ಗರ್ಲ್​ಫ್ರೆಂಡ್​ ಕದ್ದ 'ರೆಮ್ಡೆಸಿವಿರ್' ಕಾಳ ಸಂತೆಯಲ್ಲಿ ಮಾರಾಟ.. ನರ್ಸಿಂಗ್​ ಸಿಬ್ಬಂದಿ ಅರೆಸ್ಟ್​!

ಕೊರೊನಾ ವೈರಸ್​ಗೆ ರಾಮಬಾಣವಾಗಿರುವ ರೆಮ್ಡೆಸಿವಿರ್​​ ಔಷಧ ಕದ್ದು, ಕಾಳ ಸಂತೆಯಲ್ಲಿ ಮಾರಾಟ ಮಾಡ್ತಿದ್ದ ವ್ಯಕ್ತಿಯೋರ್ವನ ಇದೀಗ ಬಂಧನ ಮಾಡಲಾಗಿದೆ.

ಭೋಪಾಲ್​(ಮಧ್ಯಪ್ರದೇಶ):ಗೆಳತಿ ಕಳವು ಮಾಡಿದ ರಮ್ಡೆಸಿವಿರ್ ಲಸಿಕೆ​​ ಕಾಳ ಸಂತೆಯಲ್ಲಿ ಮಾರಾಟ ಮಾಡಿದ್ದಕ್ಕಾಗಿ ನರ್ಸಿಂಗ್​​ ಸಿಬ್ಬಂದಿ ಬಂಧನ ಮಾಡುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ಮಧ್ಯಪ್ರದೇಶದ ಭೋಪಾಲ್​​ನಲ್ಲಿ ಈ ಘಟನೆ ನಡೆದಿದೆ.

ಕೋವಿಡ್​-19 ರೋಗಿಗಳ ಚಿಕಿತ್ಸೆಗಾಗಿ ಬಳಕೆ ಮಾಡುವ ರೆಮ್ಡೆಸಿವರ್​​​ ಚುಚ್ಚುಮದ್ದನ್ನ ಕದ್ದಿರುವ ಆರೋಪದ ಮೇಲೆ ಇದೀಗ ಖಾಸಗಿ ಆಸ್ಪತ್ರೆ ನರ್ಸ್​ ಸಿಬ್ಬಂದಿ ಬಂಧನವಾಗಿದೆ. ಖಾಸಗಿ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದ ಗೆಳತಿ ಶಾಲಿನಿ ವರ್ಮಾ ತನ್ನ ಲವರ್​ ಜಾಲ್ಕನ್ ಸಿಂಗ್​ ಮೀನಾಗೆ​ ನೀಡುತ್ತಿದ್ದರು. ಜತೆಗೆ ಕೋವಿಡ್​ ಲಸಿಕೆ ಬಾಕ್ಸ್​ಗಳಲ್ಲಿ ಬೇರೆ ಔಷಧ ತುಂಬಿಡುತ್ತಿದ್ದರು ಎಂದು ತಿಳಿದು ಬಂದಿದೆ.

ಆರಂಭದಲ್ಲಿ 30,000ರೂಗೆ ಇವುಗಳನ್ನ ಮಾರಾಟ ಮಾಡಲಾಗುತ್ತಿತ್ತು. ಆದರೆ ಇದೀಗ ಖಾಸಗಿ ಆಸ್ಪತ್ರೆ ವೈದ್ಯರಿಗೆ 13,000ರೂಗೆ ಮಾರಾಟ ಮಾಡಿರುವುದಾಗಿ ತಿಳಿದು ಬಂದಿದೆ. ಈಗಾಗಲೇ ಜಾಲ್ಕನ್​ ಸಿಂಗ್ ಮೀನಾ ಬಂಧನ ಮಾಡುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದು, ನರ್ಸ್ ಶಾಲಿನಿ ವರ್ಮಾ ಪರಾರಿಯಾಗಿದ್ದಾರೆ.