ನವದೆಹಲಿ:ಕೋವಿಡ್ ರೂಪಾಂತರಿಗಳ ಹಾವಳಿ ತಪ್ಪುವ ಸೂಚನೆ ಕಾಣುತ್ತಿಲ್ಲ. ಇತ್ತೀಚೆಗಷ್ಟೇ ಕಂಡುಬಂದ ಒಮಿಕ್ರಾನ್ ಬೆನ್ನಲ್ಲೇ ಇದೀಗ ಕೊರೊನಾದ ಮತ್ತೊಂದು ತಳಿ ಪತ್ತೆಯಾಗಿದೆ.ಸೈಪ್ರಸ್ನಲ್ಲಿ ಹೊಸ ರೂಪಾಂತರಿ 'ಡೆಲ್ಟಾಕ್ರಾನ್' ಪತ್ತೆಯಾಗಿದೆ.
ಸೈಪ್ರಸ್ ವಿಶ್ವವಿದ್ಯಾಲಯದ ಜೈವಿಕ ವಿಜ್ಞಾನಗಳ ಪ್ರಾಧ್ಯಾಪಕ ಮತ್ತು ಜೈವಿಕ ತಂತ್ರಜ್ಞಾನ ಹಾಗೂ ಆಣ್ವಿಕ ವೈರಾಲಜಿ ಪ್ರಯೋಗಾಲಯದ ಮುಖ್ಯಸ್ಥ ಲಿಯೊಂಡಿಯೊಸ್ ಕೊಸ್ಟ್ರಿಕಿಸ್ ಪ್ರಕಾರ, ಈ ರೂಪಾಂತರಿ ಡೆಲ್ಟಾ ಮತ್ತು ಓಮಿಕ್ರಾನ್ನಲ್ಲಿರುವ ಲಕ್ಷಣಗಳನ್ನು ಹೊಂದಿದೆ. ಈ ರೂಪಾಂತರಿ ಡೆಲ್ಟಾ ಮತ್ತು ಓಮಿಕ್ರಾನ್ನ ಎರಡೂ ಲಕ್ಷಣಗಳನ್ನು ಒಳಗೊಂಡಿರುವುದರಿಂದ ಇದಕ್ಕೆ "ಡೆಲ್ಟಾಕ್ರಾನ್" ಎಂದು ಹೆಸರಿಸಲಾಗಿದೆ ಎಂದು ಅವರು ಹೇಳಿದ್ದಾರೆ.