ಮುಂಬೈ(ಮಹಾರಾಷ್ಟ್ರ): ವಾಕಿಂಗ್ಗೆ ಬಂದ ಮೂವರು ಯುವ ಪ್ರವಾಸಿಗರಲ್ಲಿ ಯುವಕನೊಬ್ಬ ಮುಳುಗಿ ಮೃತಪಟ್ಟಿದ್ದು, ಇಬ್ಬರು ಯುವಕರು ಪ್ರಾಣಾಪಾಯದಿಂದ ಪಾರಾಗಿರುವ ಘಟನೆ ನಲಸೋಪರ ಕಲಾಂಬ್ ಕಡಲತೀರದಲ್ಲಿ ನಡೆದಿದೆ. ಈ ಘಟನೆಯಿಂದ ಕಲಾಂಬ್ ಕಡಲತೀರದಲ್ಲಿ ಸುತ್ತಾಡಲು ಬರುವ ಪ್ರವಾಸಿಗರ ಜೀವಕ್ಕೆ ಅಪಾಯವಿದೆ ಎಂಬ ಚರ್ಚೆ ನಡೆಯುತ್ತಿದೆ.
ಮೂವರು ಯುವಕರು ಸಮುದ್ರದ ನೀರಿನಲ್ಲಿ ಸ್ನಾನ ಮಾಡಲು ತೆರಳಿದ್ದರು. ಆದರೆ, ಆ ಸಮಯದಲ್ಲಿ ಅಲೆಗಳ ಏರಿಳಿತಕ್ಕೆ ಸಿಲುಕಿದರು. ಬಳಿಕ ಅಲೆಗಳ ಸೆಳತಕ್ಕೆ ಮೂವರು ಸಮುದ್ರದ ಪಾಲಾಗುತ್ತಿದ್ದರು. ಇದನ್ನು ಕಂಡ ಕಲಾಂಬ್‌ನ ಅನಿಕೇತ್ ನಾಯ್ಕ್ ಮತ್ತು ನಿಖಿಲ್ ನಿಜೈ ಅವರು ಆಳ ಸಮುದ್ರಕ್ಕೆ ಇಳಿದು ಇಬ್ಬರು ಯುವಕರ ಪ್ರಾಣ ಉಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ.