ಗೋಮುಖ ಗ್ಲೇಸಿಯರ್‌ನ ನಂದನವನದಲ್ಲಿ ಸಿಲುಕಿಕೊಂಡಿದ್ದ ಚಾರಣಿಗರನ್ನು ರಕ್ಷಿಸಿದ ಎನ್ಡಿಆರ್ಎಫ್ ತಂಡ ಡೆಹ್ರಾಡೂನ್ (ಉತ್ತರಾಖಂಡ):ಸಮಾನ್ಯ ಪರ್ವತಗಳನ್ನು ಏರುವುದೇ ಸುಲಭದ ಮಾತಲ್ಲ ಹೀಗಿರುವಾಗ ಹಿಮಚ್ಛಾದಿತ ಪರ್ವತಗಳನ್ನು ಏರುವುದು ಎಂದರೆ ಹುಡುಗಾಟಿಕೆಯ ಮಾತೇ. ಅಭ್ಯಾಸ ಮತ್ತು ಅನುಭವಗಳೂ ಕೆಲವೊಮ್ಮ ಪ್ರಕೃತಿಯ ವಿಭಿನ್ನ ನಡವಳಿಕೆಯ ನಡುವೆ ಉಪಯೋಗಕ್ಕೆ ಬರುವುದಿಲ್ಲ.
ಹಿಮಪಾತ ಮತ್ತು ಕೆಟ್ಟ ವಾತಾವರಣದ ನಮ್ಮ ಶಕ್ತಿಯನ್ನೆಲ್ಲಾ ಕುಂದಿಸುತ್ತದೆ. ಪರ್ವತದ ಎತ್ತರಕ್ಕೆ ಹೋಗುತ್ತಿದ್ದಂತೆ ಆಮ್ಲಜನಕದ ಕೊರತೆಯಿಂದಾಗಿ ನಮ್ಮ ಯೋಚನಾ ಶಕ್ತಿಯೂ ಕಡಿಮೆ ಆಗುತ್ತದೆ. ಹೀಗಾಗಿ ಚುರುಕಾಗಿ ಯಾವುದೇ ನಿರ್ಧಾರ ತೆಗೆದುಕೊಳ್ಳಲು ಸಮಸ್ಯೆಯಾಗುತ್ತದೆ. ಇದೇ ರೀತಿಯ ಸಮಸ್ಯೆಯಲ್ಲಿ ಉತ್ತರಕಾಶಿಯ ಗೋಮುಖ ಗ್ಲೇಸಿಯರ್‌ ಸಿಲುಕಿಕೊಂಡಿದ್ದ ಕರ್ನಾಟಕದ ಮೂಲದ ಚಾರಣಿಗರನ್ನು ಎನ್ಡಿಆರ್ಎಫ್ ತಂಡ ರಕ್ಷಿಸಿದೆ.
ಉತ್ತರಕಾಶಿಯ ಗೋಮುಖ ಗ್ಲೇಸಿಯರ್‌ನಲ್ಲಿ ಹಲವು ಗಂಟೆಗಳ ಕಾಲ ಸಿಲುಕಿಕೊಂಡಿದ್ದ ಇಬ್ಬರು ಚಾರಣಿಗರನ್ನು ಎನ್ಡಿಆರ್ಎಫ್ ತಂಡ ಕೊನೆಗೂ ರಕ್ಷಿಸಿದೆ. ಸಿಲುಕಿಕೊಂಡಿದ್ದವರಲ್ಲಿ ಕರ್ನಾಟಕ ಮೂಲದ ಟೆಕ್ಕಿ ಸಾಮಾ ಒಬ್ಬರಾದರೆ, ಇನ್ನೊಬ್ಬರು ಹಿಮಾಚಲ ಪ್ರದೇಶದ ಪುರುಷ ಚಾರಣಿಗರಾಗಿದ್ದರು.
