ಜಂಜಗೀರ್ ಚಂಪಾ: ಶುಕ್ರವಾರದಿಂದ ಜಂಜಗೀರ್ ಚಂಪಾದಲ್ಲಿ ರಾಹುಲ್ ಸಾಹು ರಕ್ಷಣಾ ಕಾರ್ಯಾಚರಣೆ ಯಶಸ್ವಿಯಾಗಿದೆ. ರಕ್ಷಣಾ ತಂಡ ರಾಹುಲ್ ಸಾಹುವನ್ನು ಬೋರ್ವೆಲ್ನಿಂದ ಹೊರಗೆ ತರುವಲ್ಲಿ ಯಶಸ್ವಿಯಾಗಿದ್ದಾರೆ. ಬೋರ್ವೆಲ್ನಿಂದ ಹೊರತೆಗೆದು ರಾಹುಲ್ ಅನ್ನು ಬಿಲಾಸ್‌ಪುರಕ್ಕೆ ಕರೆದೊಯ್ಯಲಾಗಿದೆ.
101 ಗಂಟೆಗಳ ಕಾಲ ರಕ್ಷಣಾ ಕಾರ್ಯ:ಶುಕ್ರವಾರ ಪಿಹ್ರಿದ್ ಗ್ರಾಮದಲ್ಲಿ ರಾಹುಲ್ ಸಾಹು ಬೋರ್ವೆಲ್ಗೆ ಬಿದ್ದಿದ್ದನು. 60 ಅಡಿ ಕೆಳಗಿರುವ ಬೋರ್ವೆಲ್ನಲ್ಲಿ ಸಿಲುಕಿಕೊಂಡಿರುವ ರಾಹುಲ್ ಅನ್ನು ಹೊರ ತರಲು 101 ಗಂಟೆಗಳ ಕಾಲ ರಕ್ಷಣಾ ಕಾರ್ಯಾಚರಣೆ ನಡೆದಿದೆ. ಎನ್ಡಿಆರ್ಎಫ್ ತಂಡ ಕೊನೆಗೂ ರಾಹುಲ್ನನ್ನು ತಲುಪಿ ಅವನನ್ನು ಜೀವಂತವಾಗಿ ಹೊರ ಕರೆ ತಂದರು. ರಕ್ಷಣಾ ಕಾರ್ಯಾಚರಣೆ ವೇಳೆ ರಾಹುಲ್ಗಾಗಿ ಸುರಂಗ ನಿರ್ಮಿಸುವ ಕೆಲಸ ಮಾಡುತ್ತಿದ್ದರು. 101 ಗಂಟೆಗಳ ಕಾಲ ಸತತ ಕಾರ್ಯಾಚರಣೆ ನಡೆಸಿದ ಕಾರ್ಯಾಚರಣೆ ಯಶಸ್ವಿಯಾಗಿದ್ದು, ರಾಹುಲ್ ನನ್ನು ಬದುಕಿಸಿರುವ ಪ್ರತಿಯೊಬ್ಬರಿಗೆ ಕುಟುಂಬ ಕೃತಜ್ಞತೆ ಸಲ್ಲಿಸಿದೆ.
ಸೋಮವಾರ ರಕ್ಷಣಾ: ಸೋಮವಾರ ಬೆಳಗ್ಗೆ 6 ಗಂಟೆಯಿಂದಲೇ ರಕ್ಷಣಾ ಕಾರ್ಯಾಚರಣೆ ಆರಂಭಿಸಲಾಗಿತ್ತು. ಬೋರ್ವೆಲ್ ತಲುಪಲು 20 ಕ್ಕೂ ಹೆಚ್ಚು ಅಡ್ಡ ಉತ್ಖನನ ಮಾಡಲಾಯಿತು. ಇದೇ ವೇಳೆ, ದೊಡ್ಡ ಬಂಡೆ ಬಂದಿದ್ದರಿಂದ ಸುರಂಗ ನಿರ್ಮಾಣಕ್ಕೆ ಸಾಕಷ್ಟು ತೊಂದರೆ ಉಂಟಾಗಿದ್ದು, ಈ ಬಂಡೆಯನ್ನು ಕೊರೆಯಲು ಬಿಲಾಸ್ ಪುರದಿಂದ ಡ್ರಿಲ್ ಮಷಿನ್ ಖರೀದಿಸಲಾಗಿತ್ತು.
