ಮೊದಲ ರಾಕ್ ಸ್ಯಾಂಪಲ್ ಹಿಂದಿರುಗಿಸಲಿರುವ ನಾಸಾದ ನ್ಯೂ ಮಾರ್ಸ್ ರೋವರ್

ಬಹು ನಿರೀಕ್ಷಿತ ನಾಸಾದ ಮಾರ್ಸ್ ರೋವರ್​ ತನ್ನ ಮೊದಲ ರಾಕ್​ ಮಾದರಿಯನ್ನು ಯಶಸ್ವಿಯಾಗಿ ಸಂಗ್ರಹಿಸಿದೆ.

ನಾಸಾದ ಮಾರ್ಸ್(ಮಂಗಳ) ರೋವರ್​​, ತನ್ನ ಮೊದಲ ರಾಕ್​ ಮಾದರಿಯನ್ನು ಯಶಸ್ವಿಯಾಗಿ ಸಂಗ್ರಹಿಸಿದ್ದು, ಭೂಮಿಗೆ ಮರಳಿಸಲಿದೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಪರ್ಸೆವೆರೆನ್ಸ್​ ರೋವರ್​ನ ಮುಖ್ಯ ಇಂಜಿನಿಯರ್​ ಆಡಮ್​ ಸ್ಟೆಲ್​ಝ್ನರ್​​​, ಇದು ಒಂದು ಪರಿಪೂರ್ಣ ಕೋರ್​ ಸ್ಯಾಂಪಲ್ ಆಗಿದೆ. ಒಂದು ಕಲ್ಲಿನ ರಂಧ್ರವನ್ನು ನೋಡಿ ನಾನೆಂದಿಗೂ ಸಂತೋಷವಾಗಿರಲಿಲ್ಲ ಎಂದು ಟ್ವೀಟ್ ಮಾಡಿದ್ದಾರೆ.

ಕಳೆದ ಒಂದು ತಿಂಗಳ ಹಿಂದೆ ರೋವರ್​​​ ಈ ಮಾದರಿ ಸಂಗ್ರಹಿಸುವಲ್ಲಿ ವಿಫಲವಾಗಿತ್ತು. ಆದರೆ, ಉತ್ತಮ ಮಾದರಿ ಸಂಗ್ರಹಿಸಲು ಅರ್ಧ ಮೈಲಿ ಮುಂದಕ್ಕೆ ಚಲಿಸಿತ್ತು. ನಾಸಾದ ವಿಜ್ಞಾನಿಗಳ ತಂಡ ಡೇಟಾ ಮತ್ತು ಚಿತ್ರಗಳನ್ನು ವಿಶ್ಲೇಷಿಸಿದ ಬಳಿಕ ರೋವರ್​ನ ಯಶಸ್ವಿ ಕಾರ್ಯಾಚರಣೆ ನಡೆಸಿದೆ ಎಂದು ಘೋಷಿಸಿದ್ದಾರೆ.

ಕಠಿಣ ಪರಿಶ್ರಮದಿಂದ ಸಂಗ್ರಹಿಸಿದ ಮಾದರಿಗಳನ್ನು ಹಿಂಪಡೆಯಲು ನಾಸಾ ಹೆಚ್ಚಿನ ಬಾಹ್ಯಾಕಾಶ ನೌಕೆಗಳನ್ನು ಆರಂಭಿಸಲು ಯೋಜಿಸಿದೆ. ಒಂದು ದಶಕದಲ್ಲಿ ಮೂರು ಡಜನ್ ಮಾದರಿಗಳನ್ನು ಸಂಗ್ರಹಿಸಲು ಇಂಜಿನಿಯರ್​ಗಳು ಕೆಲಸ ಮಾಡುತ್ತಿದ್ದಾರೆ.