ಜೈಪುರ (ರಾಜಸ್ಥಾನ): ಕ್ಯಾನ್ಸರ್ ಗೆದ್ದು ಬರೋದು ಅಂದ್ರೆ ಅದೊಂದು ತರಹ ಮರುಹುಟ್ಟು ಪಡೆದಂತೆ. ಒಮ್ಮೆ ಈ ಮಹಾಮಾರಿ ಬಂದು ಬದುಕುಳಿದು ಬಂದರೆ ಅದೊಂದು ಪವಾಡವೇ. ಆದರೆ, ವೈದ್ಯಕೀಯ ಲೋಕದಲ್ಲೀಗ ಕ್ಯಾನ್ಸರ್ ಸಹ ಗುಣಪಡಿಸಬಹುದಾದ ಕಾಯಿಲೆಯಾಗಿದೆ. ಆದರೆ,ಇಂತಹ ಕಾಯಿಲೆಗೆ ಒಳಗಾದಾಗ ಪಡೆಯುವ ಚಿಕಿತ್ಸೆಯೇ ನರಕಯಾತನೆ ನೀಡುತ್ತದೆ. ಕ್ಯಾನ್ಸರ್ ಚಿಕಿತ್ಸೆಗಾಗಿ ನೀಡುವ ಕೀಮೋ ಥೆರಪಿ ರೋಗಿಗಳ ಪಾಲಿನ ಶತ್ರುವಾಗಲಿದೆ. ಈ ವೇಳೆ, ರೋಗಿ ಬಹುಮುಖ್ಯವಾಗಿ ತಲೆಕೂದಲು ಕಳೆದುಕೊಂಡು ಖಿನ್ನತೆಗೆ ಒಳಗಾಗುವ ಸಂಭವವೂ ಇದೆ.
ಕೀಮೋ ಥೆರಪಿಯಿಂದ ಕೂದಲು ಕಳೆದುಕೊಂಡವರ ನೆರವಿಗೆ ನಿಂತ ಎನ್ಜಿಒ
ಆದರೆ, ಇಂತಹ ಚಿಕಿತ್ಸೆಯಿಂದ ತಲೆಕೂದಲು ಕಳೆದುಕೊಂಡು ದುಃಖಿಸುವ ಮಹಿಳೆಯರು ಹಾಗೂ ಮಕ್ಕಳಿಗೆ ಸಹಾಯ ಮಾಡಲು ಜೈಪುರದ ಒಂದು ಎನ್ಜಿಒ ಮುಂದೆ ಬಂದಿದೆ. ಈ ಸಂಸ್ಥೆಯು ಕೀಮೋ ಥೆರಪಿಗೆ ಒಳಗಾದ ಮಹಿಳೆಯರ ಪಾಲಿನ ವರದಾನವಾಗಿದೆ. ಖಾಸಗಿಯವರಿಂದ ಕೂದಲು ಪಡೆದುಕೊಂಡ ಅದನ್ನು ವಿಗ್ ಆಗಿ ಪರಿವರ್ತಿಸಿ ತಲೆ ಕೂದಲು ಕಳೆದುಕೊಂಡವರಿಗೆ ನೀಡುವ ಮಹತ್ ಕಾರ್ಯ ಮಾಡುತ್ತಿದ್ದಾರೆ.