ಬೋರ್ವೆಲ್ನಲ್ಲಿ ಬಿದ್ದಿದ್ದ ರಾಹುಲ್ ಜೀವಂತ ಓದಿ:ಬೋರ್ವೆಲ್ನಲ್ಲಿ ಸಿಕ್ಕಿಬಿದ್ದ 10 ವರ್ಷದ ಬಾಲಕನ ರಕ್ಷಣಾ ಕಾರ್ಯಾಚರಣೆ; ಚಿತ್ರಗಳಲ್ಲಿ ನೋಡಿ
ಭಾನುವಾರ ಮತ್ತು ಶನಿವಾರದ ಕಾರ್ಯ: ಮೊದಲ ಹಂತದ ರೊಬೊಟಿಕ್ ರಕ್ಷಣಾ ಕಾರ್ಯಾಚರಣೆ ವಿಫಲವಾದ ಹಿನ್ನೆಲೆ ಸುರಂಗ ನಿರ್ಮಾಣ ಕಾಮಗಾರಿ ಆರಂಭಿಸಲಾಗಿತ್ತು. ಸುರಂಗವನ್ನು ನಿರ್ಮಿಸಲು ಕುಸ್ಮುಂಡಾ ಮತ್ತು ಮನೇಂದ್ರಗಢ್‌ನ ಎಸ್‌ಇಸಿಎಲ್ ಅಧಿಕಾರಿಗಳೊಂದಿಗೆ ಚರ್ಚೆ ನಡೆಸಲಾಯಿತು. ಜಿಲ್ಲಾಧಿಕಾರಿ ಜಿತೇಂದ್ರ ಶುಕ್ಲಾ ಸೇರಿದಂತೆ ಎಲ್ಲ ಅಧಿಕಾರಿಗಳು ಈ ವೇಳೆ ಸ್ಥಳದಲ್ಲೇ ಮೊಕ್ಕಾಂ ಹೂಡಿ ಪರಿಶೀಲನೆ ನಡೆಸಿದ್ದರು.
ರಾಹುಲ್ ಸಾಹು ಬೋರ್ವೆಲ್ಗೆ ಬಿದ್ದಿದ್ದು ಹೇಗೆ : ಜೂನ್ 10 ಶುಕ್ರವಾರ ಮಧ್ಯಾಹ್ನ ರಾಹುಲ್ ತನ್ನ ಮನೆಯ ಹಿಂದೆ ಆಟವಾಡುತ್ತಿದ್ದಾಗ ಬೋರ್ವೆಲ್ಗೆ ಬಿದ್ದಿದ್ದ. ಘಟನೆ ಕುರಿತು ಮಾಹಿತಿ ಪಡೆದ ಜಿಲ್ಲಾಡಳಿತ ರಾತ್ರಿಯಿಂದಲೇ ರಕ್ಷಣಾ ಕಾರ್ಯಾಚರಣೆ ಆರಂಭಿಸಿತ್ತು. ಜಿಲ್ಲಾಧಿಕಾರಿ ಜಿತೇಂದ್ರ ಶುಕ್ಲಾ ನೇತೃತ್ವದ ಜಿಲ್ಲಾಡಳಿತ ತಂಡ ಪಿಹ್ರಿದ್ ಗ್ರಾಮಕ್ಕೆ ಆಗಮಿಸಿ ರಕ್ಷಣಾ ಕಾರ್ಯಾಚರಣೆ ಕೈಗೊಂಡಿದ್ದರು.
ಗುಜರಾತ್‌ ಮತ್ತು ಒಡಿಶಾ ಅಧಿಕಾರಿಗಳು ಮೊಕ್ಕಾಂ: ರಾಹುಲ್ ಸಾಹುವನ್ನು ರಕ್ಷಿಸಲು ರಕ್ಷಣಾ ಕಾರ್ಯಾಚರಣೆಯು ಯುದ್ಧದ ರೀತಿ ಪ್ರಾರಂಭವಾಯಿತು. ಜಿಲ್ಲಾಧಿಕಾರಿ ಜಿತೇಂದ್ರ ಶುಕ್ಲಾ ಮತ್ತು ಎಸ್ಪಿ ವಿಜಯ್ ಅಗರ್ವಾಲ್ ಅವರು ರಾಹುಲ್ ಕುಟುಂಬ ಸದಸ್ಯರನ್ನು ಮುಖ್ಯಮಂತ್ರಿಯೊಂದಿಗೆ ಮಾತನಾಡುವಂತೆ ಮಾಡಿದರು. ಶನಿವಾರ ಸಿಎಂ ಸೂಚನೆ ಮೇರೆಗೆ ಗುಜರಾತ್‌ನಿಂದ ರೋಬೋಟ್ ಇಂಜಿನಿಯರ್‌ಗೆ ಕರೆ ಮಾಡಲಾಗಿತ್ತು. ಒಡಿಶಾದಿಂದ ಎನ್ಡಿಆರ್ಎಫ್ ತಂಡವನ್ನು ಕರೆಸಲಾಗಿತ್ತು.
