ಕಠ್ಮಂಡು:ಭಾರತ ಸೇರಿದಂತೆ ನೆರೆಯ ದೇಶಗಳಲ್ಲಿ ಕೋವಿಡ್ ಪ್ರಕರಣಗಳ ತೀವ್ರ ಏರಿಕೆ ಹಿನ್ನೆಲೆ ನೇಪಾಳ ಸರ್ಕಾರ ಭಾರತದೊಂದಿಗಿನ 22 ಗಡಿಗಳನ್ನು ಬಂದ್ ಮಾಡಲು ನಿರ್ಧರಿಸಿದೆ.
ಕೊರೊನಾ ಹೆಚ್ಚಳ ಹಿನ್ನೆಲೆ: ಭಾರತದೊಂದಿಗಿನ 22 ಗಡಿಗಳನ್ನು ಬಂದ್ ಮಾಡಲು ನೇಪಾಳ ನಿರ್ಧಾರ
ನೇಪಾಳ ಮತ್ತು ಭಾರತದ ನಡುವಿನ ಒಟ್ಟು 35 ಗಡಿಗಳಲ್ಲಿ 22 ಅನ್ನು ಮುಚ್ಚುವಂತೆ ಕೋವಿಡ್ ಬಿಕ್ಕಟ್ಟು ಸಮನ್ವಯ ಸಮಿತಿ ಕೋ ಆರ್ಡಿನೇಷನ್ ಕಮಿಟಿ (COVID Crisis Management Coordination Committee ) ಮಂತ್ರಿ ಮಂಡಳಿಗೆ ಶಿಫಾರಸು ಮಾಡಿದ್ದು, ಗಡಿಗಳನ್ನು ಮುಚ್ಚಲಾಗಿದೆ.
nepal
ಸದ್ಯ ನೇಪಾಳ ಮತ್ತು ಭಾರತದ ನಡುವಿನ 13 ಗಡಿ ಭಾಗಗಳು ಮಾತ್ರ ಕಾರ್ಯನಿರ್ವಹಿಸುತ್ತಿವೆ. ದಕ್ಷಿಣ ಭಾಗದಲ್ಲಿ ಕೊರೊನಾ ಸೋಂಕು ಹೆಚ್ಚುತ್ತಿರುವ ಹಿನ್ನೆಲೆ ನೇಪಾಳ ಸರ್ಕಾರ ಈ ನಿರ್ಧಾರಕ್ಕೆ ಬಂದಿದೆ. ಭಾರತದಲ್ಲಿ ಕೊರೊನಾ ಸೋಂಕಿತರ ಪ್ರಮಾಣ ನಿತ್ಯ ನಾಲ್ಕು ಲಕ್ಷಗಳ ಗಡಿ ದಾಟುತ್ತಿದ್ದು, ನೇಪಾಳ ಮುನ್ನೆಚ್ಚರಿಕಾ ಕ್ರಮವಾಗಿ ಭಾರತದೊಂದಿಗಿನ ಗಡಿ ಬಂದ್ ಮಾಡಲು ತೀರ್ಮಾನಿಸಿದೆ.
ನೇಪಾಳದಲ್ಲಿ ಇದುವರೆಗೆ ಸುಮಾರು 323,187 ಕೋವಿಡ್ -19 ಪ್ರಕರಣಗಳು ಮತ್ತು 3,279 ಕೋವಿಡ್ ಸೋಂಕಿತರ ಸಾವುಗಳು ವರದಿಯಾಗಿವೆ.