ಗೋರಖ್ಪುರ:ಜಿಲ್ಲಾ ಜೈಲಿನಿಂದ ಅಚ್ಚರಿಯ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ಜೈಲಿನ 9 ಕೈದಿಗಳಲ್ಲಿ ಎಚ್‌ಐವಿ ಸೋಂಕಿನ ಲಕ್ಷಣಗಳು ಕಂಡುಬಂದಿದ್ದು, ಜೈಲು ಮತ್ತು ಜಿಲ್ಲಾಡಳಿತದಲ್ಲಿ ಕೋಲಾಹಲ ಉಂಟಾಗಿದೆ.
ಜೈಲಿನ 9 ಕೈದಿಗಳಿಗೆ ಹೆಚ್ಐವಿ ಸೋಂಕು ಪತ್ತೆ: ತನಿಖೆ ಚುರುಕು!
ಜೈಲಿನ 9 ಕೈದಿಗಳಿಗೆ ಹೆಚ್ಐವಿ ಸೋಂಕು ಪತ್ತೆಯಾಗಿರುವ ಘಟನೆ ಉತ್ತರ ಪ್ರದೇಶದ ಗೋರಖ್ಪುರ ಜಿಲ್ಲೆಯಲ್ಲಿ ಕಂಡು ಬಂದಿದೆ.
ಜೈಲಿನ 9 ಕೈದಿಗಳಿಗೆ ಹೆಚ್ಐವಿ ಸೋಂಕು ಪತ್ತೆ
ಸರ್ಕಾರದ ಸೂಚನೆಯ ಮೇರೆಗೆ ಗೋರಖ್ಪುರ ವೈದ್ಯಕೀಯ ಕಾಲೇಜಿನ ಸೂಕ್ಷ್ಮ ಜೀವವಿಜ್ಞಾನ ವಿಭಾಗದಲ್ಲಿ ಜಿಲ್ಲಾ ಕಾರಾಗೃಹದ ಬಂಧಿತರ ಹೆಚ್ಐವಿ ತಪಾಸಣೆ ನಡೆಸಲಾಗಿತ್ತು. ಇದರಲ್ಲಿ 9 ಕೈದಿಗಳಿಗೆ ಹೆಚ್ಐವಿ ಸೋಂಕಿನ ಲಕ್ಷಣಗಳು ಕಂಡುಬಂದಿವೆ.
ಆರೋಗ್ಯ ಇಲಾಖೆಯು ಈ ಕೈದಿಗಳ ಮೇಲೆ ನಿಗಾ ಇಟ್ಟಿದೆ. ಈ ಘಟನೆ ಬಗ್ಗೆ ಜಿಲ್ಲಾಡಳಿತ ತನಿಖೆ ಕೈಗೊಂಡಿದೆ. ಗೋರಖ್ಪುರ ಜಿಲ್ಲಾ ಕಾರಾಗೃಹದಲ್ಲಿ ಪ್ರಸ್ತುತ ಸುಮಾರು 1,800 ಕೈದಿಗಳಿದ್ದು, ಈ ಪೈಕಿ 1200 ಕೈದಿಗಳನ್ನು ವೈದ್ಯಕೀಯ ಪರೀಕ್ಷೆಗೊಳಪಡಿಸಲಾಗಿದೆ. ಉಳಿದಿರುವ ಕೈದಿಗಳ ವೈದ್ಯಕೀಯ ಪರೀಕ್ಷೆ ನಡೆಸಲಾಗುವುದು. ಇನ್ನು ಕೈದಿಗಳಿಗೆ ಹೆಚ್ವಿಐ ಸೋಂಕು ಯಾವ ರೀತಿ ಹರಡಿದೆ ಎಂಬುದರ ಬಗ್ಗೆ ತನಿಖೆ ನಡೆಸಲಾಗುವುದು ಎಂದು ಜಿಲ್ಲಾಡಳಿತ ತಿಳಿಸಿದೆ.