ದೇಶದಲ್ಲಿ ಒಟ್ಟು 436 ಒಮಿಕ್ರಾನ್​ ಕೇಸ್​ : ವಿಶ್ಲೇಷಿತ ಸೋಂಕಿತರಲ್ಲಿ ಶೇ.91 ಮಂದಿಗೆ ಸಂಪೂರ್ಣ ಲಸಿಕೆ

ದೇಶದ 436 ಒಮಿಕ್ರಾನ್​ ಸೋಂಕಿತರ ಪೈಕಿ 183 ಜನರನ್ನು ವಿಶ್ಲೇಷಣೆಗೊಳಪಡಿಸಲಾಗಿದೆ. ವಿಶ್ಲೇಷಿತ 183 ಮಂದಿ ಸೋಂಕಿತರಲ್ಲಿ 121 ರೋಗಿಗಳು ಅಂದರೆ ಶೇ.91ರಷ್ಟು ಮಂದಿ ಕೋವಿಡ್​ ಲಸಿಕೆಯ ಎಡಡೂ ಡೋಸ್​ಗಳನ್ನು ಪಡೆದಿದ್ದಾರೆ..

ನವದೆಹಲಿ:ಭಾರತದ 17 ರಾಜ್ಯಗಳಲ್ಲಿ ಕೊರೊನಾ ವೈರಸ್​ನ ಹೊಸ ರೂಪಾಂತರಿ ಒಮಿಕ್ರಾನ್​ ಪ್ರಕರಣಗಳು ಪತ್ತೆಯಾಗಿದ್ದು, ಸೋಂಕಿತರ ಸಂಖ್ಯೆ 400ರ ಗಡಿ ದಾಟಿದೆ. ಈವರೆಗೆ ಒಟ್ಟು 436 ಒಮಿಕ್ರಾನ್​​​ ಕೇಸ್​ಗಳು ವರದಿಯಾಗಿವೆ. ಈ ಪೈಕಿ 115 ಮಂದಿ ಹೊಸ ರೂಪಾಂತರಿಯಿಂದ ಚೇತರಿಸಿಕೊಂಡಿದ್ದಾರೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ತಿಳಿಸಿದೆ.

108 ಸೋಂಕಿತರೊಂದಿಗೆ ಮಹಾರಾಷ್ಟ್ರದಲ್ಲೇ ಅತಿ ಹೆಚ್ಚು ಒಮಿಕ್ರಾನ್​ ಪ್ರಕರಣ ಪತ್ತೆಯಾಗಿದ್ದು, ದೆಹಲಿ (79), ಗುಜರಾತ್‌ (43), ರಾಜಸ್ಥಾನ (43), ತೆಲಂಗಾಣ (38), ಕೇರಳ (37), ತಮಿಳುನಾಡು (34) ಹಾಗೂ ಕರ್ನಾಟಕ (31) ರಾಜ್ಯಗಳು ನಂತರದ ಸ್ಥಾನದಲ್ಲಿದೆ. ಈಶಾನ್ಯದ ಯಾವುದೇ ರಾಜ್ಯವು ಒಮಿಕ್ರಾನ್ ಪ್ರಕರಣವನ್ನು ವರದಿ ಮಾಡಿಲ್ಲ.

ವಿಶ್ಲೇಷಿತ ಸೋಂಕಿತರಲ್ಲಿ ಶೇ.91 ಮಂದಿಗೆ ಸಂಪೂರ್ಣ ಲಸಿಕೆ

436 ಸೋಂಕಿತರ ಪೈಕಿ 183 ಜನರನ್ನು ವಿಶ್ಲೇಷಣೆಗೊಳಪಡಿಸಲಾಗಿದೆ. ವಿಶ್ಲೇಷಿತ 183 ಮಂದಿ ಸೋಂಕಿತರಲ್ಲಿ 121 ರೋಗಿಗಳು ಅಂದರೆ ಶೇ.91ರಷ್ಟು ಮಂದಿ ಕೋವಿಡ್​ ಲಸಿಕೆಯ ಎಡಡೂ ಡೋಸ್​ಗಳನ್ನು ಪಡೆದಿದ್ದಾರೆ. ಇವರಲ್ಲಿ ಶೇ.70ರಷ್ಟು ಮಂದಿ ಲಕ್ಷಣರಹಿತರಾಗಿದ್ದು, ಶೇ.61ರಷ್ಟು ಸೋಂಕಿತರು ಪುರುಷರಾಗಿದ್ದಾರೆ ಎಂದು ಅಧ್ಯಯನವೊಂದು ಹೇಳುತ್ತದೆ.