ಭಯೋತ್ಪಾದನೆಗೆ ನೆರವು: ಯಾಸಿನ್​ ಮಲಿಕ್​ 'ದೋಷಿ' ಎಂದು ದೆಹಲಿ ವಿಶೇಷ ಕೋರ್ಟ್​ ತೀರ್ಪು

ಭಯೋತ್ಪಾದನೆ ಚಟುವಟಿಕೆ, ಹಣಕಾಸಿನ ನೆರವು, ದೇಶವಿರೋಧಿ ಕಾರ್ಯಗಳಲ್ಲಿ ತೊಡಗಿದ್ದ ಜಮ್ಮು-ಕಾಶ್ಮೀರದ ಪ್ರತ್ಯೇಕತಾವಾದಿ ಯಾಸಿನ್​ ಮಲಿಕ್​ಗೆ ದೋಷಿ ಎಂದು ದೆಹಲಿ ಕೋರ್ಟ್​ ತೀರ್ಪು ನೀಡಿದೆ.

ನವದೆಹಲಿ:ದೇಶವಿರೋಧಿ ಮತ್ತು ಭಯೋತ್ಪಾದನೆ, ಕಾನೂನು ಬಾಹಿರ ಚಟುವಟಿಕೆಯಲ್ಲಿ ತೊಡಗಿದ ಪ್ರಕರಣಗಳಲ್ಲಿ ಭಾಗಿಯಾಗಿದ್ದ ಜಮ್ಮು- ಕಾಶ್ಮೀರದ ಪ್ರತ್ಯೇಕತಾವಾದಿ ನಾಯಕ ಯಾಸಿನ್ ಮಲಿಕ್​ ಅಪರಾಧಿ ಎಂದು ದೆಹಲಿ ವಿಶೇಷ ನ್ಯಾಯಾಲಯ ಘೋಷಿಸಿದೆ.

ಇದಲ್ಲದೇ, ಕಾನೂನು ಬಾಹಿರ ಚಟುವಟಿಕೆ ತಡೆ ಕಾಯ್ದೆ(ಯುಎಪಿಎ) ಅಡಿಯಲ್ಲೂ ಬರುವ ಪ್ರಕರಣಗಳಲ್ಲೂ ಮಲಿಕ್ ದೋಷಿಯಾಗಿದ್ದು, ಶಿಕ್ಷೆಯ ಪ್ರಮಾಣವನ್ನು ಮೇ 25 ರಂದು ಕೋರ್ಟ್​ ಘೋಷಿಸಲಿದೆ. ಭಯೋತ್ಪಾದನಾ ಕೃತ್ಯ, ಭಯೋತ್ಪಾದನೆಗೆ ನಿಧಿ ಸಂಗ್ರಹಿಸುವುದು, ಕೃತ್ಯಕ್ಕೆ ಪಿತೂರಿ ಸೇರಿದಂತೆ ತನ್ನ ಮೇಲಿದ್ದ ಆರೋಪಗಳನ್ನು ಸ್ವತಃ ಮಲಿಕ್​ ನ್ಯಾಯಾಲಯದ ಮುಂದೆ ತಪ್ಪೊಪ್ಪಿಗೆ ಹೇಳಿಕೆ ನೀಡಿದ್ದ.

ಇದರ ವಿರುದ್ಧ ವಾದ ಮಂಡನೆ ಮಾಡುವುದಿಲ್ಲ. ತನ್ನೆಲ್ಲ ತಪ್ಪುಗಳನ್ನು ಒಪ್ಪಿಕೊಳ್ಳುತ್ತೇನೆ ಎಂದು ಮೇ 11 ರಂದು ತಿಳಿಸಿದ್ದ. 2019 ರಿಂದ ದೆಹಲಿಯ ತಿಹಾರ್​ ಜೈಲಿನಲ್ಲಿ ಮಲಿಕ್​ಗೆ ತನ್ನ ವಿರುದ್ಧದ ಗಂಭೀರ ಆರೋಪಗಳಿಂದಾಗಿ ಗರಿಷ್ಠ ಜೀವಾವಧಿ ಶಿಕ್ಷೆಗೆ ಗುರಿಯಾಗುವ ಸಾಧ್ಯತೆ ಇದೆ.

ಓದಿ:ಡೋಂಗಿ ಬಾಬಾ ಹೇಳಿದ್ದಕ್ಕೆ ಬೆಂಕಿ ಮೇಲೆ ಕೈ - ಕಾಲು ಇಟ್ಟ ಯುವತಿ.. ಸುಟ್ಟ ಗಾಯಗಳಿಂದ ಆಸ್ಪತ್ರೆ ಪಾಲು