ಅಜಿತ್​ ದೋವಲ್ ದಂಗೆಕೋರರ ಮೂಲದ ಒತ್ತಡ ಹೇರುತ್ತಿದ್ದಾರೆ : ಪಾಕ್ ನಿವೃತ್ತ ಸೇನಾಧಿಕಾರಿ ಆರೋಪ

ಬುಡಕಟ್ಟು ಪ್ರದೇಶಗಳಲ್ಲಿನ ಕೆಲವು ರಾಷ್ಟ್ರೀಯವಾದಿಗಳಂತೆ ನಟಿಸುವ ಅಲ್ಲಾ ನಜರ್ ಮತ್ತು ಬಲೂಚಿಸ್ತಾನದ ಬಿಎಲ್‌ಎ ಜೊತೆ ಸೇರಿಸಿ ಮುಂದಿನ ಹಂತದ ಯುದ್ಧದ ಬಗ್ಗೆ ದೋವಲ್​ ಯೋಜನೆ ರೂಪಿಸುತ್ತಿದ್ದಾರೆ ಎಂದು ಪಾಕ್ ನಿವೃತ್ತ ಸೇನಾಧಿಕಾರಿ ತನ್ನ ಲೇಖನದಲ್ಲಿ ಆರೋಪಿಸಿದ್ದಾರೆ.

ನವದೆಹಲಿ : ಭಾರತದ ರಾಷ್ಟ್ರೀಯ ಭದ್ರತಾ ಸಲಹೆಗಾರ (ಎನ್‌ಎಸ್‌ಎ) ಅಜಿತ್ ದೋವಲ್ ಅವರು ಪಾಶ್ತೂನ್ ಬುಡಕಟ್ಟು ಪ್ರದೇಶ ಮತ್ತು ಬಲೂಚಿಸ್ತಾನದ ದಂಗೆಕೋರರ ಗುಂಪುಗಳ ಮೂಲಕ, ಕಾಶ್ಮೀರ ವಿಷಯದಿಂದ ಹಿಂದೆ ಸರಿದು, ತಮ್ಮ ಆಂತರಿಕ ವಿಷಯದ ಬಗ್ಗೆ ಗಮನ ಹರಿಸುವಂತೆ ಪಾಕ್​ ಸೇನೆಗೆ ಒತ್ತಡ ಹೇರುತ್ತಿದ್ದಾರೆ ಎಂದು ಪಾಕಿಸ್ತಾನದ ಮಿಲಿಟರಿ ಮುಖ್ಯಸ್ಥರೊಬ್ಬರು ಆರೋಪಿಸಿದ್ದಾರೆ.

ಟ್ರಿಬ್ಯೂನ್.ಕಾಮ್​ನಲ್ಲಿ ನವೆಂಬರ್​ 22 ರಂದು ಪ್ರಕಟವಾಗಿರುವ, ಪಾಕಿಸ್ತಾನದ ಹಿರಿಯ ಅಂಕಣಕಾರ ಮತ್ತು ನಿವೃತ್ತ ಪಾಕಿಸ್ತಾನ ವಾಯುಪಡೆಯ ಅಧಿಕಾರಿ ಏರ್ ವೇಸ್ ಮಾರ್ಷಲ್ ಶಹಜಾದ್ ಚೌಧರಿ ಅವರ 'ದೋವಲ್ ಅವರ ಕೊಳಕು ಯುದ್ಧ' ಎಂಬ ಸಂಪಾದಕೀಯ ಲೇಖನದಲ್ಲಿ, ತೆಹ್ರಿಕೆ-ಎ-ಪಾಕಿಸ್ತಾನ್ ( ಟಿಟಿಪಿ) ಅನ್ನು ವಿಭಜಿಸಿ, ಅದನ್ನು ಬುಡಕಟ್ಟು ಪ್ರದೇಶಗಳಲ್ಲಿನ ಕೆಲವು ರಾಷ್ಟ್ರೀಯವಾದಿಗಳಂತೆ ನಟಿಸುವ ಅಲ್ಲಾ ನಜರ್ ಮತ್ತು ಬಲೂಚಿಸ್ತಾನದ ಬಿಎಲ್‌ಎ ಜೊತೆ ಸೇರಿಸಿ ಮುಂದಿನ ಹಂತದ ಯುದ್ಧದ ಬಗ್ಗೆ ದೋವಲ್​ ಯೋಜನೆ ರೂಪಿಸುತ್ತಿದ್ದಾರೆ.

ಇದು ಈಗಾಗಲೇ ಕಾರ್ಯರೂಪಕ್ಕೆ ಬಂದಿದೆ. ಪಾಕಿಸ್ತಾನವನ್ನು ಕಾಶ್ಮೀರದಿಂದ ದೂರವಿರಿಸಲು ಮತ್ತು ಪಾಕ್​ ಗಡಿಯಿಂದ ನಮ್ಮನ್ನು ದೂರವಿರಿಸಲು ದೋವಲ್​ ಪ್ರಯತ್ನಿಸುತ್ತಿದ್ದಾರೆ ಎಂದು ಚೌಧರಿ ತನ್ನ ಲೇಖನದಲ್ಲಿ ಆರೋಪಿಸಿದ್ದಾರೆ.

ಇದರ ಪರಿಣಾಮವಾಗಿ ನವಾಜ್ ಶರೀಫ್ ರಂತಹ ರಾಜಕಾರಣಿಗಳು ಪಾಕಿಸ್ತಾನ ಸೇನೆಯ ಅಧಿಕಾರಿಗಳ ಬಗ್ಗೆ ಹೇಳಿಕೆಗಳನ್ನು ನೀಡುತ್ತಿದ್ದಾರೆ. ರಾಷ್ಟ್ರದಲ್ಲಿ ಚುನಾವಣೆ ನಡೆಸಲು ಒತ್ತಾಯಿಸಿ, ಪ್ರಜಾಪ್ರಭುತ್ವದಲ್ಲಿ ಮಧ್ಯಪ್ರವೇಶಿಸುತ್ತಿದ್ದಾರೆ ಎಂದು ಚೌಧರಿ ದೂರಿದ್ದಾರೆ.