ಲೈಂಗಿಕ ಕೆಲಸಕ್ಕಾಗಿ ಮಗಳನ್ನು ಪೀಡಿಸಿದ ತಾಯಿಗೆ 10 ವರ್ಷ ಕಾರಾಗೃಹ ಶಿಕ್ಷೆ

ಅಪ್ರಾಪ್ತೆಯನ್ನು ಲೈಂಗಿಕ ಕೆಲಸದಲ್ಲಿ ಭಾಗಿಯಾಗುವಂತೆ ಒತ್ತಾಯಿಸಿದ್ದಕ್ಕಾಗಿ ಅಪರಾಧಿ ತಾಯಿಗೆ ಮದ್ರಾಸ್ ಹೈಕೋರ್ಟ್(Madras High Court)​ 10 ವರ್ಷಗಳ ಜೈಲುಶಿಕ್ಷೆ ವಿಧಿಸಿ ಆದೇಶಿಸಿದೆ.

ಚೆನ್ನೈ(ತಮಿಳುನಾಡು):ಅಪ್ರಾಪ್ತ ಮಗಳನ್ನು ಬಲವಂತವಾಗಿ ಲೈಂಗಿಕ ಕೆಲಸದಲ್ಲಿ ತೊಡಗುವಂತೆ ಒತ್ತಾಯ ಮಾಡಿರುವ ತಾಯಿಗೆ ಇದೀಗ ಮದ್ರಾಸ್​ ಹೈಕೋರ್ಟ್ (​Madras High Court) 10 ವರ್ಷಗಳ ಕಾರಾಗೃಹ ಶಿಕ್ಷೆ ವಿಧಿಸಿದೆ.

ಜೀವನೋಪಾಯಕ್ಕಾಗಿ ಹಣ ಸಂಪಾದನೆ ಮಾಡಲು ಹೆತ್ತ ತಾಯಿಯೇ ತನ್ನ ಅಪ್ರಾಪ್ತ ಮಗಳನ್ನು ಬಲವಂತವಾಗಿ ಲೈಂಗಿಕ ಕೆಲಸದಲ್ಲಿ ತೊಡಗುವಂತೆ ಪೀಡಿಸುತ್ತಿದ್ದಳು. ಈ ವೇಳೆ ಮಗಳು ಆಂಧ್ರಪ್ರದೇಶಕ್ಕೆ ಪರಾರಿಯಾಗಿದ್ದಾಳೆ. ಬಾಲಕಿಯ ರಕ್ಷಿಸಿದ ಆಂಧ್ರಪ್ರದೇಶ ಪೊಲೀಸರು ಮರಳಿ ಚೆನ್ನೈಗೆ ಕಳುಹಿಸಿದ್ದರು. ಈ ವೇಳೆ, ಚೆನ್ನೈ ಪೊಲೀಸರ ಮುಂದೆ ಬಾಲಕಿ ತನ್ನ ಸಂಕಷ್ಟ ಹೇಳಿಕೊಂಡಿದ್ದಳು. ಹೀಗಾಗಿ ಸಂತ್ರಸ್ತ ಬಾಲಕಿಯ ತಾಯಿ ಸೇರಿದಂತೆ 10 ಮಂದಿಯ ವಿರುದ್ಧ ಪ್ರಕರಣ ದಾಖಲಾಗಿತ್ತು.

ಮದ್ರಾಸ್​ ಹೈಕೋರ್ಟ್​ನ ಪೊಸ್ಕೊ ವಿಶೇಷ ಪೀಠ (POSCO special court of Madras High court) ಬಾಲಕಿ ತಾಯಿಯ ವಿರುದ್ಧ ಪ್ರಕರಣ ದಾಖಲು ಮಾಡಿಕೊಂಡಿದ್ದು ಪೊಲೀಸರು ಚಾರ್ಜ್​ಶೀಟ್ ಸಲ್ಲಿಕೆ ಮಾಡಿದ್ದರು. ಹೈಕೋರ್ಟ್​​ನಲ್ಲಿ ಪ್ರಕರಣದ ವಿಚಾರಣೆ ನಡೆದಿದ್ದ, ಆರೋಪ ಸಾಬೀತಾಗಿದೆ. ನ್ಯಾಯಮೂರ್ತಿ ವೇಲ್ಮುರುಗನ್​​ ಅವರು ಅಪರಾಧಿ ಮಹಿಳೆಗೆ 10 ವರ್ಷಗಳ ಜೈಲುಶಿಕ್ಷೆ ವಿಧಿಸಿದ್ದಾರೆ.