ಈ ಯಂತ್ರಗಳನ್ನು ಬಳಸಲಾಗಿದೆ:ಒಂದು ಕಲ್ಲು ಒಡೆಯುವ ಯಂತ್ರ, 3 ಪೊಕ್ಲೇನ್, 3 ಜೆಸಿಬಿ, 3 ಹೈವಾ, 10 ಟ್ರ್ಯಾಕ್ಟರ್‌ಗಳು, 3 ನೀರಿನ ಟ್ಯಾಂಕರ್‌ಗಳು, 2 ಡೀಸೆಲ್ ಟ್ಯಾಂಕರ್‌ಗಳು, 1 ಹೈಡ್ರಾ, 1 ಅಗ್ನಿಶಾಮಕ ದಳ, 1 ಜಂಜಗಿರ್‌ನ ಪಿಹ್ರಿದ್ ಗ್ರಾಮದಲ್ಲಿ ಸಾಗಿಸುವ ಟ್ರೈಲರ್. , ಮೂರು ಪಿಕಪ್‌ಗಳು, 1 ಸಮತಲ ಟ್ರಂಕ್ ಮೇಕರ್, ಡ್ರಿಲ್ ಯಂತ್ರ, ರೋಬೋಟ್ ಯಂತ್ರ ಮತ್ತು 2 ಜನರೇಟರ್‌ಗಳನ್ನು ಬಳಸಲಾಗಿದೆ. ಸ್ಥಳದಲ್ಲಿ ಆಂಬ್ಯುಲೆನ್ಸ್ ಕೂಡ ನಿಯೋಜಿಸಲಾಗಿತ್ತು.
ಓದಿ:ರಾಹುಲ್ಗಾಗಿ ಮುಂದುವರಿದ ಕಾರ್ಯಾಚರಣೆ.. ಪ್ರಕೃತಿ ಅಡ್ಡಿ ನಡುವೆಯೂ ಭರದಿಂದ ಸಾಗುತ್ತಿರುವ ರಕ್ಷಣಾ ಕಾರ್ಯ!
ಈ ರಕ್ಷಣಾ ಕಾರ್ಯಾಚರಣೆಯಲ್ಲಿ ನಾಲ್ಕು ಐಎಎಸ್ ಅಧಿಕಾರಿಗಳು, ಇಬ್ಬರು ಐಪಿಎಸ್ ಅಧಿಕಾರಿಗಳು, ಐದು ಹೆಚ್ಚುವರಿ ಎಸ್ಪಿ, ನಾಲ್ಕು ಎಸ್ಡಿಒಪಿ, ಐದು ತಹಸೀಲ್ದಾರ್, ಎಂಟು TI ಮತ್ತು 120 ಪೊಲೀಸರು, EE (PWD), EE (PHE), CMHO, ಸಹಾಯಕ ಖನಿಜ ಅಧಿಕಾರಿ, 32 ಎನ್ಡಿಆರ್ಎಫ್ ಸಿಬ್ಬಂದಿ, 15 ಎಸ್ಡಿಆರ್ಎಫ್ ಸಿಬ್ಬಂದಿಯಿಂದ ಸೇರಿದಂತೆ ನೌಕರರು ಮತ್ತು ಗೃಹರಕ್ಷಕ ದಳದ ಸಿಬ್ಬಂದಿಯಿಂದ ಕಾರ್ಯಾಚರಣೆ ನಡೆಸಲಾಗಿತ್ತು.
ಯಾರ ಬೋರ್ ವೆಲ್ ಇದು : ಈ ಬೋರ್ ವೆಲ್ ಕೊರೆಸಿದ್ದು ರಾಹುಲ್ ತಂದೆ ಮಾತ್ರ. ರಾಹುಲ್ ತಂದೆ ಲಾಲಾ ಸಾಹು ಅವರು ತಮ್ಮ ಮನೆಯ ಆವರಣದಲ್ಲಿ ನೀರಿನ ವ್ಯವಸ್ಥೆಗಾಗಿ ಸುಮಾರು 120 ಅಡಿ ಆಳದ ಬೋರ್ವೆಲ್ ಕೊರಿಸಿದ್ದರು. ಈ ಬೋರ್ವೆಲ್ಗೆ ಕವಚವನ್ನು ಅಳವಡಿಸಲಾಗಿತ್ತು. ಆದರೆ ಬೋರ್‌ನಲ್ಲಿನ ದೋಷದಿಂದಾಗಿ ಅದರ ಕೇಸಿಂಗ್ ಪೈಪ್ ಅನ್ನು ತೆಗೆದುಹಾಕಲಾಗಿತ್ತು. ಬೋರ್ 6 ರಿಂದ 8 ಇಂಚು ಅಗಲ ಹೊಂದಿತ್ತು. ಬೋರ್ವೆಲ್ ಸಮೀಪ ಆಟವಾಡುತ್ತಿದ್ದಾಗ ರಾಹುಲ್ ಇದರ ಒಳಗೆ ಬಿದ್ದು ಸಿಲುಕಿಕೊಂಡಿದ್ದ.
