ದೆಹಲಿಯಲ್ಲಿ 7 ದಿನದೊಳಗೆ 1,200ಕ್ಕಿಂತಲೂ ಅಧಿಕ ಕೋವಿಡ್ ಸೋಂಕಿತರು ಸಾವು

ದೆಹಲಿಯಲ್ಲಿ ಕೋವಿಡ್ ಪಾಸಿಟಿವ್ ಪ್ರಕರಣಗಳೊಂದಿಗೆ ಸಾವಿನ ಸಂಖ್ಯೆಯೂ ಹೆಚ್ಚಾಗಿದೆ. ಮಂಗಳವಾರ ಅತ್ಯಧಿಕ ಜನ ಸೋಂಕಿಗೆ ಬಲಿಯಾಗಿದ್ದಾರೆ. ಕಳೆದೊಂದು ವಾರದಲ್ಲಿ ಎರಡು ಸಾವಿರಕ್ಕೂ ಅಧಿಕ ಜನ ಕೊನೆಯುಸಿರೆಳೆದಿದ್ದಾರೆ.

ನವದೆಹಲಿ: ಆರು ದಿನಗಳ ಲಾಕ್‌ಡೌನ್​ನ ಮೊದಲ ದಿನ ಸೋಮವಾರ ದೆಹಲಿಯ ಬೀದಿಗಳು ಬಿಕೋ ಎನ್ನುತ್ತಿದ್ದವು. ರಸ್ತೆಗಳಲ್ಲಿ ಅದರಲ್ಲೂ ವಿಶೇಷವಾಗಿ ಕೋವಿಡ್ ಚಿಕಿತ್ಸೆಗೆ ಮೀಸಲಿಟ್ಟ ಆಸ್ಪತ್ರೆಗಳ ಬಳಿ ಆ್ಯಂಬುಲೆನ್ಸ್​ಗಳ ಸದ್ದು ಮಾತ್ರ ಹೆಚ್ಚಾಗಿ ಕೇಳಿ ಬರುತ್ತಿತ್ತು.

ಕಳೆದ 7 ದಿನಗಳಲ್ಲಿ (ಏಪ್ರಿಲ್ 14 ರಿಂದ 20 ರವರೆಗೆ) ರಾಜಧಾನಿಯಲ್ಲಿ ಮಹಾಮಾರಿಗೆ 1,200ಕ್ಕಿಂತಲೂ ಅಧಿಕ (1,202) ರೋಗಿಗಳು ಬಲಿಯಾಗಿದ್ದಾರೆ. ಮಂಗಳವಾರ ಪ್ರತಿನಿತ್ಯದ ಅತ್ಯಧಿಕ 277 ಸಾವು ಸಂಭವಿಸಿದೆ. ಈ ಮೂಲಕ ದೆಹಲಿಯಲ್ಲಿ ಕೋವಿಡ್​ನಿಂದ ಮೃತಪಟ್ಟವರ ಒಟ್ಟು ಸಂಖ್ಯೆ ಇದುವರೆಗೆ 12,638 ಆಗಿದೆ.

ಇದನ್ನೂ ಓದಿ: ಕಳೆದ 24 ಗಂಟೆಯಲ್ಲಿ 2,95,041 ಜನರಿಗೆ ಸೋಂಕು; ಎರಡು ಸಾವಿರಕ್ಕೂ ಹೆಚ್ಚು ಮಂದಿ ಸಾವು‌

ದೆಹಲಿಯಲ್ಲಿ ಮಂಗಳವಾರ ಅತಿ ಹೆಚ್ಚು 28,395 ಹೊಸ ಕೋವಿಡ್ ಪ್ರಕರಣಗಳು ದಾಖಲಾಗಿವೆ. ಆರೋಗ್ಯ ಇಲಾಖೆಯ ಹೆಲ್ತ್​ ಬುಲೆಟಿನ್ ಪ್ರಕಾರ ಸದ್ಯ, ಪಾಸಿಟಿವ್ ಪ್ರಕರಣಗಳ ಪ್ರಮಾಣ ಶೇ. 32.82 ಇದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 85,575 ಇದ್ದು, 40,124 ಜನ ಹೋಂ ಐಸೋಲೇಶನ್​ನಲ್ಲಿ ಇದ್ದಾರೆ.

ಸಾವಿನ ಸಂಖ್ಯೆ ಮೂರು ಪಟ್ಟು ಹೆಚ್ಚಾಗಿದ್ದು, 14 ಏಪ್ರಿಲ್ 2021 ರಂದು 104 ಸಾವು ಸಂಭವಿಸಿದ ಬಳಿಕ ಮೊದಲ ಬಾರಿಗೆ ಮಂಗಳವಾರ 277 ಜನ ಬಲಿಯಾಗಿದ್ದಾರೆ.