ಟ್ರೆಕ್ಕಿಂಗ್ ವೇಳೆ ಇಬ್ಬರೂ ಚಾರಣಿಗರು ಗೋಮುಖ ಗ್ಲೇಸಿಯರ್‌ನ ನಂದನವನದಲ್ಲಿ ಸಿಲುಕಿಕೊಂಡಿದ್ದರು. ಸುಮಾರು 6 ಗಂಟೆಗಳ ಪ್ರಯತ್ನದ ನಂತರ ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆಯ (NDRF) ತಂಡ ಸುರಕ್ಷಿತವಾಗಿ ಶಿಬಿರಕ್ಕೆ ಕರೆತಂದಿದೆ. ಈ ಇಬ್ಬರೂ ಚಾರಣಿಗರು ಎನ್‌ಡಿಆರ್‌ಎಫ್ನ ಮೊದಲ ಪರ್ವತಾರೋಹಣ ದಂಡಯಾತ್ರೆಯ ತಂಡದಿಂದ ನಂದನವನದಲ್ಲಿ ಸಿಕ್ಕಿಬಿದ್ದಿದ್ದರು.
ಎನ್ಡಿಆರ್ಎಫ್ ತಂಡವು ಗೋಮುಖ ಗ್ಲೇಸಿಯರ್‌ನ ನಂದನವನದಲ್ಲಿ ಟ್ರೆಕ್ಕಿಂಗ್‌ನಲ್ಲಿ ಸಿಲುಕಿದ್ದ ಇಬ್ಬರು ಚಾರಣಿಗರನ್ನು ಸುರಕ್ಷಿತವಾಗಿ ಭೋಜ್‌ಬಾಸಾ ಶಿಬಿರಕ್ಕೆ ಕರೆತಂದಿದೆ. ಭಾರೀ ಹಿಮಪಾತ ಮತ್ತು ಕೆಟ್ಟ ಹವಾಮಾನದಿಂದಾಗಿ ಈ ಇಬ್ಬರೂ ಚಾರಣಿಗರು ನಂದನವನದಲ್ಲಿ ಸಿಲುಕಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಹಲವಾರು ಗಂಟೆಗಳ ಕಾಲ ಈ ಪ್ರದೇಶದಲ್ಲಿ ಸಿಕ್ಕಿಹಾಕಿಕೊಂಡಿದ್ದರಿಂದ, ಈ ಇಬ್ಬರು ಚಾರಣಿಗರಿಗೆ ಹಿಂದಿರುಗುವಷ್ಟು ಸ್ಥೈರ್ಯವೂ ಇರಲಿಲ್ಲ.
ಅಷ್ಟೇ ಅಲ್ಲ, ಸುದೀರ್ಘ ಕಾಲದ ಚಾರಣ ಹಾಗೂ ವಿಪರೀತ ಚಳಿಯಿಂದಾಗಿ ಈ ಚಾರಣಿಗರು ಅಸ್ವಸ್ಥ ಸ್ಥಿತಿಯಲ್ಲಿ ಇಲ್ಲಿನ ಎನ್ಡಿಆರ್ಎಫ್ ತಂಡಕ್ಕೆ ಪತ್ತೆಯಾಗಿದ್ದಾರೆ. ವಿಶೇಷವೆಂದರೆ ಈ ಇಬ್ಬರೂ ಚಾರಣಿಗರು ಟ್ರೆಕ್ಕಿಂಗ್ ಮಾಡುವ ಸ್ಥಿತಿಯಲ್ಲಿರಲಿಲ್ಲ ಮತ್ತು ಸಹಾಯವಿಲ್ಲದೆ ಹಿಮನದಿಯಿಂದ ಕೆಳಗೆ ತಲುಪುವ ಸ್ಥಿತಿಯಲ್ಲಿರಲಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ಎನ್ಡಿಆರ್ಎಫ್ ತಂಡವು ಸಾಕಷ್ಟು ಪ್ರಯತ್ನದ ನಂತರ ಈ ಇಬ್ಬರೂ ಚಾರಣಿಗರ ಪ್ರಾಣವನ್ನು ಉಳಿಸಿದೆ.
