ಆಗ್ರಾ (ಉತ್ತರ ಪ್ರದೇಶ):ಭಾರತದ ಅತಿ ದೊಡ್ಡ ಹಾಗೂ374 ವರ್ಷಗಳಷ್ಟು ಹಳೆಯದಾದ ಉತ್ತರ ಬಟೇಶ್ವರದಲ್ಲಿ ನಡೆಯುವ ಪ್ರಾಣಿಗಳ ಜಾತ್ರೆಯನ್ನು ರದ್ದು ಮಾಡಲಾಗಿದೆ ಎಂದು ಆಗ್ರಾ ಜಿಲ್ಲಾಡಳಿತ ಘೋಷಣೆ ಮಾಡಿದೆ.
ಕೊರೊನಾ ಕಾಟಕ್ಕೆ 374 ವರ್ಷ ಹಳೆಯದಾದ ಬಟೇಶ್ವರ ಪ್ರಾಣಿ ಜಾತ್ರೆ ರದ್ದು..!
ಕೊರೊನಾ ಸೋಂಕು ನಿಯಂತ್ರಿಸುವ ಸಲುವಾಗಿ ದೇಶದ ಅತಿ ಹಳೆಯ ಬಟೇಶ್ವರ ಪ್ರಾಣಿಗಳ ಜಾತ್ರೆಯನ್ನು ರದ್ದು ಮಾಡಲಾಗಿದೆ ಎಂದು ಆಗ್ರಾ ಜಿಲ್ಲಾಡಳಿತ ಹೇಳಿದೆ.
ಬಟೇಶ್ವರ ಜಾತ್ರೆ
1646ರಿಂದ ಈ ಜಾತ್ರೆ ನಡೆಯುತ್ತಿದ್ದು, ಕೋವಿಡ್ ಮಾರ್ಗಸೂಚಿಗಳಿಗೆ ಅನುಗುಣವಾಗಿ ಬಟೇಶ್ವರ ಪ್ರಾಣಿಗಳ ಜಾತ್ರೆಯನ್ನು ಆಯೋಜಿಸಲು ಅನುಮತಿ ನೀಡುವುದಿಲ್ಲ ಎಂದು ಆಗ್ರಾದ ಜಿಲ್ಲಾ ಮ್ಯಾಜಿಸ್ಟ್ರೇಟ್ ಪ್ರಭು ಎನ್ ಸಿಂಗ್ ಜಿಲ್ಲಾ ಕೌನ್ಸಿಲ್ಗೆ ಸೂಚಿಸಿದ್ದಾರೆ.
ಪ್ರತಿವರ್ಷ ಲಕ್ಷಾಂತರ ಮಂದಿ ಈ ಐತಿಹಾಸಿಕ ಜಾತ್ರೆಯಲ್ಲಿ ಪಾಲ್ಗೊಳ್ಳುತ್ತಿದ್ದರು. ಆದರೆ ಸಾರ್ವಜನಿಕ ಹಿತದೃಷ್ಟಿಯಿಂದ ಈ ಬಾರಿ ಜಾತ್ರೆಯನ್ನು ರದ್ದು ಮಾಡಲಾಗಿದೆ. ಇಲ್ಲಿ ಪುರಾಣ ಪ್ರಸಿದ್ಧ ಬಟೇಶ್ವರ ದೇವಾಲಯವೂ ಕೂಡಾ ಇದ್ದು, ಮಾಜಿ ಪ್ರಧಾನಿ, ದಿವಂಗತ ಅಟಲ್ ಬಿಹಾರಿ ವಾಜಪೇಯಿ ಅವರ ಜನ್ಮಸ್ಥಳವೂ ಬಟೇಶ್ವರ ಆಗಿದೆ.