ಮೊಬೈಲ್​ ಕಳ್ಳನನ್ನು ಬೈಕ್​ನಲ್ಲಿ ಚೇಸ್​ ಮಾಡಿ ಹಿಡಿದ ಪೊಲೀಸ್​: ನೆಟ್ಟಿಗರಿಂದ ಪ್ರಶಂಸೆ

ದಾರಿಹೋಕನ ಮೊಬೈಲ್​ ಕದ್ದು ಪರಾರಿಯಾಗುತ್ತಿದ್ದ ಕಳ್ಳನನ್ನು ಪೊಲೀಸ್​ ಅಧಿಕಾರಿಯೊಬ್ಬರು ಬೈಕ್​ನಲ್ಲಿ ಚೇಸ್​ ಮಾಡಿ ಹಿಡಿದಿರುವ ಘಟನೆ ಚೆನ್ನೈನ ಮಾಧವರಂನಲ್ಲಿ ನಡೆದಿದೆ.

ಚೆನ್ನೈ: ಮಾಧವರಂನಲ್ಲಿ ಮೊಬೈಲ್ ಕದ್ದು ಪರಾರಿಯಾಗುತ್ತಿದ್ದ ಕಳ್ಳನನ್ನು ಅಸ್ಸಿಸ್ತಾನ್ ಪೊಲೀಸ್ ಇನ್ಸ್‌ಪೆಕ್ಟರ್ ಆಂಡ್ಲಿನ್ ರಮೇಶ್ ಬೆನ್ನಟ್ಟಿ ಹಿಡಿದಿದ್ದಾರೆ.

ಘಟನೆ ನಡೆದಾಗ ಆಂಡ್ಲಿನ್ ರಮೇಶ್ ಬೈಕ್​ನಲ್ಲಿ ಮನೆಗೆ ತೆರಳುತ್ತಿದ್ದರು. ಈ ಸಮಯದಲ್ಲಿ ಬೈಕ್​ನಲ್ಲಿ ಬಂದ ಕಳ್ಳರು ದಾರಿಯಲ್ಲಿ ನಡೆದು ಹೋಗುತ್ತಿದ್ದ ವ್ಯಕ್ತಿಯ ಮೊಬೈಲ್ ಕಸಿದು ಪರಾರಿಯಾಗುತ್ತಿದ್ದರು. ತಕ್ಷಣ ಕಾರ್ಯ ಪ್ರವೃತ್ತರಾದ ಆಂಡ್ಲಿನ್ ರಮೇಶ್ ಕಳ್ಳನನ್ನು ಬೆನ್ನಟ್ಟಿ ಹಿಡಿದಿದ್ದಾರೆ.

ಈ ದೃಶ್ಯಗಳು ಸಿಸಿಟಿವಿ ಸೆರೆಯಾಗಿದ್ದು, ಚೆನ್ನೈ ಪೊಲೀಸ್ ಆಯುಕ್ತ ಮಹೇಶ್ ಕುಮಾರ್ ಅಗರ್​ವಾಲ್​ ವಿಡಿಯೋ ತುಣಕನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್​ ಮಾಡಿ ಪ್ರಶಂಸಿಸಿದ್ದಾರೆ. ಸಾಹಸದ ತುಣುಕನ್ನು ತಮ್ಮ ಖಾತೆಯಲ್ಲಿ ನೆಟಿಜನ್‌ಗಳು ಸಹ ಹಂಚಿಕೊಂಡು ರಮೇಶ್​ಗೆ ಶಹಬ್ಬಾಶ್​ ಎಂದಿದ್ದಾರೆ. ಸದ್ಯ ಪ್ರಕರಣ ಸಂಬಂಧ ಮೂವರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.