ಭಾಗೀರಥಿ 2ನೇ ಸೆಕ್ಟರ್ನಲ್ಲಿ ಧ್ವಜಾರೋಹಣ ಮಾಡಿದ ಎನ್‌ಡಿಆರ್‌ಎಫ್ನ ಮೊದಲ ಪರ್ವತಾರೋಹಣ ದಂಡಯಾತ್ರೆ ತಂಡವು ಈ ಇಬ್ಬರೂ ಚಾರಣಿಗರನ್ನು ಸುರಕ್ಷಿತವಾಗಿ ಕರೆದೊಯ್ದಿದೆ. ವಿಪರೀತ ಹಿಮಪಾತ ಮತ್ತು ಕೆಟ್ಟ ಹವಾಮಾನದಿಂದಾಗಿ, ಇಲ್ಲಿಂದ ಹೊರಬರಲು ತುಂಬಾ ಕಷ್ಟಕರವಾಗಿತ್ತು. ಇದರ ಹೊರತಾಗಿಯೂ, ಎನ್ಡಿಆರ್ಎಫ್ ತಂಡವು ಗೋಮುಖ ಗ್ಲೇಸಿಯರ್‌ನಿಂದ ಸುಮಾರು 6 ಗಂಟೆಗಳ ಕಠಿಣ ಟ್ರ್ಯಾಕಿಂಗ್ ನಂತರ ಸಿಕ್ಕಿಬಿದ್ದ ಮಹಿಳೆ ಮತ್ತು ಪುರುಷ ಚಾರಣಿಗರನ್ನು ಸುರಕ್ಷಿತ ಶಿಬಿರಕ್ಕೆ ಕರೆದೊಯ್ದರು. ಹಿಮನದಿಯಲ್ಲಿ ಸಿಕ್ಕಿಬಿದ್ದ ಮಹಿಳಾ ಚಾರಣಿಗ ಸಾಮಾ ಕರ್ನಾಟಕದವರಾಗಿದ್ದು, ಐಟಿ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಪುರುಷ ಚಾರಣಿಗ ಹಿಮಾಚಲ ಪ್ರದೇಶದವರು ಎಂದು ತಿಳಿದುಬಂದಿದೆ.
ಡಿಐಜಿ ಗಂಭೀರ್ ಸಿಂಗ್ ಚೌಹಾಣ್ ಮತ್ತು ಇನ್ಸ್‌ಪೆಕ್ಟರ್ ನಿಖಿಲೇಶ್ ನೇಗಿ ನೇತೃತ್ವದಲ್ಲಿ ಎನ್ಡಿಆರ್ಎಫ್ ಅಭಿಯಾನಕ್ಕೆ ತೆರಳಿದ್ದು, ಈ ವೇಳೆ ಇಬ್ಬರು ಚಾರಣಿಗರು ಸಿಕ್ಕಿಬಿದ್ದು ಪ್ರಾಣ ಉಳಿಸಿಕೊಂಡಿದ್ದಾರೆ. ಸುರಕ್ಷಿತವಾಗಿ ಶಿಬಿರ ತಲುಪಿದ ಬಳಿಕ ಚಾರಣಿಗರಿಗೆ ವೈದ್ಯಕೀಯ ಚಿಕಿತ್ಸೆ ನೀಡಲಾಗುತ್ತಿದೆ. ಆದರೆ, ಈ ಇಬ್ಬರೂ ಚಾರಣಿಗರ ಸ್ಥಿತಿ ಈಗ ಸಹಜವಾಗಿದೆ.
ಇದನ್ನೂ ಓದಿ:ಪೂರ್ಣವಾಗದ ರಾಷ್ಟ್ರೀಯ ಹೆದ್ದಾರಿ 66ರ ಕಾಮಗಾರಿ: ಗುಡ್ಡ ಕುಸಿತ ಆತಂಕದಲ್ಲಿ ವಾಹನ ಸವಾರರು
