾನಾದಿ ಕಾರ್ಯಗಳಲ್ಲಿ ತೊಡಗಿದ್ದಾರೆ.

ಸೂರ್ಯ ಕಣ್ಮರೆ ಹೊತ್ತು:ಪಂಜಾಬ್​ನ ಅಮೃತಸರದಲ್ಲಿ ಗ್ರಹಣದಿಂದಾಗಿ ಸೂರ್ಯ ಪೂರ್ಣವಾಗಿ ಕರಗುತ್ತಿರುವ ಮಾದರಿಯಲ್ಲಿ ಗೋಚರವಾಗುತ್ತಿದೆ. ಜನರು ಸೌರಕನ್ನಡಕವನ್ನು ಬಳಸಿ ಖಗೋಳ ಕೌತುಕವನ್ನು ಕಣ್ತುಂಬಿಕೊಂಡರು. ಆಕಾಶ ವಿಸ್ಮಯವು ಈಶಾನ್ಯದ ಕೆಲವು ಭಾಗಗಳನ್ನು ಹೊರತುಪಡಿಸಿ ಭಾರತದ ಬಹುತೇಕ ಭಾಗಗಳಲ್ಲಿ ಕಾಣಸಿಗುತ್ತಿದೆ.

ಇದನ್ನೂ ಓದಿ:ಇಂದು ಸೂರ್ಯಗ್ರಹಣ: ಈ ಸಂದರ್ಭ ಏನು ಮಾಡಬೇಕು? ಏನು ಮಾಡಬಾರದು?