ತುರ್ತು ಮಹಾಪಂಚಾಯಿತಿ ಕರೆದ ಕಿಸಾನ್​​ ಯೂನಿಯನ್​ ಮುಖ್ಯಸ್ಥ ನರೇಶ್ ಟಿಕಾಯತ್​​

ರಾಕೇಶ್ ಟಿಕಾಯತ್​​​ ಅವರ ಮೇಲೆ ಸುಳ್ಳು ಕೇಸ್​ಗಳನ್ನು ದಾಖಲಿಸಲಾಗಿದೆ. ಬಲವಂತವಾಗಿ ಗಾಜಿಪುರ ಗಡಿಯಿಂದ ಪ್ರತಿಭಟನಾಕಾರರನ್ನು ಓಡಿಸುವ ಪ್ರಯತ್ನ ನಡೆಯುತ್ತಿದೆ ಎಂದು ಆರೋಪಿಸಿರುವ ನರೇಶ್ ಟಿಕಾಯತ್​​​ ತುರ್ತು ಮಹಾಪಂಚಾಯಿತಿ ಕರೆದಿದ್ದಾರೆ.

ಮುಜಫರ್​​ನಗರ (ಉತ್ತರ ಪ್ರದೇಶ):ಭಾರತೀಯ ಕಿಸಾನ್​​ ಯೂನಿಯನ್ (ಬಿಕೆಯು)​ ಮುಖ್ಯಸ್ಥ ನರೇಶ್ ಟಿಕಾಯತ್​​​ ​ ಇಂದು ಬೆಳಗ್ಗೆ 11 ಗಂಟೆಗೆ ಉತ್ತರ ಪ್ರದೇಶದ ಮುಜಫರ್​​ನಗರದಲ್ಲಿ ತುರ್ತು ಮಹಾಪಂಚಾಯಿತಿ ಕರೆದಿದ್ದಾರೆ.

ಬಿಕೆಯು ಮುಖ್ಯಸ್ಥ ರಾಕೇಶ್ ಅವರ ನೇತೃತ್ವದಲ್ಲಿ ಗಾಜಿಪುರ ಗಡಿಯಲ್ಲಿ ನಡೆಯುತ್ತಿರುವ ಪ್ರತಿಭಟನೆಯನ್ನು ತೆರವುಗೊಳಿಸುವಂತೆ ಉತ್ತರಪ್ರದೇಶ ಪೊಲೀಸರು ಆದೇಶ ನೀಡಿದ್ದು, ಸ್ಥಳದಲ್ಲಿ ಪೊಲೀಸರು ಸುತ್ತುವರೆದಿದ್ದಾರೆ ಎಂಬ ಮಾಹಿತಿ ಬೆನ್ನಲ್ಲೇ ಮುಜಾಫರ್‌ನಗರದ ಸರ್ಕಾರಿ ಕಾಲೇಜು ಮೈದಾನದಲ್ಲಿ ನರೇಶ್ ಟಿಕಾಯತ್​​ ಮಹಾಪಂಚಾಯಿತಿ ಕರೆದಿದ್ದಾರೆ. ರಾಕೇಶ್​​ ಅವರ ಮೇಲೆ ಪ್ರಕರಣಗಳನ್ನೂ ಪೊಲೀಸರು ದಾಖಲಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ನಾವು ಸ್ಥಳದಿಂದ ಕದಲುವುದಿಲ್ಲ, ಪ್ರತಿಭಟನೆ ಕೈ ಬಿಡುವುದಿಲ್ಲ: ರಾಕೇಶ್ ಟಿಕೈತ್

ರಾಕೇಶ್ ಅವರ ಮೇಲೆ ಸುಳ್ಳು ಕೇಸ್​ಗಳನ್ನು ದಾಖಲಿಸಲಾಗಿದೆ. ಬಲವಂತವಾಗಿ ಗಾಜಿಪುರ ಗಡಿಯಿಂದ ಪ್ರತಿಭಟನಾಕಾರರನ್ನು ಓಡಿಸುವ ಪ್ರಯತ್ನ ನಡೆಯುತ್ತಿದೆ ಎಂದು ನರೇಶ್ ಆರೋಪಿಸಿದ್ದಾರೆ.