ಈವರೆಗೆ ಸುಮಾರು 18 ಕೋಟಿ ಡೋಸ್​ ಲಸಿಕೆ ನೀಡಲಾಗಿದೆ: ಕೇಂದ್ರ ಆರೋಗ್ಯ ಸಚಿವಾಲಯ

ಲಸಿಕೆ ಉತ್ಪಾದಿಸುವ 2 ಕಂಪನಿಗಳು(ಕೋವ್ಯಾಕ್ಸಿನ್, ಕೋವಿಶೀಲ್ಡ್) ಇತರ ಕಂಪನಿಗಳೊಂದಿಗೆ ಫಾರ್ಮುಲಾ ಹಂಚಿಕೊಳ್ಳಬೇಕು. ಲಸಿಕೆಗಳನ್ನು 150 ರೂ.ಗಿಂತ ಹೆಚ್ಚು ಮಾರಾಟ ಮಾಡಲು ಅವರಿಗೆ ಅನುಮತಿ ಕೊಡಬಾರದು ಎಂದು ಕೇಂದ್ರ ಸಚಿವ ಡಾ.ಹರ್ಷವರ್ಧನ್​​ ಅವರಲ್ಲಿ ವಿ.ಕೆ.ಪಾಲ್​​ ಮನವಿ ಮಾಡಿದರು.

ನವದೆಹಲಿ: ಭಾರತದಲ್ಲಿ ಈವರೆಗೆ ಸುಮಾರು 18 ಕೋಟಿ ಡೋಸ್ ಕೋವಿಡ್-19 ಲಸಿಕೆ ನೀಡಲಾಗಿದೆ. ಯುಎಸ್​ನಲ್ಲಿ, ಈವರೆಗೆ 26 ಕೋಟಿ ಡೋಸ್ ವ್ಯಾಕ್ಸಿನ್ ನೀಡಲಾಗಿದೆ. ಆದ್ದರಿಂದ, ಭಾರತ ವ್ಯಾಕ್ಸಿನೇಷನ್​ನಲ್ಲಿ ಮೂರನೇ ಸ್ಥಾನದಲ್ಲಿದೆ ಎಂದು ನೀತಿ ಆಯೋಗದ ಸದಸ್ಯ ಡಾ.ವಿ.ಕೆ.ಪಾಲ್ ತಿಳಿಸಿದ್ದಾರೆ.

ಈವರೆಗೆ ಸುಮಾರು 18 ಕೋಟಿ ಡೋಸ್​ ಲಸಿಕೆ ವಿತರಣೆ

ರಾಜ್ಯಗಳು ಹೊರಗಿನಿಂದ ಲಸಿಕೆಗಳನ್ನು ಖರೀದಿಸಬೇಕಾದರೆ, ಕೇಂದ್ರವು ಅನುಮತಿ ನೀಡಬೇಕು. ಲಸಿಕೆ ಉತ್ಪಾದಿಸುವ 2 ಕಂಪನಿಗಳು (ಕೋವ್ಯಾಕ್ಸಿನ್, ಕೋವಿಶೀಲ್ಡ್) ಇತರ ಕಂಪನಿಗಳೊಂದಿಗೆ ಫಾರ್ಮುಲಾ ಹಂಚಿಕೊಳ್ಳಬೇಕು. ಲಸಿಕೆಗಳನ್ನು 150 ರೂ.ಗಿಂತ ಹೆಚ್ಚು ಮಾರಾಟ ಮಾಡಲು ಅವರಿಗೆ ಅನುಮತಿ ಕೊಡಬಾರದು ಎಂದು ಕೇಂದ್ರ ಸಚಿವ ಡಾ.ಹರ್ಷವರ್ಧನ್​​ರಲ್ಲಿ ವಿ.ಕೆ.ಪಾಲ್​​ ಮನವಿ ಮಾಡಿದರು.

ದೇಶದಲ್ಲಿ ಈವರೆಗೆ 17.72 ಕೋಟಿ ಕೋವಿಡ್ ವ್ಯಾಕ್ಸಿನ್ ಡೋಸ್​ಗಳನ್ನು ನೀಡಲಾಗಿದೆ. ಕಳೆದ ಎರಡು ವಾರಗಳಿಂದ 187 ಜಿಲ್ಲೆಗಳಲ್ಲಿ ಕೊರೊನಾ ಪ್ರಕರಣಗಳು ಕಡಿಮೆಯಾಗಿವೆ. ಇದು ಆರೋಗ್ಯಕರ ಬೆಳವಣಿಗೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಲಾವ್ ಅಗರ್​ವಾಲ್​ ಹೇಳಿದ್ದಾರೆ.